Алмирал 75 мг/мл, 3 мл, №5, амп.

Сипаттама

Дәрілік затты медициналық қолдану жөніндегі нұсқаулық

Алмирал

Cаудалық атауы

Алмирал

Халықаралық патенттелмеген атауы

Диклофенак

Дәрілік түрі

Алмирал, инъекцияға арналған ерітінді 75 мг/3 мл, 3 мл

Құрамы

1 мл препараттың құрамында

белсенді зат -натрий диклофенак 25.00 мг

қосымша заттар: пропиленгликоль, бензил спирті, натрий формальдегид сульфоксилаты, натрий метабисульфиті (Е 223), натрий гидроксиді, инъекцияға арналған су.

Сипаттамасы

Мөлдір, түссіз немесе сәл сарғыштау ерітінді

Фармакотерапиялық тобы

Қабынуға қарсы стероидты емес дәрілер. Сірке қышқылының туындылары және ұқсас субстанциялар. Диклофенак.

АТХ коды М01AB05

Фармакологиялық қасиеттері

Фармакокинетикасы

75 мг диклофенакты бұлшық ет ішіне (б\і) енгізгеннен кейін абсорбциясы дереу басталады. Қан плазмасындағы 2.558 ± 0.968 мкг/мл (2.5 мкг/мл = 8 мкмоль/л) жуықты құрайтын орташа шыңдық концентрациясына 20 минуттан кейін жетеді. Абсорбция көлемі доза мөлшеріне тәуелді.

75 мг диклофенактың вена ішіне (в/і) инфузиясында, 2 сағат ішінде қан плазмасындағы орташа шыңдық концентрациясы 1.875 ± 0.436 мкг/мл (1.9 мкг/мл =5.9 мкмоль/л) жуықты құрайды.

Қысқа мерзімдік инфузия ең жоғары шыңдық концентрациясына (C_max) ал ұзақ мерзімдік — 3–4 сағаттық инфузиядан кейінгі көрсеткішінепропорциональді концентрацияларға әкеледі.

Ерітіндінің инъекциясы, таблеткаларды қабылдау немесе суппозиторийлерді қолданудан кейін, қан плазмасындағы диклофенак концентрациясы шыңдық деңгейге жеткеннен кейін дереу төмендейді.

Қисық астындағы аудан концентрациялары (AUC) б/і немесе в/і енгізгеннен кейін пероральді немесе ректальді енгізгенмен салыстырғанда шамамен екі есе жоғары, өйткені бауыр арқылы«алғашқы өту әсері» жоқ.

99,7% диклофенак қан плазмасы ақуыздарымен, негізіненальбуминмен (99,4%) байланысады.

Диклофенак синовиальді сұйықтыққа өтеді, қан плазмасында шыңдық деңгейіне жеткеннен кейін ол жерде C_max2–4 сағаттан соң анықталады.

Синовиальді сұйықтықтан жартылай шығарылу кезеңі (T_½) 3–6 сағат құрады. Қан плазмасындағы шыңдық деңгейінен кейін 2 сағаттан соң, диклофенактың синовиальді сұйықтықтағы концентрациясы бұл көрсеткіштен жоғары, және 12 сағат бойы жоғары деңгейінде сақталады.

Диклофенактың метаболизмі көп бөлігіглюкуронид конъюгатына айналатын, негізінен бір рет және бірнеше рет гидроксилдену және метоксилдену жолымен бірнеше фенольді метаболиттердің түзілуімен глюкуронизация жолыменішінара жүреді.

Метаболиттердің фармакологиялық белсенділігі диклофенакқа қарағанда төмен.

Диклофенактың қан плазмасындағы жалпы жүйелік клиренсі 263±56 мл/мин (среднее значение ±СО) құрайды. Қан плазмасынан T_½ 1–2 сағат құрайды.

2 белсендісін қоса, 4 метаболиті деқан плазмасынан қысқа T_½ иеленген - 1–3 сағат.

Көп бөлігіглюкуронидті конъюгатқа айналатынглюкуронидті конъюгат түрінде және метаболиттер түрінде енгізілген дозаның 60%несеппен шығарылады. 1%-дан азы өзгермеген түрінде, ал дозасының қалғаны метаболиттер түрінде өтпен, нәжіспен шығарылады.

Диклофенак аздаған мөлшерде емшек сүтінде анықталады.

Фармакодинамикасы

Алмирал – айқын қабынуға қарсы және ауыруды басатын әсерімен стероидты емес дәрі. Негізгі әсер ету механизмі циклооксигеназаны тежеу салдарынан простагландиндер биосинтезін бөгеу болып табылады. Алмирал операциядан кейінгі кезеңде ауыруды басу үшін апиынды ауыруды басатын препараттарды бір мезгілде қолдану қажеттігін айтарлықтай төмендетеді.

Одан басқа, Алмирал АДФ және коллагенмен туындаған тромбоциттер агрегациясын тежейді.

Қолданылуы

Жедел ауыру синдромында бұлшық ет ішіне қолдану, оның ішінде:

- бүйрек коликасында

- остеоартритте

- ревматоидты артритте

- спондилоартритте

- подаграның жедел ұстамасында

- жарақаттар, сынуларда

- операциядан кейінгі ауыруларда

Вена ішіне қолдану:

- операциядан кейінгі ауыруды емдеу және профилактикасы үшін

Қолдану тәсілі және дозалары

Алмирал препаратын 2-күннен артық қолдануға болмайды.

Ары қарай емдеу үшін диклофенакты таблетка немесе ректальді суппозиторийлер түрінде қолдану ұсынылады.

Бұлшық ет ішіне енгізу

Алмиралды бұлшықет ішіне тәулігіне 75 мг, жамбастың үлкен бұлшықетінің жоғарғы сыртқы квадрантына терең инъекция жолымен енгізеді. 75 мг-ден тәулігіне 2 рет енгізуге болады, бұл кезде енгізулер аралығы бірнеше сағат құрауы керек және келесі инъекцияны басқа жамбасқа салу керек.

Бүйрек коликасында бұлшықет ішіне 75 мг (1 ампула) тағайындайды, келесі 75 мг доза қажеттігіне қарай 30 минуттанкейін (басқа жамбасқа) енгізілуі мүмкін.

Ең жоғары тәуліктік доза 150 мг аспауы керек.

Вена ішіне енгізу

Инфузиялық енгізу керек.

Алмиралды вена ішіне болюсты инъекция түрінде енгізуге болмайды.

Орташадан ауыр дәрежедегіге дейін операциядан кейінгі ауыруды емдеу: 30 минуттан 2- сағатқа дейінгіаралықта 75 мг инфузиялық үздіксіз енгізеді.

Қажеттігіне қарай, 4-6 сағаттан соң емді қайталауға болады.

Жалпы дозатәулігіне 150 мг аспауы керек.

Операциядан кейінгі ауырудың профилактикасы: кейіннен ең жоғары тәуліктік доза 150 мг дейін, сағатына 5 мг үздіксіз инфузиямен, 25мг-50мг Алмирал 15 минуттан 1 сағатқа дейінгі аралықта инфузиялық енгізіледі.

Егде жастағы пациенттер

Пациенттердің осы тобында жағымсыз реакциялардың дамуына бейімділікті ескеріп, Алмиралды қолданғанда айрықша сақтық шараларын сақтау керек. Сондай-ақ, емді бастағаннан кейін 4 апта ішінде АІЖ қан кетудің даму мүмкіндігіне байланысты дәрігердің бақылауы керек.

Әлсіреген егде жастағынемесе дене салмағы төмен пациенттерге ең төмен тиімді дозаны қолдану керек.

Ең жоғары тәуліктік доза 150 мг.

Вена ішіне инфузия жасау үшін препаратты сұйылту әдісі

Алмиралды 100 мл-500 мл 0.9% натрий хлоридінің ерітіндісінде немесе натрий бикарбонатының ерітіндісінде буферленген (0.5 мл 8.4% немесе 1.0 мл 4.2%) декстрозаның 5% ерітіндісінде сұйылтады.

Тек жаңадан дайындалған мөлдір ерітіндіні қолдану керек. Алынған ерітіндіде кристаллдар немесе шөгінді анықталған жағдайда, қолдануға болмайды. Қолданылмаған инфузияға арналған ерітіндіні утилизациялау керек.

Жағымсыз әсерлер

Жиі (≥ 1/100, <1/10)

- бас ауыруы, бас айналуы немесе вертиго, эпигастрияның ауыруы, жүрек айнуы, құсу, диарея, іштің түйілуі, метеоризм, анорексия

- бауыр ферменттері белсенділігінің жоғарылауы (АЛТ, АСТ)

- бөрту

- енгізілген жердегі ауыру және тығызданудың пайда болуы

Сирек (≥ 1/10000, <1/1000)

- аса жоғары сезімталдық, анафилаксиялық анафилактоидты реакциялар (гипотензия мен шокты қоса)

- ұйқышылдық, шаршау сезімі,артериялық гипотензия

- гастрит, қан кетумен (қанды құсу, қара май тәрізді нәжіс немесе қанды іш өтуі) және тесілумен (кейде өліммен аяқталатын, әсіресе егде жастағы пациенттерде) асқынған АІЖ эрозиялық- ойық жаралы зақымдануы

- сарғаюмен немесе онсыз гепатитті қоса, бауыр функциясының бұзылуы (кейбір жағдайларда шұғыл дамитын)

- ентігу, бронхтүйілуі, бронх демікпесі

- есекжем

- шеткері ісінулер, әсіресе артериялық гипертензия немесе бүйрек функциясының бұзылуымен науқастарда

Өте сирек (< 1/10000)

- тромбоцитопения, лейкопения, агранулоцитоз, гемолитикалық және апластикалық анемиялар

- дәм сезудің бұзылуы, парестезиялар, тремор, жадының бұзылуы, бағдарсыздық, ұйқысыздық, ашушаңдық, құрысулар, депрессия, сананың шатасуы, галлюцинациялар, жалпы әлсіздік, үрейлену сезімі, түнгі қорқыныштар, психоздық реакциялар, асептикалық менингит (әсіресе аутоиммунды аурулармен пациенттерде)

- көру жітілігінің бұзылуы,көру жүйкесінің невриті, диплопия

- естудің бұзылуы, құлақтағы шуыл

- жүрек қағуы, кеуденің ауыруы, гипертензия, гипотензия, іркілген жүрек жеткіліксіздігі

- ангионевроздық ісіну

- васкулит

- пневмонит

- афтозды стоматит, глоссит, эзофагит, ішек зақымдануы (спецификалық емес геморрагиялық колит, ойық жаралы колиттің, проктоколиттің өршуі, стриктуралар түзілуіментоқ ішектің зақымдануы), панкреатит, іш қатуы

- фульминантты гепатит, бауыр некрозы, бауыр жеткіліксіздігі

- буллезді бөртпе, экзема, эритема, Стивенс-Джонсон синдромы, Лайелл синдромы (острый токсический эпидермолиз), эритродермия (эксфолиативный дерматит), алопеция, фотосенсибилизация реакциясы, пурпура, оның ішінде аллергиялық пурпура

-жедел бүйрек жеткіліксіздігі, гематурия, протеинурия, интерстициальді нефрит, нефроздық синдром, папиллярлық некроз

- импотенция

- енгізген аймақтағы тіндер абсцессі және некрозы.

Диклофенакты жоғары дозаларда (тәулігіне 150 мг) ұзақ уақыт қолданғанда артериялық тромбоздық реакциялардың (миокард инфарктісі, инсульт) пайда болу қаупі артады.

Қолдануға болмайтын жағдайлар

- диклофенакқа немесе препараттың кез келген қосымша затына аса жоғары сезімталдық

- өршу сатысындағы немесе анамнезіндегі АІЖ эрозиялық-ойық жаралы зақымдануы, қан кету, тесілуі

- анамнезінде аспиринді, ибупрофенді немесе басқа да ҚҚСП қолданумен байланысты бронх демікпесі, Квинке ісінуі, есекжем, жедел ринит

- анамнезінде ҚҚСП алдыңғы еммен байланысты асқазан-ішек жолынан қан кету немесе тесілу

- бауыр және бүйрек функциясының ауыр бұзылулары

- айқын жүрек жеткіліксіздігі (NYHA бойынша II-IV), жүректің ишемиялық ауруы, шеткеріартериялар ауруы және/немесе цереброваскулярлы аурулар

- жүктіліктің үшінші триместрі және лактация кезеңі

- 18 жасқа дейінгі балалар мен жасөспірімдер

Вена ішіне енгізуге қарсы көрсетілімдер

- ҚҚСП және антикоагулянттарды бір мезгілде қолдану (оның ішіндегепариннің төмен дозалары)

- анамнезінде геморрагиялық диатез, цереброваскулярлық қан кету (рассталған немесе күдік туындататын)

- қан кетудің дамуыныңжоғары қаупімен операциялар

- бронх демікпесі

- бүйрек функциясының орташа немесе ауыр бұзылуы

(қан плазмасы креатинині ˃160 мкмоль/л)

- гиповолемия, сусыздану (пайда болу себебіне тәуелсіз)

Дәрілермен өзара әрекеттесуі

CYP2C9 тежегіштері

Диклофенакты CYP2C9 тежегіштерімен (вориконазол секілді) бір мезгілде қолданғанда метаболизмінің тежелуі есебінен диклофенактың қан плазмасындағы концентрациясы және экспозициясы айтарлықтай жоғарылауы мүмкін.

Литий

Диклофенак литийдің қан плазмасындағы концентрациясын жоғарылатуы мүмкін. Литийдің қан плазмасындағы деңгейін мониторингілеу ұсынылады.

Диуретиктер және антигипертензиялық дәрілер

Басқа да ҚҚСП секілді, диклофенак диуретиктермен немесе антигипертензиялық дәрілермен (бета-блокаторлармен, ангиотензинөзгертуші фермент (АПФ) тежегіштерімен) бір мезгілде қолданғанда олардың антигипертензиялық әсерінің төмендеуіне әкелуі мүмкін.

Циклоспорин

ҚҚСП бүйректерде простагландиндер синтезіне әсері циклоспориннің нефроуыттылығын күшейтуі мүмкін. Диклофенакты осы препаратты қабылдамайтын науқастарға қарағанда төменірек дозаларда қолдану керек.

Гиперкалиемия туындататын препараттар

Калийсақтайтын диуретиктермен, циклоспоринмен, такролимуспен немесе триметоприммен қатар емдеу калийдің сарысулық деңгейін жоғарылатуы мүмкін. Сондықтан қан сарысуында калий деңгейіне мониторинг жүргізу керек.

Бактерияға қарсы дәрілер – хинолон туындылары

Хинолон туындыларын және ҚҚСП бір мезгілде қабылдайтын науқастарда құрысудың дамуы жөнінде жекелеген хабарлар бар.

Басқа ҚҚСП, циклооксигеназы-2 және кортикостероидтардың селективті тежегіштерін қоса

ҚҚСП немесе кортикостероидтарды диклофенакпен бір мезгілде жүйелі қолдану асқазан-ішек жолы тарапынан жағымсыз құбылыстардың пайда болу жиілігін арттыруы мүмкін. 2 және одан көп ҚҚСП біріктірілімін қолданудан аулақ болу керек.

Антикоагулянттар және тромбозға қарсы дәрілер

Диклофенак және антикоагулянттарды бір мезгілде қабылдайтын пациенттерде қан кетудің даму қаупі артады. Осындай біріктірілім қажет болған жағдайда, дәрігердің мұқият және ұдайы бақылауы ұсынылады.

Серотонинді кері қармаудың селективті тежегіштері (СКҚСТ)

Жүйелі ҚҚСП мен СКҚСТ бір мезгілде тағайындау асқазан-ішектікқан кетудің даму қаупінжоғарылатуы мүмкін.

Диабетке қарсы препараттар

Диклофенак пен диабетке қарсы препараттарды бір мезгілде қолдануға болады, бұл жағдайда соңғысының тиімділігі өзгермейді. Әйтсе де гипогликемия, сондай-ақ гипергликемия дамуы туралы жекелеген хабарлар бар, бұл диклофенакты қолдану кезінде құрамында қант бар препараттардың дозасын өзгерту қажеттігіменбайланысты.

Дәрілік заттарды метаболиздейтін ферменттерді стимуляциялайтын препараттар

Ферменттерді стимуляциялайтын препараттар, мысалы, рифампицин, карбамазепин, фенитоин, шайқурай (Hypericum perforatum) және т.б. диклофенактың қан плазмасындағы концентрациясын азайтуға қабілетті.

Метотрексат

Метотрексатты қабылдағанға дейін немесе кейін 24 сағаттан кем уақытта ҚҚСП тағайындағанда сақтық шараларын сақтау керек, өйткені метотрексаттың қандағы концентрациясы жоғарылауы және оның уытты әсері күшеюі мүмкін.

Жүрек гликозидтері

Жүрек гликозидтері мен ҚҚСП бір мезгілде қолдану қан плазмасында гликозидтер деңгейінің жоғарылауына, жүрек жеткіліксіздігінің күшеюіне, шумақтық сүзіліс жылдамдығының төмендеуіне әкелуі мүмкін.

Мифепристон

ҚҚСП-ны мифепристонды қабылдағаннан кейін 8-12 күн ішінде қолдануға болмайды, өйткені ҚҚСП оның тиімділігін төмендетеді.

Диклофенак ерітіндісін инъекцияға арналған басқа дәрілік заттардың ерітінділерімен араластыруға болмайды.

Айрықша нұсқаулар

Препараттың ең төмен тиімді дозасын қысқа емдеу курсымен қолданғанда жағымсыз әсерлер жоққа шығарылуы мүмкін.

Алмиралды басқа да ҚҚСП (қабынуға қарсы стероидты емес препараттар), оның ішінде циклооксигеназа-2 селективті тежегіштерімен қолдануға болмайды.

Егде жастағы пациенттер ҚҚСП қолданғанда,өліммен аяқталуға әкелуі мүмкін асқазан-ішектік қан кету және тесілу секілді жағымсыз реакциялардың пайда болуының жоғары жиілігін иеленген.

Ас қорыту жүйесіне әсері

АІЖ функциясы бұзылуының симптомдарымен немесе анамнезінде асқазанның, ішектіңойық жарасы, қан кетуі немесе тесілуі, спецификалық емес ойық жаралы колит немесе Крон ауруы бар пациенттер Алмиралмен емделу кезінде ұдайы дәрігердің бақылауында болуы керек. Кез келген әдеттегіден тыс абдоминальді симптомдар пайда болғанда (әсіресе егде жастағы адамдарда, әсіресе АІЖ қан кетумен), бұл туралы әрдайым емдеуші дәрігерді ескерту керек. Асқазан-ішек жолынан қан кетудің пайда болу қаупі препарат дозасын жоғарылатумен артады. Диклофенак пен ацетилсалицил қышқылының немесе құрамында АІЖ жағымсыз әсерлер қаупін арттыратын басқа да дәрілік заттардың төмен дозасы бар дәрілік заттарды бір мезгілде қолдануды қажет ететін пациенттер үшін, қорғайтын дәрілерді қолданумен (мысалы, протонды помпа тежегіштері немесе мизопростолдың) біріктірілген ем қолдану жөніндегі мәселені қарастыру керек.

Сондай-ақ ойық жара немесе қан кетудің даму қаупін арттыратын жүйелі глюкокортикостероидтар, антикоагулянттар, тромбозға қарсы дәрілер немесе серотонинді кері қармаудың селективті тежегіштері секілді препараттармен қатар ем қабылдайтын пациенттерге сақтық шараларын сақтау керек.

Анамнезіндегі демікпе

Анамнезінде бронх демікпесі, маусымдық аллергиялық ринит, мұрын полиптері, өкпенің созылмалы обструкциялық аурулары немесе тыныс жолдарының созылмалы инфекциялары (әсіресе аллергиялыққа ұқсас риниттермен, симптомдармен байланысты) бар пациенттерде басқаларға қарағанда жиірек демікпенің асқынуына, Квинке ісінуіне немесе есекжемге ұқсас ҚҚСП-ға реакциялар пайда болады. Осындай пациенттерге Алмиралды қолданғанда сақтық шараларын сақтау және арнайы шаралар ұсынылады (жедел көмек қабылдауға дайындық).

Диклофенакты парентеральді қолданған жағдайда бронх демікпесімен пациенттерге ерекше сақ болу ұсынылады, өйткені ауру асқынуы мүмкін.

Бауырға әсері

Алмиралды бауыр функциясының бұзылуымен пациенттерге тағайындаған жағдайда, мұқият медициналық бақылау қажет, өйткені жағдайы асқынуы мүмкін.

Басқа ҚҚСП қолданған жағдайдағы сияқты бір немесе бірнеше бауыр ферменттерінің деңгейі жоғарылауы мүмкін.

Алмирал препаратымен ұзақ уақыт емделген жағдайда бауыр функциясын ұдайы қадағалау ұсынылады. Егер бауыр функциясының бұзылуы сақталса немесе ауырласа, сондай-ақ бауырдың үдемелі ауруларымен байланысты симптомдар немесе басқа да біліністер (мысалы, эозинофилия,бөрту) байқалса Алмиралды қабылдауды тоқтату керек.

Гепатит секілді аурулардың ағымы продромальді симптомдарсыз өтуі мүмкін.

Бауыр порфириясымен пациенттерде Алмиралды қолданған жағдайда ұстамаға түрткі болу мүмкіндігіне байланысты сақ болу керек.

Бүйрекке әсері

ҚҚСП емдеу барысында сұйықтықтың іркілуі және ісіну дамуы мүмкін.

Жүрек немесе бүйрек функциясының бұзылуымен (оның ішінде гиповолемия аясындағы бүйректің функциональді жеткіліксіздігі, нефроздық синдром, қызыл жегілік нефропатия, бауырдың декомпенсацияланға циррозы), анамнезінде артериялық гипертензиямен науқастарға, егде жастағы науқастарға, диуретиктермен немесе бүйрек функциясына айтарлықтай әсер ететін препараттармен ем алатын науқастарға, жасуша сыртындағы сұйықтықтың айтарлықтайтөмендеуімен пациенттерге (пайда болу себебіне тәуелсіз), елеулі хирургиялық араласымға дейін немесе кейін бүйрек функциясын мониторингілеу ұсынылады.

ҚҚСП емді тоқтату әдетте емнің алдындағы жағдайының қайтып оралуына әкеледі.

Қан көрсеткіштеріне әсері

Алмиралды, басқа да ҚҚСП секілді ұзақ уақыт қолданғанда, қан көрсеткіштерін мониторингілеу ұсынылады. Басқа да ҚҚСП секілді,Алмирал уақытша тромбоциттер агрегациясын тежеуі мүмкін. Гемостаздың бұзылуымен пациенттерді дәрігер мұқият бақылауы керек.

Жүрек қантамыры жүйесіне әсері

Айрықша жоғары дозалармен және ұзақ мерзім ішінде диклофенакты қоса, ҚҚСП емдеу барысында, кардиоваскулярлық тромбоздың пайда болу қаупі (миокард инфарктісі мен инсультті қоса) аздап жоғарылайды.

Препараттың қосымша заттары

Инъекцияға арналған ерітіндідегі натрий метабисульфиті аса жоғары сезімталдықтыңоқшауланған ауыр реакциясына және бронхтүйілуіне әкелуі мүмкін.

Жүктілік және лактация кезеңі

Алмиралды жүктіліктіңалғашқы екі триместрінде анасы үшін әлеуетті пайдасы ұрық үшін болуы мүмкін қаупінен жоғары болған жағдайларды қоспағанда қолдануға болмайды. Жатырдың жиырылуы және/немесе ductus arteriosusуақытынан бұрын жабылуына әсер ету мүмкіндігіне байланысты жүктіліктіңүшінші триместрінде қолдануға болмайды,

Алмирал аздаған мөлшерде емшек сүтіне өтеді. Сондықтан балаға жағымсыз әсерінен аулақ болу үшін, Алмиралмен емдеу кезінде емшекпен қоректендіруді тоқтату керек.

Фертильділік

Алмирал әйелдің фертильділігіне әсер етуі мүмкін. Препаратты жүктілікті жоспарлап жүрген әйелдерге қолдануға болмайды. Жүкті болуға қатысты асқынулары бар немесе инфертильділігіне байланысты тексеріліп жүрген әйелдер Алмирал препаратын қолдануды тоқтатуы керек.

Дәрілік заттың көлік құралдарын немесе әлеуетті қауіпті механизмдерді басқару қабілетіне әсер ету ерекшеліктері

Жағымсыз әсерлерін, оның ішінде, ОЖЖ бұзылуын, көру бұзылыстарын, ұйқышылдық, бас айналуын ескеріп, көлік құралдарын жүргізгенде және жоғары зейінді жұмылдыруды талап ететінмеханикалық құралдармен жұмыс жасағанда сақтық шараларын сақтау керек.

Артық дозалануы

Симптомдары: жағымсыз әсерлер симптомдарының күшеюі – бас ауыруы, жүрек айнуы, құсу, эпигастриядағы ауыру, асқазан-ішектік қан кету, сирек жағдайларда, диарея, бағдарсыздық, қозу, кома, ұйқышылдық, құлақтағы шуыл, естен тану, құрысулар. Ауыр жедел улану жағдайында жедел бүйрек жеткіліксіздігі және бауырдың зақымдануы мүмкін.

Емі: симптоматикалық.

Шығарылу түрі мен қаптамасы

3 мл препараттан I типті күңгірт шыныдан жасалған ампулаларға құйылған.

Әрбір ампулаға өздігінен жабысатын қағаздан жасалған заттаңба жапсырылады.

5 ампуладан поливинилхлоридті үлбірден (ПВХ) және полиэтилен фольгадан (ПЭ) жасалған пішінді ұяшықты қаптамаға салынған.

1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салынған.

Сақтау шарттары

Құрғақ, жарықтан қорғалған жерде 25° C-ден аспайтын температурада сақтау керек

Балалардың қолы жетпейтін жерде сақтау керек!

Сақтау мерзімі

3 жыл

Жарамдылықмерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы.

Өндіруші

«Медокеми Лтд», КИПР

1-10 ConstantinoupoleosStreet, 3011, Limassol, Cyprus

tel. 357-25-867600, fax. 357-25-560863

Тіркеу куәлігініңұстаушысы және қаптаушы

«Медокеми Лтд», Лимассол. КИПР

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Медокеми ЛТД» өкілдігі

050008 Алматы қ-сы, Мұқанов к-сі 241, 6 «С» кеңсесі

телефон/факс 8(727)313-73-76

medochemie@mail.ru