Фурамаг 0,025 мг №30 капс.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Фурамаг 0,025 мг №30 капс.

Қолжетімділігі
Тауар қолда жоқ
Үлгі
4750258314607
Елі
Латвия
Өндіруші
Олайнский химико-фармацев
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Фурамаг® (Furamagum®)

Халықаралық патенттелмеген атауы

Жоқ

Дәрілік түрі, дозасы

Капсулалар, 25 мг

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсыпрепараттар. Бактерияға қарсы басқа препараттар. Нитрофуран туындылары.

АТХ коды J01XЕ

Қолданылуы

  • Калий фуразидиніне сезімтал микроорганизмдер туындатқан инфекцияда: несеп шығару жолдарының инфекцияларында (жедел цистит, уретрит, пиелонефрит), простатитте, тері және жұмсақ тіндердің инфекцияларында, ауыр инфекция жұққан күйіктерде, гинекологиялық инфекцияларда.
  • Урологиялық операциялар, цистоскопия, катетеризация және т.б. кезінде несеп шығару жолдары инфекцияларының профилактикасы үшін

Қолдануды бастағанға дейінгі қажетті мәліметтер тізбесі

Қолдануға болмайтын жағдайлар

  • әсер етуші заттарына, нитрофуран тобының басқа қосылыстарына немесе дәрілік заттың қосымшаларына жоғары сезімталдық
  • ауыр бүйрек жеткіліксіздігі (креатинин клиренсі ≤ 30 мл/мин)
  • полиневропатия (диабеттікті қоса)
  • порфирия (тұқым қуалайтын қандағы пигменттік алмасудың бұзылуы)
  • жүктілік және бала емізу
  • 6 жасқа дейінгі, дене салмағы < 30 кг балаларға

Қолдану кезінде қажетті сақтық шаралары

Анамнезінде жоғары сезімталдық болған жағдайында Фурамагты сақтықпен қолдану керек.

Фурамаг қабылдайтын пациенттерде несептегі глюкозаны мысты қалпына келтіру әдісімен анықтағанда жалған-оң нәтиже беруі мүмкін. Егер несептегі глюкозаны анықтау үшін ферменттік әдістер пайдаланылса, Фурамаг талдама нәтижесіне әсер етпейді.

Басқа дәрілік препараттармен өзара әрекеттесуі

Емдеуші дәрігерге барлығы туралы, оның ішінде өзіңіз қабылдайтын рецептісіз босатылатын дәрілік заттар туралы да міндетті түрде хабар беріңіз.

Қан түзілуі үдерісін бәсеңдетуі мүмкін болатындықтан ристомицин, левомицетин, сульфаниламидтермен бір уақытта қолдануға болмайды.

Пенициллинмен және цефалоспоринмен бір уақытта қолданғанда бактерияға қарсы әсері елеулі артады. Тетрациклинмен, эритромицинмен немесе олеандомицинмен үйлесімділігі жақсы.

Несепті сілтілендіретін дәрілер нитрофурандардың белсенділігін әлсіретеді.

Несепті қышқылдандыратын дәрілер (қышқылдар, оның ішінде аскорбин қышқылы, сондай-ақ кальций хлориді), дәрілік заттың белсенділігін күшейтеді, бірақ уытты құбылыстар даму қаупін арттырады.

Антагонизм әсері дамуы мүмкін болғандықтан хинолондармен (налидикс қышқылы, норфлоксацин, оксолин қышқылы) бір мезгілде Фурамагты қолдануды болдырмаған жөн.

Фурамаг және урикозуриялық дәрілік заттарды (пробенецид, сульфинпиразон) бір мезгілде қолдану калий фуразидинінің несеппен шығарылуын төмендетеді және, тиісінше, уыттылығын ұлғайтуы мүмкін.

Құрамында магний трисиликат болатын антацидтік дәрілер Фурамагтың сіңуін азайтады.

Емдеу кезінде алкогольдік сусындарды, қолайсыз жағымсыз әсерлер (жүрек қағуы күшеюі, жүректің ауыруы, бас ауыруы, жүрек айнуы, құсу, құрысулар, артериялық қысым төмендеуі, ысыну мен қорқыныш сезімі) күшеюі мүмкін болғандықтан пайдалануға болмайды.

Арнайы ескертулер

Гемолиз даму қаупі болғандықтан глюкоза-6-фосфатдегидрогеназа тапшылығы бар пациенттерге сақтық жасау керек.

Бүйрек, бауыр және жүйке жүйесі қызметі бұзылуы бар пациенттерге сақтықпен қолдану керек.

Анемиясы, В тобы дәрумендерінің және фолий қышқылы тапшылығы, өкпе ауруы бар пациенттерге және дәрілік заттарға белгілі жоғары сезімталдығы бар пациенттерге сақ болу керек.

Полиневропатия даму қаупіне байланысты қант диабеті бар пациенттерге сақтықпен тағайындау керек. Невропатияның алғашқы симптомдарындадәрілік заттарды қабылдауды тоқтату керек. Сондай-ақ Фурамагты ұзақ уақыт қолдану да шеткері невропатияны (ауыру, тиісті жүйке аумағында сезімталдық бұзылуы) туындатуы мүмкін.

Ұзақ уақыт қолданғанда бауыр және бүйрек функциясының көрсеткіштерін, сондай-ақ өкпенің функциясын, әсіресе 65 жастан асқан пациенттерде (өкпе фиброзы қаупі), бақылау керек.

Фурамагтың профилактикалық дозаларын ұзақ уақыт қолданғанда бактерияларға клиникалық елеулі резистенттілік дамымайды.

Фурамагпен емдеу кезінде жалған жарғақшалы колиттің даму жағдайлары туралы деректер жоқ. Бактерияға қарсы дәрілерді қолдану уақытында тік ішектің табиғи микрофлорасын бәсеңдетуінен туындаған диареясы бар пациенттерде бұл жағымсыз әсерлер болуы ықтималдығын назарда ұстау керек. Фурамаг іс жүзінде ішек микрофлорасын өзгертпейді. Жалған жарғақшалы колиттің жеңіл түрінде бактерияға қарсы дәрілерді қабылдауды тоқтату жеткілікті.

Педиатрияда қолдану

6 жасқа дейінгісондай-ақ дене салмағы < 30 кг балаларға қолдануға болмайды.

Жүктілік немесе лактация кезінде

Қолдануға болмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Дәрілік зат көлік құралдарын басқару немесе механизмдерге қызмет көрсету қабілетіне әсер етпейді.

Қолдану бойынша ұсынымдар

Дозалау режимі

Ересектерге: 50-100 мг (2-4 капсула) күніне 3 рет.

Дене салмағы 30 кг артық 6 жастан үлкен балаларға: 50 мг (2 капсула) күніне 3 рет.

Емдеу курсы 7-10 күнді құрайды. Қажет болғанда 10-15 күндік үзілістен соң курсты қайталайды.

Инфекциялардың профилактикасы үшін

Ересектер және салмағы 30 кг және одан асатын 6 жастан үлкен балаларға: 50 мг күніне бір рет.

Өткізіп алған дозаның орнын басу үшін ешқашан екі еселенген доза қабылдамаңыз.

Пациенттердің ерекше топтары

Бауыр функциясы бұзылған пациенттерге дәрілік затты сақтықпен қолдану керек, емдеу кезінде бауыр функциясының көрсеткіштерін бақылау қажет.

Бүйрек функциясы бұзылған пациенттерге дәрілік затты сақтықпен қолдану керек, емдеу кезінде бүйрек функциясының көрсеткіштерін бақылау қажет.

Дәрілік затты егде жастағы пациенттерге сақтықпен қолдану керек.

Енгізу әдісі және жолы

Дәрілік затты тамақтан кейін ішке қабылайды. Капсуланы, көп мөлшердегі сұйықтықпен іше отырып, бүтіндей жұтады.

Артық дозалану жағдайында қабылдануы қажет шаралар

Симптомдар: нейроуытты реакциялар, оның ішінде атаксия, тремор, жедел уытты гепатит, гемолитикалық немесе мегалобласттық анемия, лейкопения.

Емі. Артық дозалану жағдайында препарат қабылдауды тоқтатып, асқазанды шаю емін және симптоматикалық ем жүргізген жөн. Жедел симптомдарды басу үшін антигистаминдік дәрілер қолдану керек. В тобының дәрумендерін (тиаминбромид) қолдану ұсынылады.

Дәрілік препаратты қолдану тәсілін түсіндіру үшін медициналық қызметкерден кеңес алу бойынша ұсынымдар

Бұл дәрілік затты әрдайым дәрігердің нұсқауларына сәйкес қабылдаңыз. Түсініксіз жағдайда дәрігермен кеңесіңіз.

ДП стандарттымен қолданған кезде пайда болатын жағымсыз реакциялардың сипаттамасы және бұл жағдайда қабылдауға тиісті шаралар (қажет кезінде)

Препараттың жағымсыз әсерлері ағзалар жүйелерінің әрқайсысына қатысты кездесу жиілігіне байланысты, мынадай жіктеуді пайдаланып жүйеленген: өте жиі (≥1/10), жиі (≥1/100, <1/10), жиі емес (≥1/1 000, <1/100), сирек (≥1/10 000, <1/1 000), өте сирек (<1/10 000) немесе белгісіз (қолда бар деректер бойынша бағалауға келмейтін).

Жиі

- бас ауыруы

Жиі емес
- бас айналуы, ұйқышылдық

- жүрек айнуы, метеоризм

Сирек

- шеткері невропатия

- көрудің бұзылуы

- құсу,тәбеттің болмауы, диарея, диспепсия, іш қатуы, іш ауыруы

- папулезді бөртпелер, қышыну

Өте сирек

- қан түзілуі бұзылуы (апластикалық анемия, агранулоцитоз, тромбоцитопения)

- панкреатит

- өкпенің жоғары сезімталдығының жедел және созылмалы реакциялары.

Өкпедегі жедел реакция қарқынды дамиды және қатты ентігу, қызба, кеуденің ауыруы, жөтел (қақырықпен немесе қақырықсыз), эозинофилиямен сипатталады. Өкпедегі жедел реакциямен бір мезгілде тері бөртпесі, қышыну, есекжем, ангионевроздық ісіну және миальгия туралы хабарланған. Өкпедегі жедел реакция негізінде бірнеше сағат, сиректеу – минут ішінде дамуы мүмкін жоғары сезімталдық реакциясы жатыр. Өкпедегі жедел реакция әдетте дәрілік затты қабылдауды тоқтатқаннан кейін қайтады.

Созылмалы өкпе реакциялары нитрофуранмен емдеу тоқтатылған соң ұзақ уақыт бойы туындауы мүмкін және біртіндеп күшейетін ентігумен, жиі тыныс алумен,қызбамен, эозинофилиямен, үдемелі жөтелмен, интерстициальді пневмониямен және/немесе өкпе фиброзымен сипатталады.

- ангиоэдема, есекжем, эксфолиативті дерматит, полиморфты эритема, қайтымды алопеция

- артралгия (буындардағы ауыру)

- жеңіл бассүйекішілік гипертензия

- холестаздық сарғаю, гепатит

- әлсіздік, температура жоғарылауы

Фурамаг несепті күңгірт-сары немесе қоңыр түске бояйды.

Асқазан-ішек жолдары тарапынан жағымсыз әсерлер жиілігі препаратты тамақпен бірге қабылдағандаазаяды.

Жағымсыз әсерлерді болдырмау немесе айқындығын азайту үшін көп мөлшердегі сұйықтық пайдалану, В тобының дәрумендерін және антигистаминдік дәрілерді қабылдау ұсынылады. Айқын білінген жағымсыз әсерлерде дозаны төмендету немесе дәрілік заттарды қабылдауды тоқтату керек.

Күтілетін дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша ақпараттық дерекқорға тікелей жүгіну керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК»

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат: 21,85 мг фуразидин (25,00 мг калий фуразидиніне сәйкес),

қосымша заттар: калий карбонаты, негізгі магний карбонаты, тальк,

желатин капсуланың корпусы мен қақпағының құрамы: титанның қостотығы (Е171),темірдің (ІІІ) сары тотығы (Е172), желатин.

Сыртқы түрінің, иісінің, дәмінің сипаттамасы

Құрамында қызғылт сары-қоңырдан қызыл-қоңыр түске дейінгі ірі ұнтақ бар қатты желатинді № 4 капсулалар(қоңырқай-сары/қоңырқай-сары).Ақ, сары, қызғылт сары және қызғылт сары-қоңыр түсті бөлшектердің болуына жол беріледі.

Шығарылу түрі және қаптамасы

10 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

«Олайнфарм» АҚ

Рупницу к-сі 5, Олайне, LV-2114, Латвия

Тел.: +371 67013705

Факс: +371 67013777

E-mail: olainfarm@olainfarm.com

Тіркеу куәлігінің ұстаушысы

«Олайнфарм» АҚ

Рупницу к-сі 5, Олайне, LV-2114, Латвия

Тел.: +371 67013705

Факс: +371 67013777

E-mail: olainfarm@olainfarm.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

“Олайнфарм” АҚ өкілдігі

050009 Алматы қ., Абай даңғылы 151/115, 807 кеңсе,

телефон /факс +7 727 333 46 52,

E-mail: olainfarm.instr@mail.ru