Флуконазол-Здоровье 150 мг, №1, капс.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Флуконазол-Здоровье 150 мг, №1, капс.

Қолжетімділігі
Тауар қолда жоқ
Үлгі
Өндіруші
Здоровье ФК ООО
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Флуконазол-Здоровье

Халықаралық патенттелмеген атауы

Флуконазол

Дәрілік түрі, дозалануы

Капсулалар 150 мг

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған зеңге қарсы препараттар. Триазол туындылары. Флуконазол.

АТХ коды: J02АС01

Қолданылуы

Ересек пациенттерде мыналарды емдеу мақсатында қолданылады:

- криптококкты менингит

- кокцидиоидомикоз

- инвазивті кандидоз

- шырышты кандидоз, оның ішінде ауыз жұтқыншақ, өңеш кандидозы; кандидурия, созылмалы тері-шырыш кандидозы

- ауыз қуысының жеткіліксіз гигиенасында немесе жергілікті емдеу жеткіліксіз болғандағы тіс протезін пайдалануға байланысты ауыз қуысының созылмалы атрофиялық кандидозы

- жедел немесе қайталанған қынаптық кандидоз, жергілікті емдеу мүмкін болмағанда

  • Аналары кокцидиоидомикозды емдеу үшін флуконазолды жоғары дозаларда (күніне 400-800 мг) үш ай немесе одан ұзақ қабылдаған жаңа туған нәрестелердегі көптеген туа біткен даму ақаулары туралы (брахицефалияны, құлақ қалқанының дисплазиясын, алдыңғы еңбектің шектен тыс ұлғаюын, жамбастың қисаюын, иық-шынтақ синостозын қоса) баяндалды. Флуконазолды қолдану мен осы жағдайлардың арасындағы себеп-салдарлық байланыс анық емес.

Ересек пациенттерде профилактика мақсатында қолданылады:

- қайталанулар қаупі жоғары пациенттерде криптококкты менингит қайталанулары

- олардың қайталану қаупі жоғары АИТВ инфекцияланған пациенттерде ауыз жұтқыншақ және өңеш кандидозының қайталанулары

- қынаптық кандидоздың қайталану жиілігін (жылына 4 немесе одан көп эпизодтар) азайту

- ұзаққа созылатын нейтропениясы бар пациенттердегі кандидоздық инфекциялар профилактикасы (мысалы, химиялық емнен өтетін гематологиялық қатерлі жаңа түзілімдері бар пациенттерде немесе гемопоэздік діңді жасушалар трансплантациясы жасалған пациенттерде).

6-дан 18 жасқа дейінгі балалар мен жасөспірімдер:

− шырышты қабықтың кандидозы (ауыз және жұтқыншақ, өңеш шырышты қабықтары), инвазивті кандидоз, криптокококкты менингит

- иммунитет тапшылығы бар пациенттерде кандидозды инфекциялардың профилактикасы

- қайталану қаупі жоғары балалардағы криптококкты менингиттің қайталануын болдырмау үшін демеуші ем ретінде

Емдеу бактериологиялық және басқа зертханалық зерттеулердің нәтижелерін алғанға дейін тағайындалуы мүмкін, алайда, бұл нәтижелер белгілі бола салысымен, инфекцияға қарсы емді алынған нәтижелерге сәйкес түзету керек.

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- флуконазолға, препараттың басқа компоненттеріне, құрылымы флуконазолға ұқсас азольді заттарға жоғары сезімталдық

- тәулігіне 400 мг және одан көбірек дозада ұзақ қолдану аясында терфенадинді бір мезгілде қабылдау

- QT аралығын ұзартатын немесе Р450 цитохромының (CYP3A4 изоферменті) қатысуымен метаболизденетін цизаприд, астемизол, эритромицин, пимозид, амиодарон, хинин сияқты дәрілік препараттарды бір мезгілде қабылдау

- жүктілік және лактация кезеңі

- 6 жасқа дейінгі балалар

- тұқым қуалайтын фруктоза жақпаушылығы, Lapp-лактаза ферментінің жеткіліксіздігі, глюкоза-галактоза мальабсорбциясы

Қолдану кезіндегі қажетті сақтық шаралары

Деректер жоқ

Арнайы сақтандырулар

Дерматофитиялар. Балалардағы дерматофитияны емдеген кезде флуконазол тиімділігі жағынан гризеофульвиннен асқан жоқ. Сондықтан флуконазолды балалардағы дерматофитияны емдеуге қолдану ұсынылмайды.

Криптококкоз. Флуконазолдыңбасқалай орналасқан криптококкозды (мысалы, өкпе криптококкозын және тері криптококкозын) емдеудегі тиімділігіне дәлелдер жеткіліксіз, сондықтан мұндай ауруларды емдеу үшін дозалау режимдері жөніндегі ұсыныстар жоқ.

Терең эндемиялық микоздар. Флуконазолдыңпаракокцидиоидомикоз, гистоплазмоз және тері-лимфалық споротрихоз сияқты эндемиялық микоздардың басқа түрлерін емдеуге тиімділігінің дәлелдері жеткіліксіз, сондықтан мұндай ауруларды емдеу үшін дозалау режимдері жөніндегі ұсыныстар жоқ.

Бүйрек жүйесі. Бүйрек функциясы бұзылған пациенттерде препаратты сақтықпен қолдану керек.

Гепатобилиарлық жүйе.Бауыр функциясы бұзылған пациенттерде препаратты сақтықпен тағайындау керек. Флуконазолды қолдану сирек жағдайларда әсіресе негізгі аурулары ауыр күйдегі пациенттерде өлімге ұшыратуды қоса, ауыр гепатоуыттылықтың дамуымен байланысты. Гепатоуыттылықтың дамуы флуконазолды қолданумен байланысты болған жағдайларда, оның препараттың жалпы тәуліктік дозасына, емнің ұзақтығына, пациенттің жасына және жынысына байланыстылығы белгіленбеген. Әдетте флуконазолдан туындаған гепатоуыттылық қайтымды болады, ал оның көріністері емді тоқтатқаннан кейін жойылады.

Флуконазолды қолданған кезде бауырдың функционалдық сынамаларының нәтижесінде ауытқулар байқалған пациенттерді бауырдың бұдан да ауыр зақымдалуының дамуына қатысты мұқият бақылауға алу керек.

Бауырға күрделі ықпалын білдіретін сиптомдар (айқын астения, анорексия, тәбеттің болмауы, ұдайы жүрек айнуы, құсу және сарғаю) туралы пациентке мәлімделуі тиіс. Мұндай жағдайда флуконазолды қолдануды дереу тоқтатып, дәрігермен кеңесу қажет.

Жүрек-қантамыр жүйесі. Кейбір азолдар, оның ішінде флуконазол, ЭКГ-де аралығының ұзаруымен астасады. Флуконазолды қолданған кезде аралығы ұзаруының және «пируэт» типті пароксизмальді қарыншалық тахикардияның өте сирек жағдайлары туралы хабарланған. Мұндай хабарламалар жүректің құрылымдық аурулары, электролиттік алмасудың бұзылуы және аралығына ықпал ететін басқа дәрілік заттарды бір мезгілде қолдану сияқты көптеген факторлардың бірігуі кезінде ауыр науқасты пациенттерге қатысты болды.

Флуконазолды аритмияның даму қаупі бар пациенттерге сақтықпен қолдану керек. аралығын ұзартатын және Р450 цитохромының СYР3А4 ферментінің көмегімен метаболизденетін дәрілік заттармен бір мезгілде қолдануға болмайды.

Дерматологиялық реакциялар. Флуконазолды қолдану аясында Стивенс-Джонсон синдромы және уытты эпидермалық некролиз сияқты эксфолиативтік тері реакцияларының дамуы туралы сирек хабарлар бар. АИТВ-инфекцияланған пациенттер көптеген дәрілік заттарды қолданған кезде ауыр тері реакцияларының дамуына неғұрлым бейім болады. Егербеткейлік зеңдік инфекциясы бар пациентте флуконазолды қолданумен байланыстыруға болатын бөртпелер пайда болса, препаратты әрі қарай қабылдауды тоқтату керек. Егер инвазиялық/жүйелі зеңдік инфекциялы пациентте терідегі бөртпелер пайда болса, оның жай-күйін мұқият бақылау керек, ал буллездік бөртпелер немесе мультиформалы эритема дамыған жағдайда флуконазолды қолдануды тоқтату қажет.

Аса жоғары сезімталдық. Өте сирек жағдайларда анафилаксиялық реакциялардың дамығаны туралы хабарланған.

Р450 цитохромы.Флуконазол СYР2С9 ферментінің күшті тежегіші және СYР3А4 ферментінің орташа тежегіші болып табылады. Сондай-ақ флуконазол СYР2С19 ферментінің де тежегішіне жатады. Флуконазолдыжәне СYР2С9, СYР2С19 және СYР3А4 қатысуымен метаболизденетін емдік аясы тар препараттарды бір мезгілде қабылдайтын пациенттердің жай-күйін бақылау керек.

Препарат құрамында лактоза бар. Қант диабеті бар пациенттерге сақтықпен тағайындалады.

Педиатрияда қолдану

6 жастан кіші балаларға флуконазолды сәйкес дәрілік түрінде қолданады.

Флуконазолды балаларда қолдану жөніндегі деректер бар екеніне қарамастан, препаратты балалардағы генитальді кандидоздарды емдеуге қолданудың тиімділігі мен қауіпсіздігі анықталмаған.

Жүктілік және емшек емізу кезеңі

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Флуконазолдың көлік құралдарын басқару немесе басқа механизмдермен жұмыс істеу қабілетіне ықпалына зерттеу жүргізілмеген. Флуконазолды қолданған кезде бас айналудың немесе құрысулардың дамуы мүмкін екені жөнінде пациенттерге мәлімдеу керек. Мұндай симптомдар дамыған кезде көлік құралдарын басқару немесе басқа механизмдермен жұмыс істеу ұсынылмайды.

Қолдану жөніндегі нұсқаулар

Дозалау режимі

Флуконазолдың тәуліктік дозалары зеңдік инфекцияның сипаты мен ауырлығына байланысты. Препаратты қайталап қолдануды қажет ететін инфекцияларда, емдеуді белсенді зеңдік инфекцияның клиникалық немесе зертханалық белгілері жоғалғанға дейін жалғастыру керек. Емді мезгілінен бұрын тоқтату инфекцияның қайталануына әкеліп соғуы мүмкін.

Препаратты тамақ ішуге байланыссыз тағайындайды, капсулаларды бүтін күйінде жұту керек.

Ересектер

Қолданылуы

Дозалары

Ұзақтығы

Криптококкоз

Криптококктық менингит

Бастапқы:

1-ші күні 400 мг

Кейінгі:

Күніне 200-400 мг

Әдетте 6-8 апта

Өмірге қауіп төндіретін инфекцияларды емдеген жағдайда тәуліктік дозаны 800 мг-ге дейін арттыруға болады

Қайталану қаупі жоғары науқастарда криптококктық менингит қайталануының профилактикасы

Күніне 200 мг

Уақыты анықталмаған

Кокцидиоидомикоз

Күніне 200-400 мг

Кейбір, әсіресе ми қабыршағының зақымдалуы бар инфекцияларда тәулігіне800 мг доза қарастырылуы мүмкін

11 - 24 ай немесе одан ұзақтау, аурудың ағымына байланысты

Инвазивті кандидоз

Бастапқы:

1-ші күні 800 мг

Кейінгі:

Күніне 400 мг

Кандидемияны емдеу ұзақтығы бойынша жалпы нұсқаулар – қан сеппесінің алғашқы теріс нәтижесінен кейін және кандидемия белгілері мен симптомдары толық жоғалған соң 2 апта.

Шырышты

кандидоз

Орофарингеальді кандидоз

Бастапқы: 1-ші күні 200-400 мг

Кейінгі:

Күніне 100-200 мг

7-21 күн (кандидоз ремиссиясына дейін)

Эзофагеальді кандидоз

Бастапқы: 1-ші күні 200-400 мг

Кейінгі:

Күніне 100-200 мг

14-30 күн (кандидоз ремиссиясына дейін)

Кандидурия

Күніне 200-400 мг

7-21 күн.

Иммундық жүйе функциясының ауыр бұзылуы бар пациенттерде ұзағырақ емдеу кезеңін пайдалануға болады

Созылмалы атрофиялық кандидоз

Күніне 50 мг

14 күн. Инфекцияның ауырлығына немесеиммундық жүйенің қатарлас бұзылуына байланысты ұзағырақ емдеу кезеңдерін пайдалануға болады

Созылмалы тері-шырыш кандидозы

Күніне 50-100 мг

28 күнге дейін

Қайталану қаупі жоғары АИТВ инфекция жұқтырған пациенттерде ауыз-жұтқыншақ немесе өңеш кандидозы қайталануының профилактикасы

Орофарингеальді кандидоз

Күніне 100-200 мг немесе аптасына 3 рет 200 мг

Иммунитеті созылмалы төмендеген пациенттерде анықталмаған уақыт кезеңі бойы

Эзофагеальді кандидоз

Күніне 100-200 мг немесе аптасына 3 рет 200 мг

Иммунитеті созылмалы төмендеген пациенттерде анықталмаған уақыт кезеңі бойы

Дерматомикоздар

Табан, аяқ, дене микоздары, кандидоздар

Аптасына 1 рет 150 мг немесе күніне 50 мг

Түрлі-түсті теміреткі

Аптасына 1 рет 300-400 мг

күніне 50 мг

1-3 апта

2-4 апта

Онихомикоз

Аптасына 1 рет 150 мг

Емдеуді инфекцияланған тырнақ ауысуына (инфекцияланбаған тырнақтың өсіп шығуына) дейін жалғастыру керек. Саусақтар мен бақайлардың тырнақтары қайтадан өсуі үшін әдетте тиісінше 3-6 ай немесе6-12 ай қажет. Алайда әртүрлі адамдарда, сондай-ақ жасына қарай өсу жылдамдығы кең ауқымда өзгеруі мүмкін. Ұзақ сақталған созылмалы инфекцияларды табысты емдеуден кейін кейде тырнақ пішінінің өзгеруі байқалады.

Генитальді кандидоз

Жедел қынаптық кандидоз

Кандидоздық

баланит

150 мг

Бір рет

Қынаптық кандидоздың қайталану жиілігінің азаюы (жылына 4 немесе одан көп эпизодтар)

Әр үш күн сайын150 мг – барлығы 3 доза

(1, 4 және 7 күндері), содан соң аптасына бір рет демеуші доза 150 мг.

Демеуші дозаны 6 айға дейін қолдануға болады.

Ұзаққа созылған нейтропениясы бар пациенттердегі кандидоздық инфекцияның профилактикасы

200-400 мг

Дамиды деп күтілген нейтропениядан бірнеше күн бұрын қолданады, және нейтрофилдер саны мм3-де 1000-нан асқаннан кейін емдеуді тағы 7 күн жалғастырады.

Пациенттердің ерекше топтары

Балалар (6-дан 18 жасқа дейін)

Балаларға арналған препараттың ең жоғары тәуліктік дозасы 400 мг құрайды, қажет етілетін дозаны тәулігіне 1 рет қабылдайды. Ересектердегі ұқсас инфекциялардағы секілді емдеуді белсенді зең инфекциясының клиникалық немесе зертханалық белгілері жойылғанға дейін жалғастыру керек.

Қолданылуы

Дозалары

Ұсынымдары

Шырышты кандидоз

Бастапқы: 6 мг/кг/тәулігіне

Кейінгі: 3 мг/кг/тәулігіне

Бастапқы дозанықанда препараттыңқажетті деңгейіне тезжету үшін біріншікүні қолдануға болады

Инвазивті кандидоз

Криптококкты менингит

6-12 мг/кг/тәулігіне

Инфекцияның ауырлығына байланысты

Балаларда қайталану қаупі жоғары криптококкты менингит қайталануының профилактикасына арналған демеуші ем

6 мг/кг/тәулігіне

Инфекцияның ауырлығына байланысты

Иммунитеті төмен пациенттерде кандидоз қайталануының

профилактикасы

3-12 мг/кг/тәулігіне

Индукцияланған нейтропенияның дәрежесі мен ұзақтығынабайланысты (ересектерден қараңыз)

12 жастан 18 жасқа дейінгі балаларда дене салмағына және дамуына қарай ең қолайлысы қандай доза (балалар немесе ересектер үшін) болатынын таңдау керек. Балаларда ересектерге қарағанда флуконазолдың клиренсі анағұрлым жоғары. Ересектердегі 100, 200 және 400 мг дозалары салыстырмалы емдік әсеріне жету үшін балаларда 3, 6 және 12 мг/кг дозаларға сәйкес келеді.

Педиатриялық популяцияда генитальді кандидоз емінің қауіпсіздігі мен тиімділігі анықталмаған. Тіркелген жағымсыз реакциялардың сипаты мен жиілігі, балаларда зертханалық көрсеткіштердің өзгеруі, генитальді кандидоз диагнозын қоспағанда, ересектердегі көрсеткіштермен салыстырмалы. Егер генитальді кандидозды емдеу жасөспірімдерде (12 жастан 18 жасқа дейін) өте маңызды болса, онда емге көрсетілімдер ересектерде сияқты болуы тиіс.

Бүйрек жеткіліксіздігі бар балалардағы флуконазолдың фармакокинетикасы зерттелмеген. Бүйрек функциясы бұзылған балаларға флуконазолды бүйрек функциясы бұзылған ересектердегі секілді тағайындайды.

Егде жастағы пациенттер

Бүйрек жеткіліксіздігінің белгілері жоқ болған кезде препаратты әдеттегідей дозада қолданады.

Бауыр жеткіліксіздігі бар пациенттер

Флуконазолды бауыр функциясы бұзылған пациенттерге сақтықпен қолдану керек, өйткені флуконазолды пациенттердің бұл санатына қолдану туралы ақпарат жеткіліксіз.

Бүйрек жеткіліксіздігі бар пациенттер

Бүйрек жеткіліксіздігі бар пациенттер үшін бір реттік қабылдауда дозаны өзгерту қажет емес. Қайталап қабылдағанда препаратты бастапқы 50-ден 400 мг-ге дейінгі дозада тағайындайды. Осыдан кейін тәуліктік дозаны (креатинин клиренсінің көрсеткіштеріне байланысты) кесте бойынша анықтайды:

Креатинин клиренсі, мл/мин

Ұсынылатын дозаның пайызы

> 50

100 %

≤ 50 (диализсіз)

50 %

Ұдайы диализде болатын науқастар

Әрбір диализден кейін 100 %

Тұрақты диализдегі пациенттер әрбір диализден кейін 100 % ұсынылған дозаны алуы тиіс. Диализ жүргізілмеген күні, пациент креатинин клиренсіне байланысты түзетілген дозаны алуы тиіс.

Енгізу әдісі мен жолы

Ішке қабылдау үшін.

Қабылдау уақыты көрсетілген қолдану жиілігі

Препаратты тамақтануға байланыссыз тағайындайды, капсулаларды тұтастай жұту керек.

Емдеу ұзақтығы

Әр адамға жекелей, зең инфекцияларының сипаты мен ауырлығына байланысты.

Артық дозалану жағдайында қабылдау қажет болатын шаралар

Симптомдары: елестеулер және параноидальді мінез-құлық.

Емі: симптоматикалық ем (асқазанды шаю, демеуші ем). Флуконазол елеулі дәрежеде несеппен шығарылады; жеделтетілген диурез препараттың шығарылуын жылдамдатуы мүмкін. 3 сағатқа созылған гемодиализ сеансы флуконазолдыңқан плазмасындағы деңгейін шамамен 50 % төмендетеді.

Дәрілік препараттың бір немесе бірнеше дозасын өткізіп алған жағдайда қолданылуы қажет шаралар

Деректер жоқ.

Тоқтату симптомдары қаупінің болуына нұсқау

Деректер жоқ.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар

Дәрілік препаратты қабылдамас бұрын дәрігермен немесе фармацевпен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болғанда)

Жиі

  • бас ауыру
  • іштің ауыруы, диарея, жүректің айнуы, құсу
  • сілтілік фосфатаза деңгейінің, сарысулық аминотрансфераза (АЛТ және АСТ) деңгейінің клиникалық тұрғыдан маңызды жоғарылауы
  • тері бөртпесі
  • ұйқысыздық, ұйқышылдық, жалпы әлсіздік, қатты қажығыштық
  • бас айналу
  • парестезиялар, құрысулар, ұстамалар, тремор
  • анорексия
  • вертиго
  • тәбеттің нашарлауы
  • ауыз қуысының шырышты қабығының құрғауы, дәмнің өзгеруі, тістің ауыруы, диспепсия, метеоризм, іш қату
  • холестаз, гепатит, сарғаю, қан плазмасындағы жалпы билирубиннің клиникалық тұрғыдан маңызды жоғарылауы (0,3 %)
  • склераның сарғаюы
  • анемия
  • миалгия
  • қатты тершеңдік, дәрілік дерматит
  • «пируэт» типті аритмия, қарыншалардың жыпылықтауы/жыбырлауы, Q-T аралығының ұзаруы
  • агранулоцитоз, лейкопения, нейтропения, тромбоцитопения (қан кетулер, петехиялар)
  • гипертриглицеридемия, гиперхолестеринемия, гипокалиемия
  • бауыр функциясының бұзылулары, гепатоцеллюлярлы некроз, соның ішінде өліммен аяқталатын
  • бүйрек функциясының бұзылуы
  • алопеция
  • анафилаксия, мультиформалы экссудативтік эритема (соның ішінде Стивенс-Джонсон синдромы)

Жиі емес

Сирек

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Егер сізде қандай да бір жағымсыз реакциялар болса, емдеуші дәрігермен кеңесіңіз. Бұл ұсыныс кез келген ықтимал жағымсыз реакцияларға, оның ішінде қосымша парақта аталмаған реакцияларға да қолданылады. Сіз сондай-ақ, дәрілік препараттардың тиімсіздігі туралы хабарламаларды қоса алғанда, Қазақстан Республикасының аумағында анықталған дәрілік препараттарға жағымсыз реакциялар (әрекеттер) бойынша ақпараттық деректер базасына жағымсыз реакциялар жайында хабарлай аласыз: электронды пошта: farmevro@mail.ru және телефон (дар): +7-777-392-80-80

Жағымсыз реакциялар туралы хабарлай отырып, сіз ДП қауіпсіздігі туралы көбірек ақпарат алуға көмектесесіз.

Қосымша мәліметтер

Дәрілік препараттың құрамы

Бір капсуланың құрамында

белсенді зат: 100 % затқа шаққанда 150 мг флуконазол;

қосымша заттар: лактоза моногидраты, картоп крахмалы, төмен молекулярлы медициналық поливинилпирролидон, кальций стеараты;

қабықтың құрамы: титанның қостотығы Е171, күн батар түстес сары Е 110, бриллиант көгі Е 133,хинолинді сары Е 104, желатин.

Әр капсуланың құрамында 0,0435 г лактоза моногидраты бар.

Сыртқы түрінің, иісінің, дәмінің сипаттамасы

Мөлдір емес жасыл түсті корпусы және қақпағы бар № 1 қатты желатинді капсулалар. Капсулаға кәсіпорынның тауарлық белгісін жапсыруға рұқсат етіледі (150 мг доза үшін).

Капсуланың ішіндегісі – сарғыш реңді ақ түсті ұнтақ. Ұнтақ бөлшектерінің агломераттарының болуына жол беріледі.

Шығарылу түрі және қаптамасы

1 немесе 3 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1 капсуладан 1, 2 немесе 3 пішінді ұяшықты қаптама немесе 3 капсуладан 1 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

5 жыл.

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«Здоровье» Фармацевтикалық компаниясы» ЖШҚ, Украина,

61013, Харьков қ., Шевченко к-сі, 22.

Тел: +38 (057) 757-07-77

факс: +38 (057) 714-96-20

Электронды пошта (E-mail): office@zt.com.ua

Тіркеу куәлігінің ұстаушысы

«Здоровье» Фармацевтикалық компаниясы» ЖШҚ, Украина, 61013, Харьков қ., Шевченко к-сі, 22.

Тел: +38 (057) 757-07-77

факс: +38 (057) 714-96-20

Электронды пошта (E-mail): office@zt.com.ua

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«Фарм-Евро» ЖШС, Қазақстан Республикасы,

050039, Алматы қ., Майлин к-сі, 72 үй, 34 пәтер

Тел.: +7(727)2711017

Факс: +7(727)2718497

Электронды пошта (E-mail): farmevro@mail.ru