Тауарлардың көрінісі фотосуретте көрсетілгеннен өзгеше болуы мүмкін

Синупрет для приема внутрь 100 мл капли

2727
Қолжетімділігі
Сатылымда бар
Үлгі
4029799129415
Елі
Германия
Өндіруші
Bionorica AG
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Cинупрет®

Саудалық атауы

Cинупрет®

Халықаралық патенттелмеген атауы

Жоқ

Дәрілік түрі

Ішуге арналған тамшылар 100 мл

Құрамы

100 г препараттың құрамында

белсенді заттар:

29 г сулы-спирт сығындысында:

шерменгүл тамыры*0.2 г

тостағаншасы бар наурызгүл гүлі* 0.6 г

қымыздық шөбі *0.6 г

аюбадам гүлі*0.6 г

нарқайсар шөбі*0.6 г

қосымша заттар:

тазартылған су 71.0 г

* -59% этил спирті экстрагенті

Сипаттамасы

Хош иісі бар, сарғыш-қоңыр түсті, мөлдір немесе сәл бұлыңғыр сұйықтық. Сақтаған кезде аздап бұлыңғырлануы немесе шөгінді түсуі мүмкін.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар. Қақырық түсіретін препараттар біріктірілімі.

АТХ коды R05 CA10

Фармакологиялық қасиеттері

Фармакокинетикасы

Біріктірілген препарат, сондықтан кинетикалық зерттеулер жүргізу мүмкін емес.

Фармакодинамикасы

Өсімдік текті біріктірілген препарат.

Фармакологиялық қасиеттері препараттың құрамына кіретін биологиялық тұрғыдан белсенді заттарға байланысты болады. Синупрет® секретолитикалық және қабынуға қарсы әсер береді. Мұрынның қосалқы қуыстарынан және жоғарғы тыныс алу жолдарынан экссудаттың ағып шығуына мүмкіндік береді. Вирусқа қарсы белсенділігі бар.

Қолданылуы

  • тұтқыр сөліністің түзілуімен қоса жүретін жедел және созылмалы риносинуситтерде (этмоидиттер, фронтиттер, гаймориттер)

Қолдану тәсілі және дозалары

Ересектерге және 18 жастан асқан жасөспірімдерге: күніне 3 рет 50 тамшыдан.

Емдеу курсы 7-14 күнді құрайды.

Қолданар алдында шайқау керек.

Асқазаны сезімтал пациенттерге немесе белгілі асқазан аурулары кезінде аса сақтық талап етіледі, Синупрет® тамшыларын тамақтанудан кейін бір стақан сумен ішіп қабылдаған дұрыс.

Жағымсыз әсерлері

ықтимал:

- асқазан-ішек бұзылыстары (мысалы, іштің жоғарғы бөлігінің ауыруы)

- аллергиялық реакциялар (мысалы, ентігу, Квинке ісінуі, беттің ісінуі)

- аса жоғары сезімталдықтың жергілікті реакциясы (мысалы, бөртпе, терінің қызаруы, қышыну).

Жағымсыз әсерлер пайда болған кезде (әсіресе аса жоғары сезімталдық реакциялары/аллергиялық реакциялар) препарат қабылдауды тоқтатқан және дәрігерге қаралған жөн.

Қолдануға болмайтын жағдайлар

- дәрілік препарат компоненттеріне жоғары сезімталдық

- алкоголизм, эпилепсиямен зардап шегетін адамдар және бауыр ауруы бар пациенттер (құрамында алкоголь болғандықтан, «Айрықша нұсқаулар» бөлімін қараңыз)

- 18 жасқа дейінгі балалар мен жасөспірімдер

Дәрілермен өзара әрекеттесуі

Басқа дәрілік заттармен өзара әрекеттесуі қазіргі кезге дейін белгісіз.

Айрықша нұсқаулар

Егер симптомдары 7 - 14 күннен астам созылып, нашарлап немесе мезгіл-мезгіл қайталанып жатса, және/немесе пациентте ұзақ немесе жоғары қызба, қатты бас ауыруы, беттің ісінуі болса немесе шағымдары анық болмаса, дәрігерге қаралу қажет.

Жүктілік және лактация кезеңі

Синупрет® тамшыларын жүктілік кезеңінде емдеуші дәрігер қауіп пен пайдасын мұқият бағалағаннан кейін ғана тағайындау керек.

Лактация (бала емізу) кезеңінде препаратты осы кезеңде қолдану жөніндегі деректер болмауына байланысты қолдануға болмайды.

Қолдану кезіндегі ерекше сақтандырулар:Синупрет® тамшылары құрамында 19% спирт бар. Құрамында спирт болғандықтан, алкоголизммен зардап шегетін пациенттерге, сондай-ақ алкогольге қарсы ойдағыдай ем жүргізілгеннен кейін қолдануға болмайды.

Препарат құрамында алкоголь барын дәрілік затты ұсынылғанынан асатын дозаларда қабылдаған жүкті немесе бала емізетін әйелдер, балалар және жоғары қауіп тобындағы, мысалы бауыр аурулары немесе эпилепсиясы бар пациенттер ескерулері керек.

Сақтау барысында аздап бұлыңғырлануы немесе шөгінді түсуіне жол беріледі. Бұл препараттың тиімділігіне ықпалын тигізбейді.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат көлікті басқару және механизмдермен жұмыс істеу қабілетіне ықпалын тигізбейді.

Артық дозалануы

Артық дозалану жағдайында жағымсыз әсерлері қарқындылау болуы мүмкін.

Егер сіз ұсынылған дозадан артық қабылдасаңыз, бұл жайында дәрігерге хабарлауды өтінеміз. Дәрігеріңіз қажетті шараларды қолданады.

Шығарылу түрі және қаптамасы

100 мл препараттан алғаш ашылуы бақыланатын және қақпағы бұралатын, жоғарғы жағында дозалаушы тамызғыш құрылғысы бар, күңгірт шыныдан жасалған құтыларда.

Құтыға өздігінен желімденетін заттаңба жапсырылған.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге жиналмалы картон қорапшаға салынған.

Сақтау шарттары

Түпнұсқалық қаптамасында, 25ºС-ден аспайтын температурада.

Балалардың қолы жетпейтін жерде сақтау керек!

Сақтау мерзімі

2 жыл

Құтыны ашқаннан кейінгі қолдану кезеңі 3 ай.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Бионорика СЕ, D-92308 Ноймаркт/Германия

Тіркеу куәлігінің иесі

Бионорика СЕ, D-92308 Ноймаркт/Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«Бионорика КАЗ» ЖШС

ҚР, 050060 Алматы қ., Жароков к-сі, 331 үй, тел: +7(727) 250-93-99

e-mail:info@bionorica.kz

Дәріханалар

Тауар артығымен бар
Тауар аз қалды
Аптека №28
г. Уральск, ул. Курмангазы 175, ТД Уральск
Круглосуточно
Аптека № 134, Уральск, (9 мкр "Котеджи")
г.Уральск, ул.Московская 10/2
9/00-00/00
Аптека №151, Уральск (4мкр ТД "Урал")
г.Уральск, 4мкр 10/2
Круглосуточно
Аптека №212
Проспект Абая 101/1
9/00-00/00
Аптека №202
г.Уральск, Жанаорда, 1/1
09:00-23:00