Сипаттама
Дәрілік затты
медициналық қолдану жөніндегі нұсқаулық
Урсофлор
Саудалық атауы
Урсофлор
Халықаралық патенттелмеген атауы
Урсодезоксихолий қышқылы
Дәрілік түрі
300 мг желатин капсулалар
Құрамы
Бір капсуланың құрамында
белсенді зат – 300.00 мг урсодезоксихолий қышқылы,
қосымша заттар: жүгері крахмалы, сусыз кремнийдің коллоидты қостотығы, магний стеараты,
желатинді капсуланың құрамы: титанның қостотығы (Е171), темірдің (III) сары тотығы (Е172), желатин.
Сипаттамасы
Ақ түсті корпусы және сары түсті қақпақшасы бар, өлшемі № 0 қатты желатин капсулалар, капсула ішінде ақ түсті ұнтағы бар.
Фармакотерапиялық тобы
Өт шығаружолдары ауруларын емдеуге арналған препараттар.
Өт қышқылдары препараттары. Урсодезоксихолий қышқылы.
АТХ коды А05АА02
Фармакологиялық қасиеттері
Фармакокинетикасы
Ішке қабылдағаннан кейін урсодезоксихолий қышқылы жіңішке ішекте және мықын ішектің бас жағында пассивті тасымалдану арқылы және мықын ішектің аяқталған жерінде белсенді тасымалдану арқылы жылдам сіңеді. Сіңірілу жылдамдығы, әдетте, 60-80% құрайды. Сіңірілгеннен кейін өт қышқылы бауырда толық дерлік таурин және глицин аминқышқылдарымен конъюгацияға ұшырайды, содан соң өтпен шығарылады. Бауыр арқылы бірінші клиренсі 60% жетеді.
Тәуліктік дозаға және бұзылулары бар бауырдың жай-күйіне немесе бұзылыстарының барына байланысты өтте барынша мол гидрофильді урсодезоксихолий қышқылы жиналады. Бұған қоса, басқа да, анағұрлым липофильді өт қышқылдары құрамының салыстырмалы азаюы байқалады.
Ішек бактерияларының әсерімен препарат 7-кето-литохолий қышқылы мен литохолий қышқылына ішінара ыдырайды. Литохолий қышқылы гепатоуытты және жануарлардың кейбір түрлерінде бауырдың паренхиматозды зақымдануын туындатуы мүмкін. Адамдарда аз ғана мөлшері сіңеді, бауырда сульфатталады және осылайша өтпен немесе ақыр соңында нәжіспен экскрециялануы алдында уытсызданады.
Урсодезоксихолий қышқылының биологиялық жартылай шығарылу кезеңі 3.5-5.8 күн.
Фармакодинамикасы
Урсофлор - өт айдайтын әсер беретін гепатопротектор. Бауырдағы холестерин синтезін, оның ішекте сіңуі мен өттегі концентрациясын азайтады, холестериннің өт шығару жүйесіндегі ерігіштігін арттырады, өт түзілуі мен шығарылуын көтермелейді. Жоғары полярлық қасиеттерге ие бола отырып, УДХҚаполярлық (уытты) өт қышқылдары бар аралас уытсыз мицеллалар түзеді, бұл асқазан рефлюктатының жасуша жарғақшаларын зақымдау қабілетін төмендетеді. Бұдан өзге УДХҚ жасуша жарғақшаларының құрамына енуге, оларды тұрақтандыруға және цитоуытты мицеллалардың әсеріне сезімтал емес етуге қабілетті қосарлы молекулалар түзеді. Өттің холестеринмен қанығуын оның ішекте сіңірілуін бәсеңдетудің, бауырдағы синтезін бәсеңдетудің және өтке бөлінуін төмендетудің есебінен азайтады; өттегі холестериннің ерігіштігін, олармен сұйық кристалдар түзе отырып арттырады; өттің литогендік индексін азайтады. Нәтижесі холестеринді өт тастарын ерітуі және жаңа конкременттер түзілуінің алдын алу болып табылады. Иммунмодуляциялаушы әсері гепатоциттер мен холангиоциттер жарғақшаларындағы HLA- антигендер экспрессиясын бәсеңдетуіне және лимфоциттердің және т.б. табиғи киллерлік белсенділігін қалыптандыруына негізделген. Бастапқы билиарлық циррозы, муковисцидозы және алкогольдік стеатогепатиті бар науқастарда фиброздың үдеуін сенімді кідіртеді, өңеш веналарының варикозды кеңею қаупін азайтады.
Клиникалық зерттеулер аясында урсодезоксихолий қышқылын 10 жыл бойы және одан астам уақыт муковисцидозбен байланысты (CFAHD) гепатобилиарлық ауруы бар педиатриялық популяциядағы пациенттерде қолдану тәжірибесі алынған. Урсодезоксихолий қышқылын қолданудың өт түтігінің пролиферациясын азайтатыны, гистологиялық зерттеулер кезінде айқындалатын зақымдануларды тежейтіні, емдеу CFAHD ерте сатысында басталғанда, тіптен гепатобилиарлық жүйе өзгерістерінің кері дамуына ықпал ететіні туралы деректер бар. Урсодезоксихолий қышқылымен емді CFAHD диагнозы қойылғаннан кейін тиімділігін оңтайландыру мақсатында барынша ерте бастау керек.
Қолданылуы
- бастапқы билиарлық циррозды емдеуде
- өт қалтасындағы рентгенде көрінетін өт тастарын еріту үшін
Қолдану тәсілі және дозалары
Урсофлормен емдеудің дозалану режимі мен ұзақтығы аурудың ауырлық дәрежесіне байланысты жеке белгіленеді.
Урсофлор капсулалары ішке қабылданады, тамақпен бірге, шайнамай, жеткілікті мөлшердегі сумен ішіледі.
Холестеринді өт тастарын еріту
- бүкіл тәуліктік дозаны ұйықтар алдында дене салмағының 10 мг/кг бастап 15 мг/кг (2-5 капсула) дейінгі дозасында 1 рет қабылдайды.
- 3 ай бойына ұсынылатын доза 300 мг (14 + 2 мг/кг ескере отырып) тәулігіне 2 рет.
Препаратты қолданғанда өт тастарын еріту үрдісі 6 айдан 2 жылға дейін созылады. Егер 6 айдан кейін өт тастары мөлшері азаймаса, препарат мақсатқа лайықты емес деп саналады.
Тастар толық ерітілгеннен соң 600 мг (2 капсула) тәуліктік дозада (қайталануының профилактикасы үшін) ұйықтар алдында күніне 1 рет тағы да 3 ай жалғастырады.
Бастапқы билиарлы цирроз
Педиатриялық жастағы пациенттерді емдеу дозасы қарастырылмаған.
Жағымсыз әсерлері
Жиі (≥1/100, бірақ < 1/10 адам):
- қамыр тәрізді нәжіс
- диарея
Өте сирек (< 1/10ˈ000 адам):
- бастапқы билиарлық циррозды емдеу кезінде оң жақта іш аумағының қатты ауыруы
- өт тастарының кальцийленуі.
- бауыр циррозы декомпенсациясы, препаратты тоқтатқаннан кейін ішінара регрессияланатын бастапқы билиарлық циррозды кешеуілдеген сатысында емдеу кезінде
- есекжем.
Қолдануға болмайтын жағдайлар
- өт қалтасының немесе өт жүретін түтіктің жедел қабыну аурулары, өт қалтасының эмпиемасы
- өт жүретін түтіктің бітелуі (жалпы өт түтігі немесе өт қалтасы түтіктері)
- бауыр шаншуының жиі көріністері
- рентгеноң (кальций құрамы жоғары) өт тастары
- өт қалтасы жиырылғыштығының бұзылуы
- препарат компоненттеріне немесе өт қышқылдарына аса жоғары сезімталдық
- өт шығару жолдарының атрезиясы бар балалар: сәтсіз порто-энтеростомия, өттің қалыпты ағыны қалыпқа келмеген
- 18/ жасқа дейінгі балаларда және жасөспірімдік жаста.
Дәрілермен өзара әрекеттесуі
Құрамында алюминий гидроксиді немесе смектит (алюминий оксиді) бар холестирамин, холестипол және антацидтер урсодезоксихолий қышқылының ішекте сіңірілуін төмендетеді және осылайша оның қорытылуы мен тиімділігін азайтады. Егер құрамында бұл заттардың ең болмағанда біреуі бар препараттарды пайдалану бәрібір қажет болып табылса, Урсофлорды қабылдағанға дейін кемінде 2 сағат бұрын немесе кейін қабылдау керек.
Урсодезоксихолий қышқылы циклоспориннің ішектен сіңірілуіне әсер етуі мүмкін. Сондықтан, циклоспорин қабылдап жүрген науқастарда дәрігер қандағы циклоспорин концентрациясын тексеруі және қажет болған жағдайда циклоспориннің дозасын түзетуі тиіс.
Клиникалық зерттеулерде дені сау еріктілерде урсодезоксихолий қышқылы (500 мг / күн) мен розувастатинді (20 мг / күн) бір мезгілде қолдану розувастатин деңгейінің плазмада сәл жоғарлауына әкелген. Басқа статиндермен бұл өзара әрекеттесудің клиникалық мәнділігі белгісіз.
Жекелеген жағдайларда Урсофлор ципрофлоксациннің сіңуін төмендетуі мүмкін.
Урсодезоксихолий қышқылының нитрендипиннің шыңдық плазмалық концентрациясын (Смах) және фармакокинетикалық қисық асты ауданы - «концентрация-уақыт» (AUC) қисығын, дені сау еріктілердегі кальций антагонисін азайтатындығы дәлелденген. Нитрендипин мен урсодезоксихолий қышқылын бір мезгілде пайдалану нәтижелеріне мұқият мониторинг ұсынылады. Нитрендипин дозасын ұлғайтуды қажет етуі мүмкін. Мұнымен қоса, дапсонның емдік әсерін төмендететіні туралы хабарланған.
Ұсынылған деректер, сондай-ақ in vitro зерттеулерінің нәтижелері негізінде урсодезоксихолий қышқылы Р450 цитохромы 3А энзимдерін индукциялайды деп болжамдауға болады; дегенмен, дәрілік өзара әрекеттесулерді талапқа сай клиникалық зерттеулердің деректері бойынша, урсодезоксихолий қышқылы Р450 цитохромы 3А субстраттарына жататын будесонидтің айқын индукциясын туындатпайды.
Эстрогенді гормондар және клофибрат сияқты,қанда холестерин деңгейін төмендететін агенттер холестериннің бауыр секрециясын ұлғайтады, демек, өт тастары түзілуін стимуляциялауы мүмкін, ал бұл өт қалтасында тасты еріту үшін пайдаланылатын урсодезоксихолий қышқылына теріс әсері болып табылады.
Айрықша нұсқаулар
Емдеудің алғашқы үш айы ішінде бауырдың функциялық АСТ (СГОТ), АЛТ (СГПТ) және гамма-ГТ көрсеткіштерін әрбір4 апта сайын, содан соң әрбір 3 ай сайын бақылап отырған жөн. Көрсетілген параметрлерге мониторинг бауыр функциясы бұзылуларын ерте сатыда, атап айтқанда – бастапқы билиарлық цирроздың кешеуілдеген сатысындағы пациенттерде; бұдан басқа, осылайша бастапқы билиарлық циррозы бар пациенттің жүргізілетін емге орай қандай әрекет көрсететінін жылдам анықтауға болатынынайқындауға мүмкіндік береді.
Холестериндік өт тастарын еріту үшін қолданғанда:
Тас мөлшеріне байланысты тастар кальцинозы белгілерін емдеу және дер кезінде айқындауда ілгерілеуді бағалау үшін ем бастағаннан кейін 6-10 айдан соң өт қалтасын тұрған қалыпта және шалқасынан жатқанда көлеңкені тексеру арқылы (ультрадыбыстық зерттеу) шолып (пероральді холецистография) қарау керек.
Егер өт қалтасын рентген түсірілімдерінен шолып көру мүмкін болмаса немесе тастар кальцинозы, өт қалтасының әлсіз жиырылғыштығы немесе шаншудың жиі ұстамалары жағдайларында Урсофлор капсулаларын қолданбаған жөн.
Әйелдер Урсофлор капсулаларын холестеринді өт тастарын еріту үшін пайдаланғанда, тиімді гормондық емес контрацепция әдісін пайдалануы тиіс, өйткені гормондық контрацептивтер өт тастары түзілуін арттыруы мүмкін.
Пациенттерді бастапқы билиарлық цирроздың кешеуілдеген сатысында емдеу кезінде:
Емдеуді тоқтатқаннан кейін ішінара регрессияланған бауыр циррозы декомпенсациясы жағдайлары өте сирек байқалған.
Бастапқы билиарлық циррозы бар пациенттерде емдеудің басында клиникалық симптомдар сирек жағдайларда нашарлауы мүмкін, мысалы, қышыну ұлғаюы мүмкін. Мұндай жағдайларда Урсофлор 300 мг капсулалар дозасы күніне Урсофлор 300 мг бір капсуласына дейін азайтылуы, содан соң біртіндеп қайтадан ұлғайтылуы тиіс.
Диарея жағдайында доза азайтылуы, персистирлеуші диарея жағдайында емдеу тоқтатылуы тиіс.
Жүктілік және лактация кезеңі
Зерттеулер УДХҚ фертильдікке әсерін көрсетпеген. УДХҚ емдеуден кейін бала тууға әсері туралы зерттеулер жоқ.
Урсодезоксихолий қышқылын жүкті пациенттерде қолдану туралы деректер жоқ, немесе шектеулі. Зерттеулер жүктіліктің ерте фазасы ішінде тератогендік әсерінің бар екендігін дәлелдейді. Урсофлор капсулаларын аса қажеттіліксіз жүктілік кезінде қолданбаған жөн. Бала көтеретін жастағы әйелдер препаратты тек қана сенімді контрацепцияның дәрілерін пайдаланып, қабылдаулары тиіс.
Контрацепцияның гормондық емес жоғары немесе эстрогендер құрамы төменәдістерін пайдалану ұсынылады. 300 мгУрсофлор капсулаларын өт қалтасы тастарын ыдырату үшін қабылдап жүрген пациенттердеконтрацепцияның гормондық емес тәсілдерін пайдалану керек, өйткені ұрықтануға қарсы гормондық дәрілер тастардың түзілуіне ықпал етуі мүмкін. Жүктіліктің болу мүмкіндігіемдеу басталғанға дейін жоққа шығарылуы тиіс.
Бірнеше расталған жағдайларға сәйкес, бала емізетін әйелдер сүтінде урсодезоксихолий қышқылының концентрациясы көп емес; емшекпен қоректендіру аясында балаларда жағымсыз реакциялардың туындау ықтималдығы аз.
Дәрілік заттардың көлік құралдарын жүргізуге және қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Артық дозаланған жағдайда диарея болуы мүмкін. Артық дозаланудың басқа симптомдарының ықтималдығы аз, себебі урсодезоксихолий қышқылының сіңуі дозаның жоғарылауымен азаяды, демек нәжіспен шығарылуы көбейеді. Емі: сұйықтық көлемі мен электролитті теңгерімнің орнын толтыра отырып, диареяны симптоматикалық емдеу.
Урсодезоксихолий қышқылының жоғары дозаларымен ұзақ емдеу (28-30 мг / кг /күніне) бастапқы склероздаушы холангиті бар пациенттерде (тікелей емес тағайындау бойынша) күрделі жағымсыз әсерлердің анағұрлым жоғары көрсеткіштерімен байланысты.
Шығарылу түрі және қаптамасы
10 капсуладан поливинилхлоридті-полидивинилхлоридті үлбірден және алюминий фольгадан жасалған пішінді ұяшықты қаптамаға салынады.
2 пішінді ұяшықты қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
С.П.А. өнімінің арнайы желісі
Виа фратта ротонда вадо Ларго, 1-03012 Анагни (ФР), Италия
Тіркеу куәлігі иесінің атауы мен елі
Со. Се. Фарм Эс.Эр.Эл.
Виа ди Кастелли Романи, 22-00071 Помеция (Рим), Италия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың қауіпсіздігіне тіркеуден кейінгі бақылауға жауапты ұйымныңмекенжайы
«Биофармед» ЖШС
050008, Қазақстан, Алматы қ., Мұқанов к-сі 241, 85 пәтер.
Тел./факс: +7 (727) 313 74 96 / 313 74 97, e-mail: ssitnikova@mail.ru
