Натрия хлорид 0,9%, 5 мл, №10, амп.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Натрия хлорид 0,9%, 5 мл, №10, амп.

Қолжетімділігі
Тауар қолда жоқ
Үлгі
4823006400287
Елі
Украина
Өндіруші
Дарница Фармацевтическая
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Натрий хлориді-Дарница

Халықаралық патенттелмеген атауы

Жоқ

Дәрілік түрі, дозасы

Инъекцияға арналған ерітінді, 0,9 % 5 мл, 10 мл

Фармакотерапиялық тобы

Қан және қан түзу ағзалары. Қан алмастырғыштар жәнеперфузиялық ерітінділер. Вена ішіне енгізуге арналған ерітінділерге қоспалар. Электролитті ерітінділер. Натрий хлориді.

АТХ коды В05ХА03

Қолданылуы

- сыртқа және парентеральді қолдануға арналған дәрілік заттар ерітінділерін дайындауда;

- жараны, мұрынның шырышты қабығын, сондай-ақ катетерлер мен трансфузияға арналған жүйелерді жергілікті шаю үшін

Қолдануды бастағанға дейін қажетті мәліметтер тізбесі

Қолдануға болмайтын жағдайлар

Натрий хлориді инъекцияға арналған ертіндісі, егер дәрілік заттардың кейбіреулері үшін басқа еріткіш міндетті ретінде көрсетілген болса, еріткіші ретінде қолданылмайды.

Препаратты офтальмологиялық операциялар кезінде көзді шаюға қолданбайды.

Қолдану кезінде қажетті сақтық шаралары

Бұл дәрілік затқа қатысы жоқ

Басқа дәрілік препараттармен өзара әрекеттесуі

Препарат көптеген дәрілік заттармен үйлесімді, сондықтан оны әр түрлі дәрілік заттарды еріту үшін қолданады – ерітінді ретіндегі натрий хлоридімен үйлеспейтін препараттарды қоспағанда.

Арнайы ескертулер

Дәрілік затты сұйылтудың алдында осы дәрілік затты сұйылту үшін натрий хлоридінің ерітіндісін қолдануға болатындығын тексеру керек.

0,9 %натрий хлориді ертіндісін пайдалану арқылы дәрілік заттардың ертіндісін әзірлеу стерильденген жағдайда жүзеге асырылады.

Педиатрияда қолдану

Препаратты балаларға қолдануға болады.

Жүктілік немесе лактация кезінде

Препаратты жүктілік немесе бала емізу кезеңінде қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Препаратты негізгі дәрілік заттарды парентеральді енгізу үшін еріткіш ретінде қолданады.

Шырышты қабықты, жараларды шаю үшін ерітіндіні жеткілікті мөлшерде қолданады.

Енгізу әдісі және жолы

Препарат парентеральді тағайындалады.

Емдеу ұзақтығы

Емдеу курсын – дәрігер анықтайды.

Артық дозаланған жағдайда қолдану қажет шаралар

Дұрыс қолданылған кезде ықтималдығы аз.

0,9% натрий хлоридінің ерітіндісін үлкен мөлшерде енгізу гиперхлоремиялық ацидозға және гипергидратацияға, сондай-ақ гипокалиемияға әкелуі мүмкін.

Дәрілік препараттың бір немесе бірнеше дозаларын өткізіп алған кездегі қажетті шаралар

Дәрілік зат емдеу мекемелері жағдайында қолдануға арналған. Өткізіп алған дәрілік заттың орнын толтыру үшін дозаны екі еселеп қолдануға болмайды. Препаратты қолдану туралы сұрақтар туындаса, емдеуші дәрігерге жүгініңіз.

Тоқтату симптомы қатерінің болуын көрсету

Бұл дәрілік затқа қатысы жоқ.

Дәрілік препараттың қолдану тәсілін түсіндіру үшін медициналық көмекке жүгінуге арналған ұсыныстар

Препаратты әрдайым қосымша-параққа немесе дәрігердің ұсыныстарына толық сәйкес түрде қолданыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Барлық дәрілік препараттар сияқты, препарат жағымсыз реакцияларды тудыруы мүмкін, алайда олар барлығында бірдей пайда болмайды. Әдетте препаратты дұрыс қолданғанда байқалмайды.

Белгісіз: Жоғары сезімталдық, ацидоз, гипергидратация, гипокалиемия болуы мүмкін.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл ерітіндінің құрамында

белсенді зат - 9 мг натрий хлориді

қосымша зат - инъекцияға арналған су

Сыртқы түрінің, иісінің, дәмінің сипаттамасы

Дәмі тұзды, мөлдір, түссіз сұйықтық.

Шығарылу түрі және қаптамасы

Шыны ампулаларда 5 мл-ден.

Ампулаға өздігінен жапсырылатын жабыны бар қағаздан жасалған заттаңба жапсырлады.

5 ампуладан ампула ашуға арналған пышақпен бірге пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған. Түрлі түсті сындыру сақинасы немесе түрлі түсті сындыру нүктесі бар ампулаларды қаптағанда, ампула ашуға арналған пышақ салынбайды.

Шыны ампулаларда 10 мл-ден.

Ампулаға өздігінен жапсырылатын жабыны бар қағаздан жасалған заттаңба жапсырылады.

5 ампуладан ампула ашуға арналған пышақпен бірге пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған. Түрлі түсті сындыру сақинасы немесе түрлі түсті сындыру нүктесі бар ампулаларды қаптағанда, ампула ашуға арналған пышақ салынбайды.

Сақтау мерзімі

5 жыл.

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамада, 25°С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

«Фармацевтикалық фирма «Дарница» ЖАҚ

Украина, 02093, Киев қ., Борисполь к-сі,13.

Телефон, факс: (+38044)5666878

е-mail: vigilance@darnitsa.ua

Тіркеу куәлігінің ұстаушысы

«Фармацевтикалық фирма «Дарница» ЖАҚ

Украина, 02093, Киев қ., Борисполь к-сі,13.

Телефон, факс: (+38044)5666878

е-mail: vigilance@darnitsa.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон,факс,электрондыпошта)

«Утегенова Ж.Ж.» ЖК

050043, Алматы қ., Навои көш. 68, 49 пәтер

телефон: (+ 727) 2424328 (тәулік бойы)

е-mail: vigilance@darnitsa.ua