Сипаттама
Дәрілік затты медициналық қолдану жөніндегі нұсқаулық
Синтомицин
Саудалық атауы
Синтомицин
Халықаралық патенттелмеген атауы
Жоқ
Дәрілік түрі
Қынаптық суппозиторийлер, 250 мг
Құрамы
1 суппозиторийдің құрамында
белсенді зат – D,L-хлорамфеникол – 250 мг,
қосымша зат – қатты май (витепсол (Н 15, W 35 маркасы), суппосир (NA 15, NAS 50 маркасы)) – салмағы 1,8 г суппозиторий алғанға дейінгі жеткілікті мөлшері.
Сипаттамасы
Пішіні торпеда тәріздес, ақ немесе сарғыш немесе крем реңді ақ түсті суппозиторийлер
Фармакотерапиялық тобы
Гинекологиялық ауруларды емдеуге арналған антисептикалық және микробтарға қарсы препараттар. Бактерияларға қарсы препараттар. Хлорамфеникол.
АТХ коды G01AA05
Фармакологиялық қасиеттері
Фармакокинетикасы
Интравагинальді енгізу кезінде сіңбейді және жүйелі әсер етпейді.
Фармакодинамикасы
Синтомицин – кең ауқымды әсер ететін бактериостатикалық антибиотик, микроб жасушасында т-РНК амин қышқылдарының рибосомаларға көшуі кезеңінде ақуыз синтезін бұзады. Көптеген грамоң және грамтеріс бактерияларға, іріңді, ішек инфекцияларына, менингококк инфекциялары қоздырғыштарына: Escherichia coli, Shigella dysenteria, Shigella flexneri spp., Shigella boydii spp., Shigella sonnei, Salmonella spp. (оның ішінде Salmonella typhi, Salmonella paratyphi), Staphylococcus spp., Streptococcus spp. (оның ішінде Streptococcus pneumoniae), Neisseria meningitidis, Neisseria gonorrhoeae, бір қатар штаммдар Proteus spp., Burkholderia pseudomallei, Rickettsia spp., Treponema spp., Leptospira spp., Chlamydia spp. (оның ішінде Chlamydia trachomatis), Coxiella burnetii, Ehrlichia canis, Bacteroides fragilis, Klebsiella pneumoniae, Haemophilus influenzae қатысты белсенді.
Қышқылға төзімді бактерияларға (оның ішінде Mycobacterium tuberculosis), анаэробтарға, метициллинге төзімді стафилококк штаммдарына, Acinetobacter, Enterobacter, Serratia marcescens, индол оң Proteus spp., Pseudomonas aeruginosa spp. штаммдарына, қарапайымдыларға және зеңдерге әсер етпейді. Микроорганизмдердің хлорамфеникол әсеріне төзімділігі баяу дамиды.
Қолданылуы
- кіші жамбас ағзаларының сезімтал микроорганизмдер (вагиниттер, цервициттер) туғызған бактериялық инфекцияларында
- гинекологияда ірінді-қабыну ауруларының профилактикасында (инвазивті емшаралардың алдында: аборттар, гинекологиялық операциялар (жатыр мойны диатермокоагуляциясы, гистерография), жатыр ішіне спираль салу алдында және одан кейін).
Қолдану тәсілі және дозалары
Қынап ішіне енгізеді. Суппозиторий пішінді ұяшықтан босатып алынады да, шалқадан жатқан күйде, қынаптың ішіне тереңдете 1 суппозиторийден күніне 2-3 рет енгізіледі.
Ең жоғары тәуліктік дозасы – 4 суппозиторий.
Емдеудің орташа ұзақтығы 8-10 күн.
Жағымсыз әсерлері
- аллергиялық реакциялар
- қан түзілудің бәсеңдеуі (сирек)
- несеп шығаруда ашытуды сезіну
- сыртқы жыныс ағзаларының шырышты қабығы гиперемиясы
- қынап дисбактериозы
- препарат компоненттеріне жоғары сезімталдық
- сүйек кемігі қан түзілімінің бәсеңдеуі
- жедел интермиттирлеуші порфирия
- глюкоза-6-фосфатдегидрогеназа тапшылығы
- бауыр және/немесе бүйрек жеткіліксіздігі
- зеңді вагинит
- 16 жасқа дейінгі қыз балалар
- жүктілік, лактация кезеңі
Қолдануға болмайтын жағдайлар
Дәрілермен өзара әрекеттесуі
Пенициллиндер мен цефалоспориндердің бактерияға қарсы әсерін төмендетеді. Эритромицинмен, клиндамицинмен, линкомицинмен бір мезгілде қолданғанда өзара әсерін әлсірету байқалады.
Айрықша нұсқаулар
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралын немесе қауіптілігі зор механизмдерді басқару қабілетіне әсер етпейді.
Артық дозалануы
Қазіргі уақытқа дейін препараттың артық дозалану жағдайлары анықталмаған.
Шығарылу түрі және қаптамасы
5 суппозиторийден поливинилхлоридті, полиэтиленмен ламинадталған үлбірден жасалған пішінді ұяшықты қаптамаға салынған.
2 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші / Қаптаушы
«Нижфарм» АҚ, Ресей Федерациясы
603950, Нижний Новгород қ.,
Салганская к-сі, 7
тел.: (831) 278-80-88
факс: (831) 430-72-28
e-mail: med@stada.ru
Тіркеу куәлігі иесінің атауы мен елі
«Нижфарм» АҚ, Ресей Федерациясы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Нижфарм» АҚ ҚР Өкілдігі
050043, Қазақстан Республикасы,
Алматы қ., Хан-Тәңірі ы/а, 55б
тел.: (727) 2222-100
факс: (727) 398-64-95
e-mail: almaty@stada.kz
