Гленцет Адванс №14 табл

Сипаттама

Дәрілік затты медициналық қолдану жөніндегі нұсқаулық

Гленцет Адванс

Саудалық атауы

Гленцет Адванс

Халықаралық патенттелмеген атауы

Жоқ

Дәрілік түрі

Үлбірлі қабықпен қаптаған таблеткалар

Құрамы

Бір таблетканың құрамында

Интрагранулярлық бөлігі

белсенді зат - монтелукаст натрий (монтелукастқа баламалы) - 10,0 мг,

қосымша заттар: лактоза моногидраты, микрокристалды целлюлоза, сусыз кальций гидрофосфаты, натрий кроскармеллозасы, гидроксипропилцеллюлоза.

Экстрагранулярлық бөлігі

белсенді зат - левоцетиризин дигидрохлорид - 5,0 мг;

қосымша заттар: микрокристалды целлюлоза, натрий кроскармеллозасы,магний стеараты.

үлбірлі қабығы: опадрайсары 13B52204: темірдің (III) сары тотығы (Е172), темірдің (III) қызыл тотығы (Е172), титанның қостотығы (Е171).

Сипаттамасы

Дөңгелек пішінді, екі беті дөңес, сары түсті үлбірлі қабықпен қапталған таблеткалар.

Фармакотерапиялық тобы

Респираторлық жүйе. Жүйелі әсер ететін антигистаминдік препараттар. Жүйелі қолдануға арналған антигистаминдік препараттар. Антигистаминдік препараттардың біріктірілімдері.

ATХ коды R06АК

Фармакологиялық қасиеттері

Фармакокинетикасы

Фармакокинетикалық сипаттамаларын анықтау мақсатында, біріктірілген препаратқа бөлек фармакокинетикалық зерттеу жүргізілген жоқ.

Сіңірілуі

Монтелукаст ішке қабылдағаннан кейін жылдам және толығымен дерлік сіңіріледі. Плазмадағы концентрациясының орташа алғандағы ең жоғарғы мөлшеріне (Сmaх) ересектерде аш қарынға қабылдағаннан кейін 3 сағаттан соң жетеді. Ішке қабылданғандағы орташа биожетімділігі 64% құрайды. Ас ішу биожетімділігі мен плазмадағы ең жоғарғы концентрациясына (Сmaх) ықпал етпейді.

Левоцетиризин ішке қабылдағаннан кейін жылдам және толығымен дерлік сіңіріледі.Ересектерде левоцетиризиннің 5 мг емдік дозасы бар препаратты бір рет қабылдағаннан кейін Сmaх 0,9 сағаттан соң жетеді және 270 нг/мл құрайды, 5 мг дозада қайталап қабылдағаннан кейін – 308нг/мл құрайды. Концентрациясының тепе тең деңгейіне 2 тәуліктен соң жетеді.

Ас ішу сіңірілуінің толық жүруіне әсер етпейді, әйтсе де оның жылдамдығы азаяды.

Таралуы

Монтелукаст қан плазмасы ақуыздарымен 99%-дан астамға байланысады. Монтелукасттың таралу көлемі орташа алғанда 8-11 л құрайды.

Левоцетиризин қан плазмасы ақуыздарымен 90%-ға байланысады. Левоцетиризиннің таралу көлемі 0,4 л/кг құрайды. Биожетімділігі 100%-ға жетеді.

Метаболизмі

Монтелукаст бауырда белсенді метаболизденеді. Емдік дозаларын қолданғанда, ересектерде монтелукасттың плазмада тепе теңдік жағдайындағы метаболиттерінің концентрациясы анықталмайды.

Монтелукаст метаболизмі үдерісіне Р450CYP цитохромының изоферменттері (3А4 және 2С9) қатысады деп жорамалданады, сонымен қатар, емдік концентрацияларында монтелукаст Р450CYP цитохромының изоферменттерін: 3А4, 2С9, 1А2, 2А6, 2С19 және 2D6 тежемейді.

Левоцетиризин организмде азғантай, 14%-дан аз мөлшерде, N- и O-дезалкилдену жолымен (Н1-гистраминдік рецепторлардың цитохомдар жүйесінің көмегімен бауырда метаболизденетін басқа антагонистеріне қарағанда), фармакологиялық белсенді емес метаболитін түзе отырып метаболизденеді. Метаболизмі деңгейінің төмендігіне және метаболикалық әлеуетінің жоқтығына байланысты, левоцетиризиннің басқа дәрілік препараттармен әрекеттесу ықтималдығы аз.

Шығарылуы

Монтелукасттың плазмалық клиренсі дені сау ересектерде орташа алғанда 45 мл/минутты құрайды. Монтелукастты ішу арқылы қабылдағаннан кейін, оның мөлшерінің 86%-ы нәжіспен 5 күн ішінде және 0,2%-ынан азы – несеппен шығарылады, бұл монтелукаст пен оның метаболиттерінің өтпен шығарылатындығын растайды. Дені сау жас ересек адамдарда монтелукасттың жартылай шығарылу кезеңі (Т_1/2)2,7-ден 5,5 сағатқа дейін құрайды. 50 мг асатын дозаларын ішке қабылдағанда, фармакокинетикасы іс жүзінде дозасына тәуелді сипатын сақтайды. Монтелукасттың таңертеңгілік және және кешкі уақыттарда қабылдағанда, фармакокинетикасында айырмашылықтар байқалмайды. Құрамында 10 мг монтелукаст бар таблеткаларын тәулігіне 1 рет қабылдағанда, белсенді затының плазмада орташа (14%-ға жуық) жинақталуы байқалады.

Егде жастағы және жастау пациенттердегі монтелукастты 10 мг дозада тәулігіне 1 рет қабылдағанда, фармакокинетикалық бейіні мен биожетімділігі ұқсас. Бауырдың жеңіл және орташа дәрежеліжеткіліксіздігі бар және бауыр циррозының клиникалық көріністері бар пациенттерде препаратты 10 мг дозада бір рет қабылдағаннан кейін, монтелукаст метаболизмінің баяулап, «концентрация-уақыт» фармакокинетикалық қисығы ауданының (AUC) шамамен 41%-ға артқаны білінген. Мұндай пациенттерде монтелукасттың шығарылуы дені сау субъектілермен (жартылай шығарылуының орташа мерзімі – 7,4 сағат) салыстырғанда, біршама жоғарылайды. Бауырдың жеңіл және орташа дәрежелі жеткіліксіздігі бар пациенттер үшін монтелукаст дозасын өзгерту қажет емес. Бауырдың ауыр жеткіліксіздігі бар (Чайлд-Пьюг шкаласы бойынша 9 баллдан артық) пациенттерде монтелукаст фармакокинетикасының сипаты туралы мәліметтер жоқ.

Левоцетиризиннің жартылай шығарылу кезеңі(Т_1/2) ересектерде 7,9±1,9 сағатты құрайды. Жалпы клиренсі 0,63 мл/мин/кг құрайды. Препараттың қабылданған дозасының 85,4%-ына жуығы бүйрек арқылы өзгеріссіз күйінде, шумақтық сүзіліс және өзекшелік сөлініс жолымен, 12,9%-ына жуығы – ішек арқылы шығарылады. Бауыр жеткіліксіздігі бар пациенттерде (креатинин клиренсі (КК) ‹40 мл/мин) препараттың клиренсі азаяды, ал Т_1/2 ұзарады (гемодиализдегі науқастарда жалпы клиренсі 80%-ға төмендейді), бұл дозалау режимін сәйкесінше өзгертуді қажет етеді. Стандартты 4 сағаттық гемодиализ емшарасы барысында левоцетиризиннің 10%-ынан азы шығарылады.

Пациенттердің айрықша топтарындағы фармакокинетикасы

Бүйрек жеткіліксіздігі:

Монтелукаст

Монтелукаст пен оның метаболиттері өт жолдары арқылы шығарылады, бүйрек жеткіліксіздігі бар пациенттер үшін дозасын түзеу қажет емес.

Левоцетиризин

Левоцетиризиннің ықтимал клиренсі креатининклиренсімен өзара байланысты. Сондықтан, бүйректің орташа және ауыр жеткіліксіздігі бар пациенттерде левоцетиризиннің креатинин клиренсіне негізделген дозалау аралықтарын түзету ұсынылады. Бүйрек жеткіліксіздігінің терминалды сатысы бар пациенттерде, жалпы клиренсі дені сау адамдармен салыстырғанда шамамен 80%-ға азаяды. Стандартты 4 сағаттық гемодиализ емшарасы кезінде шығарылған левоцетиризин мөлшері <10% құраған.

Бауыр жеткіліксіздігі:

Монтелукаст

Бауырдың жеңіл және орташа жеткіліксіздігі кезінде дозасын түзеу қажет емес. Бауырдың ауыр жеткіліксіздігі бар (Child-Pugh > 9 балл) пациенттердегі монтелукаст фармакокинетикасы туралы мәліметтер жоқ.

Левоцетиризин

Левоцетиризин бауыр жеткіліксіздігі бар пациенттерде зерттелмеген. Бүйректік емес клиренсі, анықталғанындай, дені сау ересек пациенттерде ішке қабылданғаннан кейінгі жалпы клиренсінің 28%-ына жуығын құрайды. Левоцетиризин негізінен, өзгеріссіз күйінде бүйрек арқылы шығарылатындықтан, бауыр жеткіліксіздігі бар пациенттерде клиренсінің елеулі төмендеу ықтималдығы аз.

Фармакодинамикасы

Гленцет Адванс - құрамында 10 мг дозадағы монтелукаст пен 5 мг дозадағы левоцетиризин дигидрохлориді бар біріктірілген препарат.

Монтелукаст бронх демікпесі мен аллергиялық ринит дамуының патофизиологиялық механизмдерімен астасқан созылмалы персистирленетін қабынудың қуатты медиаторлары — цистеинилдік лейкотриендердің (ЛТC₄, ЛТД₄ және ЛТE₄) CysLT₁-рецепторларын селективті тежейді. Бронхиолалар мен қантамырлардың тегіс бұлшықеттерінің түйілуі айқындығын, ісінуді, эозинофилдер мен макрофагтардың миграциясын азайтады; шырыш секрециясын азайтады және мукоцилиарлық тасымалын жақсартады. Монтелукаст ішке қабылданғаннан кейін 2 сағат ішінде бронходилатация туғызады және ß₂-адреномиметиктердің әсерін күшейтіп, синергизм танытуы мүмкін.

Левоцетиризин – цетиризиннің R-энантиомері, ол гистаминнің бәсекелес антагонисттері тобына жатады және H₁-гистаминдік рецепторларды бөгейді. Левоцетиризин – цетиризиннің солға айналдырылған изомері, шеткері Н₁-рецепторлардың селективтілігі жоғары антагонисі. Левоцетиризиннің H₁-гистаминдік рецепторлармен тектестігі цетиризинге қарағанда 2 есе жоғары.

Левоцетиризин аллергиялық реакциялардың гистаминге тәуелді сатысына әсер береді, сондайақ, эозинофилдер миграциясын азайтады, қантамырлардың өткізгіштігін азайтады, қабыну медиаторлары мен цитокиндердің (VCAM-1 және басқа да) босап шығуын шектейді.

Осылайша, левоцетиризин аллергиялық реакциялардың дамуының алдын алады және ағымын жеңілдетеді, экссудатқа қарсы, қышынуға қарсы әсерге ие, іс жүзінде антихолинэргиялық және антисеротониндік әсер бермейді. Емдік дозаларында мүлдем седативтік әсер бермейді деуге болады.

Гленцет Адванс біріктірілген препарат ретінде аллергиялық реакциялардың ағымын жеңілдете отырып бронходилатациялық, ісінуге қарсы, экссудатқа қарсы және қышынуға қарсы әсер көрсетеді.

Қолданылуы

- маусымдық аллергиялық ринитте

Қолдану тәсілі және дозалары

Ішке, күніне бір рет, кешкілік 1 таблеткадан. Таблеткаларды тамақ ішу кезінде немесе тамақтан кейін шайнамай, тұтастайжұту керек.

Емдеу курсы – 14 күн.

Бүйрек жеткіліксіздігі бар пациенттерге: Бүйректің орташа жеткіліксіздігі бар (креатинин клиренсі >79 мл/мин) пациенттер үшін дозасын түзету қажет емес. Бүйректің орташа және ауыр жеткіліксіздігі бар (креатинин клиренсі <79 мл / мин -> 10 мл/мин) пациенттер үшін, препаратты сақ болып және қатаң медициналық қадағалаумен пайдалану керек.

Бауыр жеткіліксіздігі бар пациенттерге: Бауыр жеткіліксіздігі бар пациенттер үшін, дозасын түзету қажет емес.

Жағымсыз әсерлері

Төменде атап келтіріген жағымсыз әсерлерінің жиілігі:

- өте жиі (≥1/10); жиі (≥1/100 - 1/10 дейін); жиі емес (≥ 1/1000 - 1/100 дейін); сирек (≥ 1/10000 - 1/1000 дейін); өте сирек (1/10000 дейін) жиілігі белгісіз (қолда бар мәліметтер бойынша бағалау мүмкін емес).

Монтелукаст

Өте жиі( ≥1/10):

- жоғарғы тыныс жолдарының инфекциялары

Жиі (≥1/100, <1/10):

- диарея, жүрек айнуы, құсу, іш ауыруы

- бөртпе

- қан плазмасындағы бауыр трансаминазалары (АЛТ, АСТ) деңгейінің жоғарылауы

- қызба

Жиі емес (≥1/1000, <1/100):

- ұйқы бұзылыстары (түнгі шым-шытырықтар, ұйқысыздық, сомнамбулизм), ашушаңдық, қозу (озбыр мінез-құлықты немесе өшігуді қоса), депрессия, бас айналуы, ұйқышылдық, парестезия/гипестезия, эпилепсия ұстамасы

- эпистаксис

- ауыздың құрғауы, диспепсия

- анафилаксия түріндегі аллергиялық реакциялар, есекжем, қышыну

- гематомалар

- астения, шаршау, дімкәстану, ісіну

- артралгия, миалгия, бұлшықет құрысулары

Сирек (≥1/10,000, <1/1,000)

- жүрек соғуының жиілеуі

- Квинке ісінуі

- қанағыштыққа бейімділік, мұрыннан қан кету

- тремор

Өте сирек (≥1/10,000, ‹1/1000):

- бауыр паренхимасының эозинофильді инфильтрациясы

- гепатит (холестаздық және гепатоцеллюлярлық түрлерін қоса)

- түйінді эритема

- елестеулер, суицидке бейімділік

- Чарг-Стросссидромы

Левоцетиризин

Өте жиі( ≥1/10):

- ұйқышылдық

Жиі (≥1/100, <1/10):

- ауыздың құрғауы

- бас ауыруы, қажу

Жиі емес (≥1/1000, <1/100):

- астения

- іш ауыруы

Өте сирек (≥1/10,000, ‹1/1000):

-аса жоғары сезімталдық, соның ішінде анафилаксия

-озбырлық, қозу

-құрысулар

-көрудің бұзылуы

-жүрек соғуының жиілеуі

-ентігу, диспноэ

- жүрек айнуы, тәбеттің артуы, құсу

-гепатит

-Квинке ісінуі, қышыну, бөртпе, есекжем

-миалгия

-салмақ жоғарылауы

- дизурия, несеп іркілуі

Маркетингтен кейінгі қадағалауларда келесі жағымсыз реакциялардың өте сирек жағдайлары тіркелді:

- бауырдың функционалдық сынамаларының өзгеруі

- диарея.

Қолдануға болмайтын жағдайлар

- белсенді затқа, пиперазиннің басқа туындыларына немесе препараттың басқа қосымша заттарына жоғары сезмталдық

- 10 мл/минуттан аз креатинин клиренсімен, бүйректің ауыр жеткіліксіздігі

- галактозаны көтере алмаушылық, Лапп лактазасы тапшылығы, глюкоза және галактоза мальабсорбциясы синдромы

- 18 жасқа дейінгі балаларға

- жүктілік және лактация кезеңі

Дәрілермен өзара әрекеттесуі

Монтелукаст ұсынылған дозасында клиникалық тұрғыдан теофиллин, преднизон, преднизолон, біріктірілген оральді контрацептивтер (норэтиндрон1 мг/этинилэстрадиол 35 мкг), терфенадин, дигоксин және варфарин сияқты препараттардың фармакокинетикалық бейініне елеулі әсер етпейді. Монтелукастты дәрілік заттармен (тиреоидтық гормондар, ҚҚСД, бензодиазепиндер, деконгестанттар) қатарлас препарат ретінде бірге қолдану, клиникалық тұрғыдан елеулі өзара дәрілік әрекеттесуге дамуына алып келмейді.

Монтелукастты Р450 цитохромы жүйесін индукциялауға қабілетті препараттармен бір мезгілде қолдану:

Фенобарбиталмен емдеу аясында монтелукастты 10 мг дозада бір рет қабылдағанда, монтелукасттың AUC 40 %-ға төмендейді. Монтелукастпен емдеу аясында фенитоин, фенобарбитал, рифампицин сияқты, Р450 цитохромы жүйесін индукциялауға қаблетті дәрілік заттарды қабылдап жүрген пациенттерді клиникалық қадағалаудың талапқа сай болмағандығы байқалады.

Монтелукастты Р450 цитохромы жүйесін тежеуге қабілетті препараттармен бір мезгілде қолдану:

Монтелукаст CYP2С8 цитохромы жүйесі изоферментінің ықтимал тежегіші болып табылады. Монтелукаст пен росиглитазон (негізінен, CYP2C8 изоферментінің қатысумен метаболизденетін дәрілік заттардың өкілі) препараттарын бір мезгілде қолданғанда, росиглитазонның фармакокинетикалық бейінінің өзгерістері анықталмаған, ол монтелукасттың CYP2C8 изоферментін тежейтінін растауға мүмкіндік берген жоқ. Сол себепті, монтелукаст осы изоферменттің метаболизденетін дәрілік заттардың (паклитаксел, росиглитазон және репаглинид сияқты) фармакокинетикалық бейініне әсер етпейді деп шамалауға болады.

Левоцетиризиннің басқа дәрілік препараттармен өзара әрекеттесуін зерттеу жүргізілмеген. Цетиризин рацематының псевдоэфедринмен, циметидинмен, кетоконазолмен, эритромицинмен, азитромицинмен, глипизидпен және диазепаммен өзара дәрілік әрекеттесуін зерттегенде, клиникалық тұрғыдан маңызды, жағымсыз өзара әрекеттесулер анықталған жоқ.

Теофиллинмен (тәулігіне 400 мг) бір мезгілде тағайындалғанда, цетиризиннің жалпы клиренсі 16%-ға төмендейді (теофиллиннің кинетикасы өзгермейді). Бірқатар жағдайларда, левоцетиризинді алкогольмен немесе ОЖЖ бәсеңдететін дәрілік препараттармен бір мезгілде қолданғанда, олардың ОЖЖ-ға әсері күшеюі мүмкін, әйтсе де, цетиризин рацематы алкогольдің әсерін күшейтпейтіні дәлелденген.

Ритонавир цетиризиннің плазмадағы мөлшерін шамамен 42%-ға арттырады, бұл цетиризиннің жартылай шығарылу кезеңінің ұзаруымен (53%) және клиренсінің төмендеуімен (29%) қатар жүрген. Цетиризинді бір мезгілде қолданғанда, ритонавирдің фармакокинетикасы өзгермеген.

Айрықша нұсқаулар

Бүйректің созылмалы жеткіліксіздігі кезінде (дозалау режимін түзету қажет) және егде жастағыларда (шумақтық сүзілісі азаюы мүмкін) абайлап қабылдау керек. Алкогольмен бір мезгілде пайдаланғанда, сақтық таныту қажет.

Монтелукаст

Пациенттерге құрамында монтелукаст пен левоцетиризин бар бұл біріктірілген препаратты, демікпенің жедел ұстамаларынемдеу үшін қолдану ұсынылмайдыжәне ондай жағдайлар үшін, шұғыл емдеуге арналған тиісті препараттарды алып жүруі қажет. Ұстама жағдайында пациенттер дереу дәрігерге қаралуы керек. Монтелукастты ингаляциялық немесе оральді кортикостероидпен күрт алмастыру ұсынылмайды.

Оральді кортикостероидтардың қолданылу жиілігін азайтуға және монтелукастты бір мезгілде қабылдауға болатындығын көрсететін мәліметтержоқ. Монтелукастпен емделу кезінде,аспириндік демікпесі бар пациенттер аспиринді және қабынуға қарсы басқа стероидты емес дәрілерді қабылдамауы керек.

Психоневрологиялық асқынулар монтелукастты қабылдаған ересектерде, жасөспірімдермен балаларда байқалған. Монтелукасттың тіркелгеннен кейінгі қадағалау кезеңінде қолданылуы туралы хабарламаларға мыналар кірістірілген: қозу, озбыр мінез-құлық немесе өшігу, мазасыздық, жабығу жағдайы, бағдарсыздық, ұйқының бұзылуы, елестеулер, ұйқысыздық, ашушаңдық, шыдамсыздық, айкезбе, суицидтік ойлар мен мінез-құлық (суицидтерді қоса) және діріл. Тіркеуден кейін қадағалау кезеңіндегі хабарламалардың монтелукаст туралыақпаратты қамтығанклиникалық деректері фармакологиялық әсеріне сәйкес келеді. Пациенттер менпрепаратты жазып берген медицина қызметкерлері, психоневрологиялық асқынуларға дайын болуы тиіс. Пациенттерге аталған өзгерістер пайда болған жағдайда, олар туралы осы препаратты жазып берген медицина қызметкеріне хабарлау қажеттілігі жөнінде нұсқау берілуі тиіс. Препаратты жазып беретін медицина қызметкерлері, ондай белгілер туындаған жағдайда, монтелукастпен емдеуді жалғастыру үшін қаупі мен пайдасын мұқият бағалауы тиіс.

Сирек жағдайларда, монтелукастты қабылдап жүргенпациенттерде мыналар байқалуы мүмкін: эозинофилия, васкулиттің клиникалық белгілері, өкпе симптомдарының нашарлауы, кардиологиялық асқынулар және/ немесенейропатиялар. Аталған симптомдар дамығанпациенттерді дәрігер, ары қарайғы емдеу кестесіне қайта баға бере отырып, қайтадан тексеруі тиіс.

Левоцетиризин

Левоцетиризинмен ем қабылдаған кейбір пациенттердеұйқышылдықтың, шаршау мен әлсіздіктің туындағаны байқалған. Пациенттерге олар үшін левоцетиризинді қабылдағаннан кейін машина жабдығын басқару немесе көлік жүргізу сияқты ақыл-ой сергектігі мен қимыл-қозғалыс үйлесімін қажет ететін жұмыстарды атқару кезінде қауіп бары туралы ескертілуі тиіс. Сезімтал пациенттерде левоцетиризин мен алкогольді немесе басқа ОЖЖ-депрессанттарын бір мезгілде қолдану орталық жүйке жүйесіне әсер етуі мүмкін, әйтсе де, цетиризин рацематыалкогольдің әсерін күшейтпейтіні дәлелденген.

Монтелукаст пен левоцетиризин біріктірілгенпрепараттың құрамындабелсенді емескомпонент ретінделактоза бар, сондықтан, галактозаны көтере алмаушылықтың сирек тұқым қуалайтын қиындықтары, Лапплактазасытапшылығы немесеглюкоза және галактозамальабсорбциясы синдромы барпациенттерге, бұл дәріні қабылдау ұсынылмайды.

Жүктілік және лактация кезеңі

Құрамында монтелукаст пен левоцетиризин бар біріктірілген препараттың жүктілік және лактация кезеңінде қолданылуына зерттеулер жүргізілмеген.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдауавтомобиль немесе қозғалмалы механизмдерді басқару қабілетіне ықпал ететіндігін көрсететін мәліметтер жоқ. Алайда, кейбір пациенттерлевоцетиризинмен емделу кезінде ұйқышылдықты, шаршау мен әлсіздікті бастан өткеруі мүмкін. Препаратты қабылдау кезіндезейін қою мен психомоторлық реакциялардың жылдамдығын қажет ететін,қауіптілігі зор қызмет түрлерімен шұғылданудан бас тартқан жөн.

Артық дозалануы

Симптомдары: ұйқышылдық, іш ауыруы, бас ауыруы, құсу,психомоторлықжоғары белсенділік.

Емі: асқазанды шаю немесе жасанды жолмен құстыру. Белсендірілген көмірді тағайындау, симптоматикалық және демеуші ем жүргізу. Арнайы антидоты жоқ.

Монтелукаст пен левоцетиризиннің перитонеальді диализ немесе гемодиализ арқылы шығарылу мүмкіндігі туралы мәліметтер жоқ.

Шығарылу түрі және қаптамасы

Үлбірлі қабықпен қапталған және силикагель пакетімен 14 немесе 28 таблетка полиэтиленнен жасалған,бүралатын қақпағы бар банкаға салынған. 1 банкадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші / Қаптаушы

Гленмарк Фармасьютикалз Лтд

Вилледж Кишанпура, Бадди Налагарх Роуд, Үндістан

Тіркеу куәлігінің ұстаушысы

Гленмарк Фармасьютикалз Лтд, Үндістан

Гленмарк Хаус, ХДО-Корпорэйт Билдинг, Мумбай – 400 099

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері(телефон, факс, электронды пошта)

Гленмарк Фармацевтикалскомпаниясының ҚР өкілдігі, 050059,

Алматы қ., Әл-Фараби д-лы,7, «Нұрлы Тау» бизнес орталығы, 4 А блогы, 12 кеңсе.

тел: + 7(727) 311 04 41

факс: + 7 (727) 311 04 42

эл. пошта: Safety.KZ&UZ@glenmarkpharma.com

Қалалар