Біздің компаниямыз жайлы жалпы ақпарат.
.jpg)
ДӘРІЛІК ПРЕПАРАТТЫ МЕДИЦИНАЛЫҚ ҚОЛДАНУ ЖӨНІНДЕГІ НҰСҚАУЛЫҚ
1. Саудалық атауы
АНТИБАКТ
Халықаралық патенттелмеген атауы
Деквалиний хлориді
Дәрілік түрі, дозасы
Қынаптық таблеткалар, 10 мг
Фармакотерапиялық тобы
Несеп-жыныс жүйесі және жыныс гормондары. Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидармен біріктірілімдерін қоспағанда. Хинолин туындылары. Деквалиний хлориді.
ATX коды G01AC05
АНТИБАКТ - микробқа қарсы және антисептикалық дәрілер. Деквалиний хлориді – АНТИБАКТ препаратының белсенді ингредиенті
Қолданылуы
Бактериялық вагинозды емдеуге арналған
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші заттардың немесе қосымша заттардың кез келгеніне аса жоғары сезімталдықта
- қынаптың немесе жатыр мойнының ойық жараларында
- балаларға (жыныстық жетілмеген қыздар)
Қолдану кезіндегі қажетті сақтық шаралары
Көп қан кету және етеккір кезінде емдеу тоқтатылып, оны аяқтағаннан кейін жалғастыру керек.
Тіпті жайсыздық сезімі болмаса да (қышыну, бөліністер, иіс) емдеуді ерте тоқтатпаңыз. 6 күннен аз емделу ауру симптомдарының қайта пайда болуына әкеп соқтыруы мүмкін.
АНТИБАКТ препаратының құрамында толығымен ерімеуі мүмкін қосымша заттар бар. Таблеткалардың қалдығы кейде іш киімдерде байқалуы мүмкін. Бұл емнің тиімділігіне әсер етпейді. Препарат іш киімді бұлғамайды, бірақ өзіңізге ыңғайлы болу үшін гигиеналықтөсемді қолдануыңызға болады.
Кейде қынаптың құрғауы кезінде, таблетка ерімеуі мүмкін және таблетканы іш киімдерден табуға болады. Нәтижесінде емдеу тиімді болмайды. Мұндай жағдайларда таблетканы қынапқа енгізер алдында оны аз мөлшердегі сумен ылғалдандыру керек.
Егер сізде АНТИБАКТ препаратының әсері тым күшті немесе өте әлсіз болса, емдеуші дәрігерге немесе фармацевтке жүгініңіз.
Препаратты тәуліктік дозасынан артық пайдалану немесе ұсынылған ұзақтығын арттыру қынаптажараның пайда болу қаупін арттыруы мүмкін.
Егер сіз кездейсоқ тым көп қынаптық таблеткаларды қолдансаңыз, бұл жайында өз дәрігеріңізге айтыңыз.
Таблетканы қолдануды өткізіп алғанда орнын толтыру үшін екі еселік дозаны қолданбаңыз.
Препаратты қолдану жөнінде қосымша сұрақтарыңыз болса, емдеушідәрігеріңізге жүгініңіз.
Басқа дәрілік препараттармен өзара әрекеттесуі
АНТИБАКТ препаратын қолданар алдында емдеуші дәрігермен кеңесіңіз.
Емдеуші дәрігерге қандай да бір басқа препараттарды қолданып жүргеніңізді, жақында қолданғаныңызды немесе қолдануыңыз мүмкін екендігін хабарлаңыз.
АНТИБАКТ препаратымен емдеу кезінде сабынды, спермицидтерді және жатырға арналған тамшыларды (қынаптық шаю) қынап ішіне қолдану ұсынылмайды.
Барлық қынаптық инфекциялар сияқты, препаратпен емдеу кезінде қорғалмаған жыныстық қатынасқа түсуге болмайды.
Препарат латекс мүшеқаптарын пайдаланғанда тиімділігін төмендетпейді.
Препарат латексті емес мүшеқаптардың немесе диафрагмалардың тиімділігін төмендетуі мүмкін. Сондықтан сіз емдеуден кейін кем дегенде 12 сағат ішінде контрацепцияның балама әдістерін қолдануыңыз керек.
Препараттың жаңа туған нәрестеге әсерін азайту үшін босанғанға дейін 12 сағат бойы қынаптық таблеткаларды қолдануға болмайды.
Әйтпегенде өзіңіздің дәрігеріңізді хабардар етуіңізді сұраймыз.
Көп қан кету және етеккір кезінде емдеуді тоқтату және ол аяқталғаннан кейін жалғастыру керек.
Егер емдеу барысында немесе аурудың қайталануы кезінде симптомдары сақталса, дәрігермен кеңесу ұсынылады.
Арнайы ескертулер
55 жастан асқан және егде жастағы әйелдер
55 жастан асқан әйелдерде АНТИБАКТ препаратын қолданудың тиімділігі мен қауіпсіздігі туралы мәліметтер жеткіліксіз.
Жүктілік
Егер сіз жүкті болсаңыз немесе жүкті болдым деп ойласаңыз немесе жүктілікті жоспарласаңыз, препаратты қолданар алдында емдеуші дәрігермен кеңесіңіз.
Емшек емізу
Егер сіз баланы емізетін болсаңыз немесе баланы емшекпен емізуді жоспарласаңыз, бұл жөнінде емдеуші дәрігерге хабарлаңыз.
Белгілі мәліметтерге сүйенсек, препарат жергілікті қолдануға арналғандықтан жүктілік/ ұрыққа және емшек сүтімен қоректенетін балаға зиянды әсер күтілмейді.
АНТИБАКТ препаратын, егер бұл клиникалық тұрғыдан негізделген болса, жүктілік кезінде және емшек емізу кезеңінде қолдануға болады.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
АНТИБАКТ сіздің автомобильді басқару немесе кез келген құрал-жабдықпен жұмыс істеу қабілетіңізге әсер етуі екіталай. Зерттеу жүргізілген жоқ.
Қолдану жөніндегі ұсынымдар
Дозалау режимі
Препаратты әрдайым дәрігердің ұсыныстарына сәйкес қолданыңыз. Күмән туған жағдайда, емдеуші дәрігеріңізбен кеңесіңіз.
Препараттың ұсынылатын дозасы күніне бір рет бір қынаптық таблетканы (10 мг дезалиний хлориді) құрайды.
Қынап ішіне қолдануға арналған.
Бір қынаптық таблеткадан күн сайын 6 күн бойы қолдану ұсынылады. Қынаптық таблетканы кешке ұйықтар алдында қынапқа тереңдете енгізеді. Препаратты аяқты сәл жинап, шалқадан жатқан күйде енгізу керек. Етеккір кезінде емдеуді тоқтатып, аяқталғаннан соң жалғастыру керек.
Бөліністер және қабыну әдетте 24-тен 72 сағатқа дейінгі уақытта басылады, алайда жайсыздық сезімі (қышыну, бөліністер, иіс) басылса да, емдеуді жалғастыру қажет.
Ұзақтығы
Емдеу ұзақтығы 6 күнді құрайды.
Артық дозалаудың спецификалық симптомдары жоқ.
Артық дозаланған жағдайда препаратты қабылдауды тоқтатып, дереу жеделмедициналық көмек шақыру керек.
Егер сіз препаратты қажет мөлшерден көп қолданған болсаңыз, емдеуші дәрігерге жүгініңіз.
Егер сіз препаратты қолдануда ұмытып кетсеңіз, емдеуші дәрігерге жүгініңіз.
Таблетканы қолдануды өткізіп алғанда орнын толтыру үшін екі еселік дозаны қолданбаңыз.
Егер сізде препаратты қолдану туралы сұрақтарыңыз болса, емдеуші дәрігерге жүгініңіз.
Жағымсыз реакциялар сипаттамасы
Барлық дәрілік препараттар сияқты, препарат жағымсызреакцияларды тудыруы мүмкін, бірақ олар барлығында пайда бола бермейді.
Көптеген жағымсыз реакциялар ауырлық дәрежесі жеңіл және қысқа мерзімді болады.
Кейде қынаптық инфекциялар симптомдары (қышыну, күйдіріп ашыту және бөліністер сияқты) емдеудің басында препараттың әсері басталғанға дейін жоғарылауы мүмкін. Сіз емдеуді жалғастыра беруіңіз керек, бірақ егер симптомдары кетпесе, емдеуші дәрігерге жүгініңіз.
Жиі (10 адамның 1-де болуы мүмкін):
• қынаптық бөлініс; қынап қышынуы немесе қынап ішін күйдіріп ашытуы
• қынаптық кандидоз (микоз)
Жиі емес (100 адамның 1-де болуы мүмкін):
• қынаптан қан кету; қынаптың ауыруы
• вагинит және вульвит
• бактериялық вагиноз
• терінің зеңдік инфекциясы
• бас ауыруы
• жүрек айнуы
Белгісіз (қолда бар деректер негізінде пайда болу жиілігін анықтау мүмкін емес):
• қынапта ойық жаралардың түзілуі (егер қынаптың шырышты қабаты емдегенге дейін зақымдалған болса)
• жатырдан қан кету
• қынаптың қызаруы, қынаптың құрғауы
• цистит
• аллергиялық реакция (бөртпе, ісіну немесе қышыну)
• қызба
Егер жоғарыда аталған белгілер пайда болса, препаратты қабылдауды тоқтатып, дереу дәрігерден көмек сұраңыз.
Күтілген дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек:
Егер сізде қандай да бір жағымсыз реакциялар пайда болса, емдеуші дәрігермен кеңесіңіз. Бұл ұсынымдар кез келген ықтимал жағымсыз реакцияларға, соның ішінде қосымша парақта көрсетілмегендерге қатысты болады. Дәрілік препараттарға жағымсыз реакциялар (әсерлер) жөнінде ақпараттық мәліметтер базасына жағымсыз реакциялар туралы, оның ішінде Қазақстан Республикасы аумағында анықталған дәрілік препараттардыңтиімсіздігі туралы хабарламалардыхабарлай аласыз: электронды пошта: nobel@nobel.kz.
және телефон: (+7 727) 399-50-50.
Жағымсыз реакциялар туралы хабарлау арқылы сіз дәрілік препараттың қауіпсіздігі туралы көбірек ақпарат алуға көмектесесіз.
Қосымша мәліметтер
Дәрілік препараттың құрамы
Бір таблетканың құрамында
белсенді зат – деквалиний хлориді, 10 мг
қосымша заттар:құрғақ лактоза спрейі 250,
микрокристалды целлюлоза РН 102,
магний стеараты
Шығарылу түрі және қаптамасы
Сопақша пішінді, екі беті дөңес, түсі ақ немесе ақ дерлік таблеткалар.
6 таблеткадан мөлдір поливинилхлоридті үлбірден және баспалы алюминий фольгадан жасалған пішінді ұяшықты қаптамаға салынған.
1 пішінді қаптамадан медициналық қолдану жөніндегі қазақ және орыс тіліндегі нұсқаулықпен бірге өндіруші фирманың голограммасы бар картон қорапшаға салынады.
Сақтау мерзімі
Жарамдылық мерзімі 2 жыл
Жарамдылық мерзімі өткеннен кейін қолдануға болмайды!
Сақтау шарттары
Құрғақ, жарықтан қорғалған жерде, 25 0С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары рецептісіз
Препараттың қолдануға жарамсыздығы туралы ескертулер (тиісті жағдайларда)
Препаратты қолдануға жарамсыздығының көзге көрінетін белгілерін байқасаңыз, препаратты қолданбаңыз: жарамдылық мерзімі өтіп кеткен, түсі, консистенциясы өзгерген.
Препаратты канализацияға немесе тұрмыстық қоқысқа тастамаңыз. Дәріхана қызметкерінен енді қажет емес препараттарды қалай жоюғаболатындығын сұраңыз. Бұл шаралар қоршаған ортаны қорғауға көмектеседі.
Өндіруші туралы мәліметтер
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды поштаnobel@nobel.kz
Тіркеу куәлігінің ұстаушысы
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды поштаnobel@nobel.kz
Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды поштаnobel@nobel.kz
