Флуомизин 10 мг, №6, вагин. табл.
Тауарлардың көрінісі фотосуретте көрсетілгеннен өзгеше болуы мүмкін

Флуомизин 10 мг, №6, вагин. табл.

Қолжетімділігі
Тауар қолда жоқ
Үлгі
7640135180135
Елі
Швейцария
Өндіруші
Мединова ЛТД
  • Сипаттама

Сипаттама

Дәрілік затты медициналық қолдану

жөніндегі нұсқаулық

Флуомизин®

Саудалық атауы

Флуомизин®

Халықаралық патенттелмеген атауы

Деквалиний хлориді

Дәрілік түрі

Қынаптық таблеткалар,10 мг

Құрамы

Бір таблетканың құрамында

белсенді зат 10 мг деквалиний хлориді,

қосымша заттар: лактоза моногидраты, микрокристалды целлюлоза, магний стеараты.

Сипаттамасы

Ақ немесе ақ дерлік сопақша, екі беті дөңес таблеткалар.

Фармакотерапиялық тобы

Несеп-жыныс жүйесі және жыныс гормондары. Гинекологиялық инфекцияға қарсы препараттар және антисептиктер.Инфекцияға қарсы препараттар және антисептиктер, кортикостероидтармен біріктірілімдерді қоспағанда. Хинолин туындылары. Деквалиний хлориді.

АТХ коды G01AC05

Фармакологиялық қасиеттері

Фармакокинетикасы

Деквалиний хлоридін шамамен 2,5-5 мл қынаптық сұйықтықта еріткеннен кейін қынаптық сұйықтықтағы оның концентрациясы 2000 - 4000 мг/л құрайды, ол барлық зерттелген патогенді микроорганизмдердің МПК90 қарағанда жоғары.

Қынапқа енгізгеннен кейін деквалиний хлоридінің аздаған мөлшері ғана сіңіріледі.

Осылайша,Флуомизиннің жүйелі әсері елеусіз және фармакокинетика бойынша қосымша мәліметтер жоқ.

Фармакодинамикасы

Флуомизин препаратының құрамында көптеген грамоң және грамтеріс бактерияларға, зеңдерге және қарапайымдарға, соның ішіндеTrichomonasvaginalis қарсыкең ауқымды микробқа қарсы белсенділігі бар төрттік аммоний қосылысы деквалиний хлориді бар.

Әсер ету механизмі

Деквалиний хлориді үстірт белсенді зат болып табылады. Деквалиний хлоридінің негізгі әсер ету механизмі ретінде микробтық жасуша өткізгіштігінің күшеюі және микробтық жасушаның жойылуын туғызатын оның ферменттік белсенділігінің кейінгі жоғалуы болып табылады.

Деквалиний хлориді жоғары бактерицидтік белсенділік көрсетеді.

Деквалиний хлориді қынаптық таблетка түрінде қынапта жергілікті әсер етеді.

Фармакокинетика / фармакодинамика қатынасы

Деквалиний хлоридінің бактерицидті әсері 30 - 60 минуттан соң туындайды, енгізгеннен кейін алғашқы сағаттар ішіндегі ең жоғары жергілікті концентрациясытиімділігі үшін маңызды болып саналады.

Төзімділік механизмі

Кейбір патогенді микроорганизмдердің меншікті төзімділігіне байланысты механизмдер белгісіз. Патогенді микроорганизмдердің деквалиний хлоридіне жүре пайда болған төзімділік жағдайлары байқалған жоқ.

Бақылау нүктелері

Микроорганизмдердің сезімталдығы жөніндегі төмендегі ақпарат сипаттамалық болып табылады және қынапта қол жеткізілуі мүмкін концентрацияларға және патогенді микроорганизмдердің тиісті ең төменгі басатын концентрацияларына негізделген.

Микробқа қарсы спектр

Әдетте сезімтал микроорганизмдер

Аэробты грамоң бактериялар: Enterococcus faecalis, Lactobacillus spp., (Staphylococcus aureus, Streptococcus agalactiae (В тобының стрептококктары), Streptococcus pyogenes (А тобының стрептококктары).

Аэробты грамтеріс бактериялар: Enterobacter spp., Escherichia coli, Klebsiella spp., Pseudomonas spp., Serratia spp.

Анаэробты бактериялар:Atopobium vaginae, Bacteroides spp., Fusobacteria, Gardnerella vaginalis, Prevotella spp., Peptostreptococci, Poryphyromonas spp,

Зеңдер: Candida albicans, Candida tropicalis, Candida glabrata, Candida krusei.

Төзімді микроорганизмдер

Грамтеріс бактериялар: Proteus sp., Chlamydia trachomatis.

Қолданылуы

- шығу тегі бактериялық және зеңдік қынаптық инфекцияларда (мысалы, бактериялық вагиноз, кандидоздық вагинит)

Қолдану тәсілі және дозалары

Бір қынаптық таблеткадан алты күн бойы күнделікті қолдану ұсынылады. Қынаптық таблетканы кешке ұйықтар алдында қынапқа терең енгізеді. Мұны шалқадан жатып, аяқты сәл бүгіп жасаған дұрыс. Етеккір кезінде емді тоқтатып, ол аяқталған соң жалғастыру керек.

Бөліністер мен қабыну әдетте 24-тен 72 сағатқа дейінгі уақытта қайтады, алайда, тіпті жайсыздық (қышыну, бөліністер, иіс) сезілмесе де, емді жалғастыру қажет.

Емдеу ұзақтығының 6 күннен аз болуы аурудың қайталануына әкелуі мүмкін.

Жағымсыз әсерлері

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100 - < 1/10 дейін), жиі емес (≥ - 1/1000 - < 1/100 дейін), сирек (≥ 1/10000 -< 1/1000 дейін), өте сирек (< 1/10000), белгісіз (қолда бар деректер негізінде баға беру мүмкін емес)

Жиі

- қынаптық бөліністер, вульвовагинальді қышыну, вульвовагинальді ашу

-қынаптық кандидоз

Сирек

- бас ауыруы

- жүрек айнуы

- қынаптан қан кету, қынаптың ауыруы

- бактериялық вагинит, зеңдік тері инфекциясы, вульвит, вульвовагинит

Белгісіз

- шағын ойық жаралардың түзілуі және қынаптық эпителий мацерациясы, жатырішілік қан кету, қызару, қынаптың құрғауы

- цистит

- қызба, есекжем, эритема, экзантема, ісіну, бөртпе немесе қышыну сияқты симптомдармен аллергиялық реакциялар.

Қолдануға болмайтын жағдайлар

-белсенді затқа немесе препараттың кез келген компонентіне жоғары сезімталдық

- қынаптық эпителий және жатыр мойнының ойық жаралы өзгерістері

- балалар (жыныстық жетілу жасына жетпеген қыздар)

Дәрілермен өзара әрекеттесуі

Сабын, жуғыш заттар және үстірт белсенді заттар сияқты аниондар деквалиний хлоридінің микробқа қарсы белсенділігін төмендетуі мүмкін. Осылайша, сабынды, спермицидтерді немесе қынаптық бүріккіштерді (қынаптық шайғыштарды) бір уақытта пайдалану ұсынылмайды.

Флуомизин 10 мг, қынаптық таблеткалар латекстік мүшеқаптардың мықтылығына әсер етпейді. Латекстік емес мүшеқаптармен және диафрагма сияқты басқа да қынапішілік бұйымдармен өзара әрекеттесуіне қатысты деректер жоқ, сондықтан оларды Флуомизинмен бір мезгілде қолдану ұсынылмайды.

Айрықша нұсқаулар

Деквалиний хлоридінің шаранаға әсерін барынша азайту үшін, қынаптық таблеткаларды босануға дейінгі 12 сағаттың ішінде пайдаланбау керек. Тәуліктік жоғары дозаны пайдалану немесе ұсынылған емдеу ұзақтығын артыру қынаптың ойық жараларының пайда болу қаупін ұлғайтуы мүмкін.

18 жасқа дейінгі немесе 55 жастан асқан әйелдерде бактериялық вагинозды емдеудің тиімділігі мен қауіпсіздігі туралы деректер жоқ.

Флуомизин құрамында қосымша заттар бар, олар ақырына дейін ерімеуі мүмкін. Таблетканыңқалдықтарын кейде іш киімнен көруге болады. Флуомизин тиімділігіне бұл әсер етпейді.

Кейде қынап құрғақ болғандақынаптық таблетка ерімеуі мүмкін және қынаптан бүтін күйінде шығарылады. Салдары ретінде бұл емдеу шырышты қабыққа зиян келтірмесе де, аталған жағдайда оңтайлы болып табылмайды. Мұндай жағдайларда таблетканы қынапқа енгізер алдында оны елеусіз мөлшердегі сумен ылғалдау қажет.

Іш киімнің ластануын болдырмас үшін пациент әйелге гигиеналық төсемелер пайдалану ұсынылады, жеке бас гигиенасы талаптарын орындау керек, іш киімді күнделікті ауыстырып,80°С-ден төмен емес температурада жуу керек.

Жүктілік және лактация кезеңі

Флуомизин жүктілік және лактация кезеңінде қолданылуы мүмкін.

Елеулі постмаркетингтік тәжірибе Флуомизиннің шарананың/жаңа туған нәрестенің денсаулығына қатысты уыттылығының жоқ екенін көрсетті.

Флуомизиннің бала емізетін әйелдерге жүйелі әсер етуі елеусіз болып табылады. Осылайша, емшек еметін балаға жағымсыз әсер етуі күтілмейді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Флуомизин көлік құралын және механизмдерді басқару қабілетіне әсер етпейді.

Артық дозалануы

Препаратпен артық дозалану сипатталмаған. Алайда күндізгі жоғары дозаларды пайдалану қынапта ойық жаралардың пайда болуына әкелуі мүмкін.

Шығарылу түрі және қаптамасы

ПВХ/ПЭ/ПВДХ үлбірден және алюминий фольгадан жасалған пішінді ұяшықты қаптамада 6 таблеткадан.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картонқорапшада.

Сақтау шарттары

300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Роттендорф Фарма ГмбХ,

Остенфельдер Штрассе 51-61,

59320 Эннигерло, Германия

Тіркеу куәлігінің ұстаушысы

Мединова АГ,

Цюрих, Швейцария

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282, тел.: +7 (727) 356-11-00, 8-800-070-11-00, электронды пошта: info@aigp.kz