Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Ампициллин-АКОС 250 мг № 10 табл

Қолжетімділігі
Тауар қолда жоқ
Үлгі
4602565014797
Елі
Россия
Өндіруші
Синтез Акционерное Курган
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (қосымша парақ)

Саудалық атауы

АМПИЦИЛЛИН

Халықаралық патенттелмеген атауы

Ампициллин

Дәрілік түрі, дозалануы

Таблеткалар, 250 мг

Фармакотерапиялық тобы

Жүйелі қолдануға арналғанинфекцияға қарсы препараттар. Жүйелі қолдануға арналған микробқа қарсы препараттар. Жүйелі қолдануға арналғанбактерияға қарсы препараттар. Бактерияға қарсыбета-лактамды препараттар, пенициллиндер. Әсер ету ауқымы кең пенициллиндер. Ампициллин.

АТХ коды: J01CA01.

Қолданылуы

Ампициллин ампициллинге сезімтал қоздырғыштардан туындаған бактериялық инфекциялардың кең ауқымын емдеуге арналған кең ауқымды әсер ететін пенициллинді білдіреді.

Негізгі көрсеткіштер мыналарды қамтиды:

  • ЛОР-мүшелерініңинфекциялары(бронхит, пневмония)
  • , гинекологиялықинфекциялар
  • я, перитонит
  • инфекциялары

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

Егер сізде ампициллинге, басқа бета-лактамды антибиотиктерге (мысалы, пенициллинге, цефалоспоринге, карбапенемдерге) немесе препараттың қосымша заттарының (6-бөлімде келтірілгендердің) кез келгеніне аллергия болса, АМПИЦИЛЛИН препаратын қолданбаңыз.

Қолдану кезіндегі қажетті сақтандыру шаралары

Егер АМПИЦИЛЛИН препаратын қабылдағанға дейін келесі жағдайлар болса, емдеуші дәрігермен кеңесіңіз:

  • Сізде қай кезде болса да, қандай да бір антибиотикті қабылдаған кезде тері бөртпесі немесе мойынның немесе беттің ісінуі болды ма;
  • Сіз басқа антибиотикпен емделіп жүрсіз бе;
  • сізде инфекциялық мононуклеоз ба (температураның жоғарылауымен, лимфа түйіндерінің, ауыз жұтқыншақтың зақымдануымен бірге болатын жедел инфекциялық ауру, қан құрамы өзгереді) немесе иммунитеттің төмендеуі ме;
  • сізде лимфолейкоз ба (қан өндіру жүйесінің қатерлі ауруларының бір түрі);
  • сізде бүйрек ауруы бар ма (сізге препараттың аз дозасы тағайындалуы мүмкін);
  • сізде асқазан-ішек жолының аурулары бар ма (атап айтқанда, антибиотиктерді қолданумен байланысты тоқ ішектің шырышты қабығының қабыну ауруы (колит)).

Басқа дәрілік препараттармен өзара әрекеттесуі

Басқа дәрілік препараттар және АМПИЦИЛЛИН

Егер сіз қабылдаған болсаңыз, жақында қабылдаған болсаңыз немесе басқа да препараттарды қабылдағыңыз келсе, емдеуші дәрігерге хабарлаңыз. Бұл сіз дәрігердің рецептінсіз сатып алған кез келген өсімдік препараттарына немесе препараттарға қатысты.

Егер сіз мыналарды қабылдасаңыз, емдеуші дәрігерге хабарлаңыз:

  • тетрациклин, эритромицин және хлорамфеникол немесе кез келген басқа антибиотиктер;
  • аллопуринол, сульфинпиразон немесе подаграны емдеуге арналған пробенецид;
  • антикоагулянттар, мысалы, варфарин немесе фениндион;
  • цитоуытты препараттар, мысалы, метотрексат (ревматоидты артритті, псориазды, немесе қатерлі ауруларды, мысалы лимфолейкозды емдеу үшін қолданылады);
  • хлорохин (безгек профилактикасы мен оны емдеу үшін қолданылады);
  • сүзек вакцинасы (сүзек профилактикасы үшін қолданылады);
  • оральді контрацептивтер. Сізге қосымша контрацепция әдістерін пайдалану қажет болады.

Арнайы сақтандырулар

АМПИЦИЛЛИН препаратын қабылдау кезінде кейбір диагностикалық зерттеулердің нәтижелері бұрмалануы мүмкін.

Егер сізде қан немесе несеп талдамаларын жүргізу жоспарланса, өзіңіздің емдеуші дәрігеріңізге АМПИЦИЛЛИН қабылдайтыныңызды хабарлаңыз.

Педиатрияда қолдану

Осы дәрілік түрдегі ампициллинді 6 жасқа дейінгі балаларға қолдануға болмайды.

Жүктілік және лактация кезеңі

Егер сіз жүкті болсаңыз, жүкті болуым мүмкін деп ойлайсыз, немесе жүктілікті жоспарлайсыз, сондай-ақ емшек емізсеңіз, препаратты қолданар алдында емдеуші дәрігермен кеңесіңіз. Жүктілік кезінде, егер ана үшін болжамды пайда ұрық үшін ықтимал қауіптен асып кетсе, қолданылуы мүмкін.

Лактация кезінде пенициллиндердің іздік мөлшері емшек сүтінде анықталуы мүмкін. Лактация кезеңінде қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

АМПИЦИЛЛИН автокөлікті басқару және механизмдермен жұмыс істеу қабілетіне болмашы әсер етпейді немесе әсер етеді. Кейде бас айналуы мүмкін. Ықтимал жағымсыз реакцияларды ескере отырып, емдеу кезінде автокөлікті жүргізу және зейінді жоғары жұмылдыруды және психомоторлы реакцияның жылдамдығын талап ететін қызметтің басқа да әлеуетті қауіпті түрлерімен айналысу кезінде сақ болу қажет.

Қолдану жөніндегі нұсқаулар

Әрқашан осы препаратты өзіңіздің емдеуші дәрігеріңіздің ұсынымдарына сәйкес қабылдаңыз. Препараттың дозасы мен емдеу ұзақтығын сіздің жағдайыңызға байланысты дәрігер анықтайды.

Егер сіз бір нәрсеге сенбесеңіз, өзіңіздің емдеуші дәрігеріңізге хабарласыңыз.

Таблеткаларды тамақтануға дейін жарты сағат – бір сағат қалғанда, су ішіп, тұтасымен жұтып қою керек.

Дозалану режимі

Ересектер мен 10 жастан асқан балаларға арналған әдеттегі тәуліктік доза:

2-ден 6 г-ға дейін ампициллин.

Дозалау жиілігі: тәулігіне 3 рет (8 сағаттан соң) немесе тәулігіне 4 рет (6 сағаттан соң).

Емдеу ұзақтығы: аурудың ағымына байланысты. Әдетте ампициллин 7 күннен 10 күнге дейін немесе симптомдар жоғалғаннан кейін кемінде 2-3 күн қолданылады.

Бета-гемолиздік стрептококктардан туындаған инфекцияларды емдеу кезінде - 10 күн (ревматизмдік қызба мен гломерулонефрит профилактикасы үшін).

Балалар

10 жастан асқан: ересектердегі дозалары көрсетілген.

10 жастан кіші: ересектердегі тәуліктік дозаның жартысы.

Осы дәрілік түрдегі Ампициллинді 6 жасқа дейінгі балаларға тағайындамайды.

Дозалаудың барлық көрсетілген режимдері ұсынымдық сипатта болады. Қажет болған кезде, ауыр инфекциялар жағдайында, сіздің дәрігер дозаны ұлғайту туралы шешім қабылдай алады.

Бауыр жеткіліксіздігі бар пациенттер

Ауыр бүйрек жеткіліксіздігі болған кезде (креатинин клиренсі минутына 10 мл-ден кем) доза азайтылуы немесе препаратты қабылдау арасындағы уақыт аралығы ұлғайтылуы мүмкін.

Артық дозалану жағдайында қабылдау қажет болатын шаралар

Егер сіз АМПИЦИЛЛИН препаратының тым үлкен дозасын қабылдадым деп ойласаңыз, дереу дәрігерге хабарласыңыз. Артық дозалану симптомдары жүрек айнуы, құсу және диарея болуы мүмкін.

Препараттың бір немесе бірнеше дозасын өткізіп алған жағдайда қабылдануы қажет шаралар

Егер сіз кезекті дозаны қабылдауды ұмытып кетсеңіз, оны мүмкіндігінше тезірек қабылдаңыз. Алайда, егер препараттың кезекті дозасын қабылдау уақыты басталса, өткізіп алған дозаны қабылдамай, әдеттегі қабылдауды жалғастырыңыз. Өткізіп алған дозаны толтыру үшін қос дозаны қабылдамаңыз!

Осы препаратты қолдану бойынша қандай да бір қосымша сұрақтар туындаған кезде өзіңіздің емдеуші дәрігеріңізбен кеңесіңіз.

ДП-ны стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте жиі

- Диарея

Жиі

- Жүректің айнуы, іштің ауыруы

Жиі емес

-Тромбоцитопения

- Құсу, глоссит

- Гипербилирубинемия

- Әлсіздік

Сирек

-Жалған жарғақшалы колит

- Құрысулар, бас айналуы

- Энтероколит

- Интерстициальді нефрит

- Стивенс-Джонсон синдромы, уытты эпидермальді некролиз, полиморфты эритема, эксфолиативті дерматит

Жиілігі белгісіз

-Кандидоз

-Панцитопения, қан ұю уақытының ұлғаюы, агранулоцитоз, лейкопения, нейтропения, гемолиздік анемия, анемия, эозинофилия, тромбоцитопениялық пурпура1

- Анафилаксиялық/анафилактоидты реакциялар, анафилаксиялық шокты, ангионевроздық ісінуді қоса

- Анорексия

- Бас ауруы, ұйқышылдық, нейроуыттылық

- Аллергиялық васкулит

- Диспноэ

- Шырышты қабықтардың қабынуы

- Бөртпе, қышыну, тері реакциялары, жедел жайылған экзантематозды пустулез

- Мелена, ауыздың құрғауы, эпигастрийдегі ауырсыну, диспепсия, дәмніңбұзылуы, метеоризм, геморрагиялық энтероколит, стоматит1

Холестаз жәнебауыр холестазы, АЛТ, ACT ұлғаюы, бауыр функциясыныңбұзылуы, сарғаю

- Бұлшықет, қаңқа және дәнекер тінінің артралгиясы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат - 250 мг ампициллин тригидраты(ампициллинге шаққанда),

қосымша заттар: магний стеараты, повидон, полисорбат, тальк, картоп крахмалы

Сыртқы түрінің, иісінің, дәмінің сипаттамасы

Жалпақ цилиндр пішінді, бір жағында кәсіпорынның тауарлық таңбасы бедерленген, басқа жағында – сызығы мен ойығы бар ақ түсті таблеткалар

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

1 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Дәрігердің рецептісі арқылы

Өндіруші туралы мәліметтер

«Синтез» ААҚ