Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Декстанол 50 мг/2 мл № 6 амп

2133
Қолжетімділігі
Сатылымда бар
Үлгі
8699540008397
Елі
Казахстан
Өндіруші
Нобел АФФ
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

ДЕКСТАНОЛ

Саудалық атауы

ДЕКСТАНОЛ

Халықаралық патенттелмеген атауы

Декскетопрофен

Дәрілік түрі

Вена ішіне және бұлшықет ішіне енгізуге арналған ерітінді, 50 мг/2 мл

Құрамы

Бір ампуланың ішінде: белсенді зат - 73.80 мг декскетопрофен трометамолы (50 мг декскетопрофенге баламалы),

қосымша заттар: натрий хлориді, натрий гидроксиді, этил спирті 96 %, инъекцияға арналған су

Сипаттамасы

Мөлдір, түссіз ерітінді.

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Пропион қышқылының туындылары. Декскетопрофен

АТХ коды M01AE17

Фармакологиялық қасиеттері

Фармакокинетикасы

Плазмадағы ең жоғарғы концентрациясына (26,4+5,4 мкг/мл) вена ішіне инфузиядан кейін 4-5 минуттан соң, бұлшықет ішіне инъекциядан кейін – 20 минуттан соң жетедіжәне 2 сағат бойы сақталады. Биожетімділігі 90% құрайды және препарат дозасы артқан сайын біртіндеп көбейеді. Декскетопрофен қан плазмасы ақуыздарымен 99%-ға, көбінесе альбуминдік фракциясымен байланысады. Таралу көлемі 0,25 л/кг құрайды. Синовиальді сұйықтықта декскетопрофеннің концентрациясы плазмадағы концентрациясының 50%-ына жетеді (1,5 мкг/мл); синовиальді сұйықтықтан баяу – 24 сағат ішінде шығарылады. Бауырда метаболизмге ұшырайды, ол жерде ол глюкурон қышқылымен конъюгацияланады. 80%-ға жуық декскетопрофен несеппен, көбінесе глюкурон қышқылымен конъюгат түрінде бөлініп шығады. 10%-дан азы өзгеріссіз күйде нәжіспен шығарылады. Декскетопрофеннің жартылай шығарылу кезеңі 1-ден 2,7 сағатқа дейін ауытқып тұрады. Бүйрек жеткіліксіздігі бар пациенттерде декскетопрофен баяуырақ шығарылады, ал оның жартылай шығарылу кезеңі 1 сағатқа ұзарады.

Фармакодинамикасы

ДЕКСТАНОЛ, инъекцияға арналған ерітінді, қабынуға қарсы, ауыруды басатын және ыстықты түсіретін әсері бар және стероидты емес қабынуға қарсы препараттар тобына жатады. Препараттың әсер ету механизмі простагландин синтезінің простагландиндердің арахидон қышқылынан синтезделуін катализдейтін циклооксигеназа ферменті (циклооксигеназа-1 және циклооксигеназа-2) белсенділігін бәсеңдетудің есебінен,простагландиндер мен лейкотриендердің биосинтезін тежеуімен байланысты. Кетопрофен липосома жарғақшасын тұрақтандырады, лейкотриен синтезіне тежегіштік әсер береді және антибрадикининдік белсенділікке ие. Бірнеше ауыру модельдеріне жүргізілген клиникалық зерттеулер декскетопрофен трометамолының ауыруды басатын әсерін көрсетті. Зерттеулер барысында, препараттың ауыруды басатын әсері жылдам болды және ауыруды басатын әсерінің шыңы алғашқы 45 минут ішінде білінеді. Ауыруды басатын әсерінің ұзақтығы 50 мг декскетопрофенді енгізгеннен кейін әдетте, 8 сағатты құрайды.

Қолданылуы

  • препаратты пероральді түрде қабылдау мақсатқа сай болмаған жағдайда қарқындылығы орташа және жоғары дережедегі жедел ауыруды қысқа мерзімде симптоматикалық емдеуде

Қолдану тәсілі және дозалары

Вена ішіне және бұлшықет ішіне енгізу үшін.

Ересектер: Декстанолдың (2 мл) бір ампуласының ішіндегісін баяу инъекция жолымен әр 8-12 сағат сайын бұлшықетке терең енгізеді. Қажет болса, препаратты қабылдау әр 6 сағат сайын жүргізілуі мүмкін. Жалпы дозасы күніне 150 мг аспауы тиіс. Декстанол қысқа мерзімді емдеуге тағайындалады және тек жедел симптоматикалық кезеңмен (екі күннен аспайтын) шектеледі. Пациенттер мүмкіндігінше пероральді анальгетиктерге көшуі тиіс.

Декстанолдың вена ішіне инъекциялар үшін ұсынылатын тәуліктік дозасы 100 – 150 мг құрайды және 150 мг аспауы тиіс. Вена ішіне құю үшін Декстанолдың бір ампуласының ішіндегісін (2 мл) 100 мл натрий хлоридінің ерітіндісінде еріту және әр 8-12 сағат сайын 10-30 минут бойы енгізу қажет. Ерітінді стерильді жағдайларда дайындалуы, препараттың жарыққа сезімталдығына байланысты тікелей күн сәулесінің түсуінен қорғалуы және дайындалғаннан кейін бірден қолданылуы тиіс

Жағымсыз әсерлері

Жиі: жүрек айнуы және/немесе құсу, препаратты енгізген жердің ауыруы, инъекция аймағындағы жергілікті реакциялар, қабынуды, көгерген және қанталаған жерлерді қоса

Кейде: анемия, ұйқысыздық, бас ауыруы, бас айналуы, ұйқышылдық

- көрудің бұлыңғырлығы

- гипотензия, гиперемия

- іштің ауыруы, диарея, диспепсия,констипация, гематемезис, ауыз қуысының құрғауы

- дерматит, терінің қышынуы, бөртпе, қатты терлеу

- гипертермия, шаршау, ауыру, қалтырау

Сирек: көмейдің ісінуі

- гипергликемия, гипогликемия, гипертриглицеридемия, анорексия

- парестезия, естен танулар

- құлақтағы шуыл

- экстрасистола, тахикардия

- гипертензия, тромбофлебит

- брадипноэ

- пептидтік ойық жара, пептидтік ойық жарадан қан кету, пептидтік ойық жараның тесілуі, ойық жаралы стоматит, колиттің және Крон ауруының өршуі, гепатит, өт құйылуы

- аллергиялық бөртпе, безеу

- бұлшықеттердің сіресуі, буындардың құрысуы, бұлшықет құрысулары, арқаның ауыруы

- бүйректің жедел жеткіліксіздігі, полиурия, бүйрек тұсының ауыруы, кетонурия, протеинурия

- етеккір оралымының бұзылуы, простата бұзылулары

- діріл және шеткері ісіну

- бауырдың функционалдық сынамаларының бұзылулары

Өте сирек:нейтропения, тромбоцитопения

- пурпура, апластикалық және гемолитикалық анемия, агранулоцитоз, сүйек кемігінің гипоплазиясы

- анафилаксиялық шокты қоса, анафилаксия реакциясы, бронх түйілуі, тыныстың тарылуы

- панкреатит, гастрит, гепатоцеллюлярлық зақымданулар

- Стивенс – Джонсон синдромы, уытты некролиз (Лайелл синдромы), Квинке ісінуі, беттің ісінуі, жарыққа сезімталдық

- нефрит немес нефроздық синдром

Қолдануға болмайтын жағдайлар

- препаратқа, басқа анальгетиктерге/қабынуға қарсы стероидты емес перпараттарға (ҚҚСП) аса жоғары сезімталдық

- асқазан мен он екі елі ішектің өршу фазасындағы ойық жаралы ауруы

- асқазан-ішектен қан кетулер немесе қатты қан кетудің басқа да түрлері

- бауыр және бүйрек қызметтерінің ауыр бұзылулары (креатинин клиренсі <50мл/мин)

- ішектің өршу фазасындағы қабыну аурулары, Крон ауруы

- геморрагиялық диатез және қан ұюының басқа да бұзылулары

- бронх демікпесі

- жүктілік және лактация кезеңі

- жүрек жеткіліксіздігі

- 18 жасқа дейінгі балалар

Дәрілермен өзара әрекеттесулері

Төмендегі дәрілерді: Декстанолмен бірге қолдану ұсынылмайды.

- басқа ҚҚСП, жоғары дозалардағы (тәулігіне > 3 г)салицилаттарды қоса: екі және одан да көп ҚҚСП бірге қолданғанда, бұл препараттардың өзара әсерлерінің күшеюі салдарынан ойық жараның және асқазан-ішектен қан кетулердің қаупі артады;

- антикоагулянттарды: Декстанол декскетопрофеннің плазма ақуыздарымен байланысу дәрежесінің жоғарылығы сондай-ақ тромбоциттер қызметін бәсеңдетуі және асқазан мен он екі елі ішектің шырышты қабығын зақымдауы салдарынан антикоагулянттардың, мысалы, варфариннің әсерін күшейтеді. Егер бірге қолдану қажет болса, ол дәрігердің мұқият қадағалауымен және зертханалық көрсеткіштердің бақылануымен жүргізілуі тиіс;

- гепариндерді: қан кетулер қаупі артады (тромбоциттер қызметінің бәсеңдеуі және асқазан мен он екі елі ішектің шырышты қабығының зақымдануына байланысты). Егер бірге қолдану қажет болса, ол дәрігердің мұқият қадағалауымен және зертханалық көрсеткіштердің бақылануымен жүргізілуі тиіс;

- кортикостероидтарды: ойық жара және асқазан-ішектік қан кетудің даму қаупі артады;

- литийді: Декстанол қандағы литий концентрациясын арттырады, бұл уыттануға алып келуі мүмкін (литийдің бүйрекпен шығарылуының төмендеуі). Сондықтан декскетопрофенды қолданудың басында, дозасын түзеткенде және препаратты тоқтатқанда литий концентрациясын бақылауға алу қажет;

- жоғары дозалардағы метотрексат (аптасына 15 мг немесе одан жоғары): қабынуға қарсы дәрілерді қолдану аясында метотрексаттың бүйректік клиренсін азайтудың есебінен, тұтас алғанда, оның қан жүйесіне уытты әсері күшейеді;

- гидантоин туындылары мен сульфаномидтер: бұл заттардың уытты әсері күшеюі мүмкін.

Декстанол мен төмендегі дәрілік заттарды бірге тағайындау сақтықты талап етеді:

- диуретиктер, АӨФ тежегіштері, бактерияға қарсы аминогликозидтер және ангиотензин II рецепторларының антагонистері: Декскетопрофен диуретиктердің және басқа гипотензивтік дәрілердің әсерін әлсіретеді. Бүйрек қызметінің бұзылуы бар кейбір пациенттерде (мысалы, сусыздану кезінде немесе бүйрек қызметі бұзылған егде жастағы пациенттерде) циклооксигеназаға бәсеңдеткіш әсер беретін дәрілерді, АӨФ тежегіштерімен, ангиотензин II рецепторларының антагонистерімен немесе аминогликозидтік қатардың антибиотиктерімен бірге қолдану әдетте қайтымды сипатта болатын жағдайды ушықтыруы мүмкін. Декскетопрофенды диуретикпен бір мезгілде тағайындағанда пациенттің жеткілікті мөлшерде сұйықтық ішіп жүргеніне көз жеткізу, сондай-ақ емдеудің басында бүйрек қызметін бақылап отыру аса қажет;

- аптасына 15 мг-ден аз, төмен дозалардағы метотрексат: қабынуға қарсы дәрілерді қолдану аясында метотрексаттың бүйректік клиренсін азайтудың есебінен, тұтас алғанда, оның қан жүйесіне уытты әсері күшейеді. Бірге қолданудың алғашқы апталарында апта сайын қан талдауын жасау қажет. Бүйрек қызметінің тіпті болар-болмас бұзылуында да, сондай-ақ егде жастағы науқастарда емдеуді дәрігердің қатаң қадағалауымен жүргізу керек;

- пентоксифиллин: қан кетулер қаупі артады. Бақылауды күшейту және қан кету уақытын жиі бақылап отыру қажет;

- зидовудин: ретикулоциттерге әсерінің есебінен эритроциттерге уытты әсерінің күшеюі қаупі бар, ол Декстанол қолданылған бірінші аптадан кейін ауыр анемияға алып келуі мүмкін. Декстанолды қолдануды бастағаннан кейін бір-екі апта бойы жалпы қан талдауын жүргізу және ретикулоциттердің құрамын тексеру керек;

- сульфонилмочевина препараттары: ҚҚСП плазма ақуыздарымен қосылыстарында сульфонилмочевина препараттарының орнын басудың есебінен олардың гипогликемиялық әсерін күшейтуге қабілетті.

Төмендегі дәрілерді пайдаланғанда болуы мүмкін өзара әрекеттесулерді ескеру керек:

- бета-блокаторлар: Декстанол простагландиндер синтезін бәсеңдетудің есебінен олардың гипотензивтік әсерін әлсіретуге қабілетті;

- циклоспорин және такролимус: декскетопрофенның бүйрек простагландиндеріне әсерінің есебінен, нефроуыттылығы күшеюі мүмкін. Біріктірілген емдеу кезінде бүйрек қызметін бақылауға алу керек;

- тромболитикалық дәрілер: қан кетулер қаупі артады;

- антиагрегантар және серотониннің кері қармауының селективті тежегіштері (СКҚСТ): асқазан-ішектен қан кетулер қаупі артады;

- пробенецид: плазмадағы декскетопрофен концентрациясы жоғарылауы мүмкін бұған өзекшелік секреция пен препараттың глюкурон қышқылымен коньюгациялануының бәсеңдеуі түрткі болуы мүмкін және декскетопрофенның дозасын түзетуді қажет етеді;

- жүрек гликозидтері: Декстанол плазмадағы гликозидтердің концентрациясын арттыруға қабілетті;

- мифепристон: теориялық тұрғыдан простагландин-синтетаза тежегіштерінің әсерінен мифепристонның тиімділігін өзгерту қаупі бар: Декстанолды мифепристон тағайындалғаннан кейін 8-12 күн бойы қолданбау керек;

- хинолондік қатар антибиотиктері: жануарларға жүргізілген зерттеулер нәтижелері хинолон туындыларын жоғары дозаларда Декстанолмен бірге қолдану құрысулардың даму қаупін арттыратынын көрсетті.

Айрықша нұсқаулар

Балалар мен жасөспірімдерде қолданылуының қауіпсіздігі дәлелденбеген.

Анамнезінде аллергиялық реакциялары бар науқастарда сақтықпен қабылдау керек. Декстанол препаратының басқа ҚҚСП-мен, соның ішінде циклооксигеназа-2 селективті тежегіштерімен қолданылуын болдырмау керек. Жағымсыз әсерлерін жағдайды жақсарту үшін қажетті ең төменгі тиімді дозасын азғантай уақыт ішінде пайдаланудың есебінен төмендетуге болады. Декстанолды инфузияға арналған ерітіндіде прометазинмен және пентазоцинмен араластыруға болмайды. Дестанолды азғантай көлемде (мысалы шприцте) допамин, прометазин, пентазоцин, петидин және гидрокортизон ерітінділерімен араластыруға болмайды, өйткені ақ тұнба түзіледі. Асқазан-ішектен қан кетулер, кей жағдайларда өліммен аяқталатын ойық жараның түзілуі немесе тесілуі, ізашар симптомдарының болуына немесе анамнезінде АІЖ тарапынан күрделі патологиясының болуына байланыссыз, барлық ҚҚСП-мен емдеу кезінде емдеудің түрлі сатыларында хабарланған. Декстанолды қолдану аясында асқазан-ішектен қан кету дамыған жағдайда, препаратты тоқтату керек. Асқазан-ішектен қан кету, ойық жараның түзілу немесе тесілу қаупі анамнезінде ойық жарасы бар, әсіресе асқынған қан кету немесе ойылу бар науқастарда, сондай-ақ егде жастағы пациенттерде ҚҚСП дозасын арттырғанда жоғарылайды. Егде жастағы пациенттер: егде жастағы пациенттерде стероидты емес қабынуға қарсы препараттардың жағымсыз әсерлерінің,әсіресе, асазан-ішектен қан кету немесе ойық жараның тесілуі сияқтылардың туындау жиілігі артады, ол өмірге қауіп төндіруі мүмкін. Мұндай пациенттерде емдеуді мүмкін болатын өте аз дозасынан бастау керек. Декскетопрофен трометомолымен емдеуді бастар алдында - басқа ҚҚСП жағдайларындағы сияқты - пациенттің анамнезінде эзофагит, гастрит және/немесе ойық жаралы аурудың болған-болмағанын сұрау және бұл аурулардың толығымен емделгеніне көз жеткізу қажет. АІЖ тарапынан симптомдары немесе патологиясы және анамнезінде асқазан-ішек аурулары бар науқастарда асқорыту жолының, әсіресе асқазан-ішектен қан кету бұзылыстарына бақылау жүргізу қажет. Декстанолды анамнезінде асқазан-ішек аурулары (ойық жаралы колит, Крон ауруы) бар науқастарға сақтықпен тағайындау керек, өйткені бұл аурулардың өршу қаупі бар. Ондай пациенттер, сондай-ақ, төмен дозаларда аспиринмен қатарлас емдеуді немесе асқазан-ішек жолы тарапынан бұзылулардың туындау қаупін арттыратын басқапрепараттарды қабылдауды қажет ететін пациенттер үшін протектор препараттармен, мысалы, мизопростолмен немесе протондық сорғы тежегіштерімен біріктірілген емді қолдану мүмкіндігін қарастыру керек. Анамнезінде АІЖ тарапынан жағымсыз әсерлер орын алған, әсіресе егде жастағы пациенттер асқорыту жүйесімен байланысты (атап айтқанда, асқазан-ішектен қан кетулер туралы), әсіресе емдеудің алғашқы сатыларындағы әдеттен тыс симптомдардың барлығы туралы хабарлап отыруы тиіс. Препаратты пероральді кортикостероидтар, антикоагулянттар (мысалы, варфарин), серотониннің кері қармауының селективті тежегіштері немесе антиагреганттар, мысалы аспирин сияқты ойық жараның немесе қан кетудің туындау қаупін арттыруы мүмкін дәрілерді бір мезгілде қабылдап жүрген пациенттерге сақтықпен тағайындау керек. Басқа да селективті емес ҚҚСП сияқты, Декстанол простагландиндер синтезін тежей отырып, тромбоциттер агрегациясын тежеуі және қан кету уақытын ұзартуы мүмкін. Соған орай, декскетопрофен трометомолын қан ұйығыштығына әсер ететін, варфарин немесе басқа кумариндік қатар препараттары немесе гепариндер сияқты басқа дәрі-дәрмектерді қабылдап жүрген пациенттерде қолдану ұсынылмаған.

Барлық ҚҚСП сияқты, препарат мочевина азотының концентрациясы менқан плазмасындағы креатининді арттыруға қабілетті. Простагландиндер синтезінің басқа тежегіштері сияқты, оны қолдану бүйрек тарапынан гломерулонефритке, интерстициальді нефритке, папиллярлық некрозға, нефротикалық синдромға және бүйректің жедел жеткіліксіздігіне алып келетін жағымсыз әсерлермен қатар жүруі мүмкін.

Басқа ҚҚСП сияқты, препарат бауыр көрсеткіштерінің уақытша және болар-болмас артуын, сондай-ақ АСТ және АЛТ белсенділігінің айқын артуын тудыруы мүмкін. Аталған көрсеткіштер сәйкесінше артса, емдеуді тоқтату керек.

Декстанолды қан түзілу бұзылуларынан, жүйелі қызыл жегіден немесе аралас коллагеноздардан зардап шегетін пациенттер сақтықпен тағайындау керек. Басқа ҚҚСП сияқты, декскетопрофен инфекциялық аурулардың симптомдарын бүркемелеуі мүмкін. Бауыр және/немесе бүйрек қызметі бұзылған пациенттерде, сондай-ақ анамнезінде гипертониясы және/немесе жүрек жеткіліксіздігі бар пациенттерде ерекше сақ болу қажет. Мұндай пациенттерде ҚҚСП қолдану бүйрек қызметінің нашарлауына, организмде сұйықтықтың іркілуіне және ісінулерге алып келуі мүмкін. Сонымен қатар, диуретиктермен емделіп жүрген пациенттерде және гиповолемия қаупі бар пациенттерде сақ болу керек, өйткені мұндай пациенттерде препараттың бүйрекке уытты әсерінің қаупі жоғары. Анамнезінде жүрек аурулары бар пациенттерге, әсіресе бұрын жүрек жеткіліксіздігінің көріністері болса, аса сақ болу қажет, өйткені препарат жүрек жеткіліксіздігінің ушығуына алып келуі мүмкін. Егде жастағы пациенттер бүйрек, жүрек-қантамыр жүйесі немесе бауыр тарапынан болатын бұзылулардан жиі зардап шегеді.

ҚҚСП қолдану сирек жағдайларда эксофолиативті дерматит, Стивенс-Джонсон синдромы және эпидермистің уытты некролизі сияқты реакцияларды қоса, кейде өліммен аяқталатын күрделі тері реакцияларымен байланысты болды. Бұл жағдайлардың даму қаупі емдеудің алғашқы фазасында өте жоғары, көп жағдайларда реакциялардың басталуы емдеудің бірінші айы бойына орын алған. Тері бөртпесінің, шырышты қабықтардың зақымдалуы және аса жоғары сезімталдықты көрсететін басқа да жағдайлардың алғашқы белгілері кезінде, Декстанолды дереу тоқтату керек. Басқа ҚҚСП сияқты, декскетопрофен трометамолы әйелдердегі фертильділікке теріс әсер етуі мүмкін және соған орай, препаратты бала көтеруге тырысып жүрген әйелдерде қолдану ұсынылмайды. Бала көтеруге қатысты қиындықтары бар және фертильділіктің бұзылуына байланысты тексеруден өтіп жүрген әйелдерде декскетопрофен трометомолын тоқтату мүмкіндігін қарастыру керек.

Гипертониясы және/немесе анамнезінде жеңілден орташа дәрежеге дейінгі іркілісті жүрек жеткіліксіздігі бар пациенттерде мұқият қадағалау және кеңес беру жұмыстарын жүргізу керек, өйткені Декстанолды қолдану организмде сұйықтықтың іркілуімен және ісінулердің дамуымен байланысты болуы мүмкін. Клиникалық зерттеу нәтижелеріне және эпидемиологиялық деректерге сәйкес, кейбір ҚҚСП, әсіресе жоғары дозаларда ұзақ уақыт бойы қолдану артериялық тромбоздар қаупінің (мысалы, миокард инфарктісі немесе инсульт) біраз артуымен қатар жүруі мүмкін. Декскетопрофен трометомолын қолданғандағы мұндай қауіпті жоққа шығару үшін мәліметтер жеткіліксіз.Бақыланбайтын артериялық гипертензия, іркілісті жүрек жеткіліксіздігі, жүректің ишемиялық ауруы, шеткері артериялардың және/немесе ми қантамырларының аурулары кезінде декскетопрофен трометомолын тек науқастың жағдайына мұқият баға бергеннен кейін ғана тағайындау керек. Бұл ұзақ емдеудің алдында жүрек-қантамыр ауруларының қауіп факторлары (мысалы, гипертензия, гиперлипидемия, қант диабеті, шылым шегу) бар пациенттерге де қатысты.

Жүктілік кезеңі және бала емізу.

Декстанол препаратын жүктіліктің III триместрінде және бала емізу кезінде қолдану қарсы көрсетілімді. Простагландиндер синтезінің бәсеңдеуі жүктілік ағымына және/немесе ұрықтың дамуына теріс әсер етуі мүмкін. Эпидемиологиялық зерттеулер нәтижелеріне сәйкес, простагландиндер синтезін бәсеңдететін препараттарды жүктіліктің бастапқы мерзімінде қолданғанда түсік тастау, ұрықта жүрек ақауының туындауы және алдыңғы құрсақ қуысының жетілмей қалу қаупі артады. Жүрек-қантамыр жүйесі ауытқулары дамуының абсолюттік қаупі шамамен <1%-ден 1,5%-ға артқан. Мұндай құбылыстардың туындау қаупі препараттың дозасын және емдеу ұзақтығын арттырғанда жоғарылайды деп есептеледі. Декскетопрофен трометамолын жүктіліктің I және II триместрінде тек аса қажеттілік жағдайында ғана тағайындауға болады. Декскетопрофен трометамолын жүктілікті жоспарлап жүрген, немесе жүктіліктің I жәнеIIтриместріндегі әйелдерге емдеудің мүмкіндігінше өте қысқа мерзімі бойына ең төменгі тиімді дозасын қолдану қажет. III триместрде простагландиндер синтезінің барлық тежегіштері төмендегілерді туғызады:

Шарана үшін қауіптер:

• кардиопульмональді уытты синдром (артериялық жолдың облитерациясымен және өкпе гипертензиясымен);

• бүйрек қызметінің бұзылуы, ол олигогидроамнион дамуымен бүйрек жеткіліксіздігіне дейін үдеуі мүмкін.

Жүктіліктің соңындағы ана мен бала үшін қауіптер:

• қан кету уақытының ұзаруы (тромбоциттер агрегациясын бәсеңдету әсері), бұл тіпті төмен дозаларда қолданғанда да болуы мүмкін;

• жатырдың жиырылуының тежелуіне сәйкес босанудың кідіруі және ұзаққа созылған босанулар.

Декскетопрофеннің емшек сүтіне өтуі туралы мәліметтер жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Декстанол препаратын қолдану аясында бас айналуы және ұйқышылдық болуы мүмкін, сондықтан көлік құралдарын басқаруға және басқамеханизмдермен жұмыс жасауға әлсіз немесе орташа әсері болуы мүмкін. Сондықтан пациенттер мұны ескеруі және өзінің мұндай жұмыстарды орындауға қабілеттілігін объективті тұрғыдан бағалауы тиіс.

Дәріханалар

Тауар артығымен бар
Тауар аз қалды
Аптека №212
Проспект Абая 101/1
9/00-00/00
Аптека № 134, Уральск, (9 мкр "Котеджи")
г.Уральск, ул.Московская 10/2
9/00-00/00
Аптека №28
г. Уральск, ул. Курмангазы 175, ТД Уральск
Круглосуточно
Аптека №151, Уральск (4мкр ТД "Урал")
г.Уральск, 4мкр 10/2
Круглосуточно