Кандесартан 16 мг №30,табл
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Кандесартан 16 мг №30,табл

Қолжетімділігі
Тауар қолда жоқ
Үлгі
4870004560239
Елі
Казахстан
Өндіруші
Вива Фарм ТОО
  • Сипаттама

Сипаттама

Дәрілік затты медициналық қолдану

жөніндегі нұсқаулық (Қосымша-парақ)

Саудалық атауы

Кандесартан Вива Фарм

Халықаралық патенттелмеген атауы

Кандесартан

Дәрілік түрі, дозалануы

Таблеткалар, 8 мг және 16 мг

Фармакотерапиялық тобы

Жүрек-қантамыр жүйесі. Ренин-ангиотензин жүйесіне әсер ететін препараттар. Ангиотензин II рецепторларының антагонистері, қарапайымдар. Кандесартан.

АТХ коды C09CA06

Қолданылуы

эссенциальді артериялық гипертензия

созылмалы жүрек жеткіліксіздігімен өлімді төмендету үшін және сол жақ қарыншаның систолалық функциясының бұзылуы бар (сол жақ қарыншаның лықсыту фракциясы ≤40%) ересек пациенттерді емдеу, ангиотензинөзгертуші фермент тежегіштері (АӨФ) жақпаған кезде немесе АӨФ тежегіштеріне қосымша ем ретінде симптоматикалық жүрек жеткіліксіздігі бар емделушілерде, оңтайлы емге қарамастан минералокортикоидты рецепторлардың антагонистері қолжетімді болмаған кезде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

кандесартанға және препараттың басқа компоненттеріне жоғары сезімталдық

бауыр функциясының айқын бұзылуы және/немесе холестаз

кандесартанды құрамында алискирен бар препараттармен біріктірілімде, қант диабеті (1 немесе 2 типті) немесе орташа немесе ауыр бүйрек жеткіліксіздігі (ШСЖ <60 мл/мин/1.73 м2) бар пациенттерде қолдану

тұқым қуалайтын галактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар тұлғалар

жүктілік және бала емізу кезеңі

балалар мен 18 жасқа дейінгі жасөспірімдер

Қолдану кезінде қажетті сақтық шаралары

Ренин-ангиотензин-альдостерон жүйесінің (РААЖ) қосарлы блокадасы

АӨФ тежегіштерін, ангиотензин II рецепторларының блокаторларын немесе алискиренді бір мезгілде қолдану гипотензия, гиперкалиемия жәнебүйрек функциясының азаю (жедел бүйрек жеткіліксіздігін қоса) қаупін арттыратыны туралы деректер бар. Сондықтан, АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану жолымен РААЖ қосарлы блокадасы ұсынылмайды. Егер қосарлы блокада емі аса қажет болып табылса, оны арнайы қадағалаумен және бүйрек функциясын, электролиттер деңгейін және артериялық қысымды жиі мұқият мониторингтеу арқылы жүргізу керек.

АӨФ тежегіштерін және ангиотензин II рецепторларының блокаторларын диабеттік нефропатиясы бар пациенттерге бір мезгілде қолдануға болмайды.

Бүйрек жеткіліксіхздігі

Ренин-ангиотензин-альдостерон тежегіштерінің басқа агенттері сияқты, кандесартанға сезімтал пациенттерде бүйрек функциясында өзгерулер байқалуы мүмкін. Артериялық гипертензиясы және бүйрек жеткіліксіздігі бар пациенттерді кандесартанмен емдеген кезде қан сарысуында калий деңгейін және креатинин деңгейін мезгіл-мезгіл бақылап отыру керек. Бүйректің өте ауыр немесе терминальді жеткіліксіздігі сатысындағы (креатинин клиренсі <15 мл/мин) пациенттерде қолдану тәжірибесі шектеулі. Мұндай науқастарда кандесартан дозасын мұқият титрлеген және артериялық қысымға мониторинг жүргізген жөн.

Жүрек жеткіліксіздігі бар пациенттерге талдама жасауға бүйрек функциясына, әсіресе 75 жастағы немесе одан үлкен егде жастағы пациенттерде және бүйрек функциясы бұзылған пациенттерде мезгіл-мезгіл баға беру қамтылуы тиіс. Кандесартан дозасын титрлеу кезінде қан сарысуындағы креатинин және калий деңгейлеріне мониторингжасау ұсынылады.

Жүрек жеткіліксіздігі және қан сарысуында креатинин деңгейі >265 мкмоль/л (> 3 мг/дл) бар емделушілерде кандесартанды қолдануға қатысты деректер жоқ.

Жүрек жеткіліксіздігі кезінде АӨФ тежегішімен қатар жүретін ем

Жағымсыз реакциялар қаупі, әсіресе гипотензия, гиперкалиемия және бүйрек функциясы нашарлағанда (жедел бүйрек жеткіліксіздігін қоса) АӨФ тежегішімен біріктірілімде кандесартанды қолданғанда жоғарылауы мүмкін. Сондай-ақ АӨФ тежегішінің, минералокортикоидтар рецепторлары антагонистері мен кандесартанның үштік біріктірілімі де ұсынылмайды. Бұл біріктірілімді қолдану тек маманның бақылауымен және бүйрек функциясына, электролиттер мен артериялық қысымға жиі мұқият мониторинг жағдайында жүргізілуі тиіс.

Диабеттік нефропатиямен пациенттерде АӨФ тежегіштері мен ангиотензин II рецепторлары блокаторларын бір мезгілде қолдануға болмайды.

Гемодиализ

Диализ кезінде артериялық қысым, плазма көлемінің төмендеуі және ренин-ангиотензин-альдостерон жүйесінің белсенділенуі нәтижесінде AT1-рецепторы блокадасына ерекше сезімтал болуы мүмкін. Сондықтанкандесартан дозасын мұқият титрлеу және гемодиализдегі пациенттерде артериялық қысымға ұдайы мониторинг жүргізу қажет.

Бүйрек артериясының стенозы

Бүйрек артериясының екі жақты стенозы немесе жалғыз бүйрек артериясының стенозы бар пациенттерде ренин-ангиотензин-альдостерон жүйесіне ықпалын тигізетін басқа препараттар, атап айтқанда, АӨФ тежегіштері қан сарысуындағы мочевина және креатинин деңгейінің жоғарылауын туындатады. Осыған ұқсас әсерлерді ангиотензин II рецепторларының антагонистерін тағайындаған кезде күтуге болады.

Бүйрек ауыстырып салу

Таяуда бүйрегін ауыстырып салған пациенттерде кандесартан препаратын қолдану туралы деректер жоқ.

Гипотензия

Жүрек жеткіліксіздігі бар пациенттерде кандесартанмен емдеу аясында артериялық гипотензия дамуы мүмкін. Ренин-ангиотензин-альдостерон жүйесіне әсер ететін басқа препараттар қолданған кездегідей, артериялық гипертензиясы бар пациенттерде артериялық гипотензияның дамуына, диуретиктердің жоғары дозаларын алатын пациенттерде байқалуындай, айналымдағы қан көлемінің азаюы себеп болуы мүмкін. Сондықтанемнің басында сақтық шарасын қадағалап, қажет болса, гиповолемияға түзету жүргізген жөн.

Анестезия және хирургия

Ангиотензин ІІ антагонистерін қабылдап жүрген пациенттерде анестезия және хирургиялық араласым кезінде, ренин-ангиотензин жүйесінің блокадасы салдарынан, гипотензия пайда болуы мүмкін. Сирек жағдайларда гипотензия ауыр болуы мүмкін, бұл венаішілік енгізулерді және/немесе вазопрессорларды қолдануды қажет етеді.

Қолқаның және митральді клапан стенозы (обструктивті гипертрофиялық кардиомиопатия)

Басқа да вазодилататорлар сияқты, қолқаның және митральді клапанның гемодинамикалық тұрғыдан маңызды стенозы және обструктивті гипертрофиялық кардиомиопатиясы бар пациенттерге қолданғанда аса сақ болған жөн.

Алғашқы гиперальдостеронизм

Алғашқы гиперальдостеронизмі бар пациенттер ренин-ангиотензин-альдостерон жүйесі арқылы әсер ететін гипертензияға қарсы дәрілік препараттарға әсер бермейді. Осыған байланысты бұл популяцияда кандесартанды қолдануға ұсынылмайды.

Гиперкалиемия

Кандесартанды калий жинақтаушы диуретиктермен, калий препараттарымен, құрамында калий бар тұз алмастырғыштармен немесе калий деңгейін жоғарылатуға қабілетті басқа дәрілік заттармен (мысалы гепарин) бір мезгілде қолдану артериялық гипертензиясы бар пациенттерде калий сарысу деңгейінің жоғарылауына әкелуі мүмкін.Калий деңгейі мониторингін тиісінше іске асырған жөн.

Кандесартан қабылдайтын жүрек жеткіліксіздігі бар пациенттерде гиперкалиемия туындауы мүмкін. Қан сарысуында калий деңгейін мезгіл-мезгіл мониторингтеу ұсынылады. АӨФ тежегіштері, калий жинақтаушы диуретиктер (мысалы, спиронолактон) және кандесартан біріктірілімі ұсынылмайды және оны ықтимал артықшылықтары мен қаупін мұқият бағалап барып қана, қолданған жөн.

Жалпы

Тамыр тонусы және бүйрек функциясы көбіне ренин-ангиотензин-альдостерон жүйесінің белсенділігіне байланысты пациенттерді (мысалы, ауыр іркілісті жүрек жеткіліксіздігі немесе бүйрек артериясы стенозын қоса, бүйректің негізгі аурулары бар пациенттер) осы жүйеге әсер ететін басқа дәрілік заттармен емдеу жедел артериялық гипотензия, азотемия, олигурия немесе сирек жағдайларда жедел бүйрек жеткіліксіздігімен байланысты болды. АРА II қолданғанда мұндай әсерлердің болу мүмкіндігін жоққа шығаруға болмайды. Гипертензияға қарсы кез келгендәрі сияқты, ишемиялық кардиомиопатиясы немесе ишемиялық цереброваскулярлық ауруы бар пациенттерде АҚ шамадан тыс төмендеуі миокард инфарктісіне немесе инсультке әкелуі мүмкін.

Гипертензияға қарсы дәрі ретінде тағайындалуына немесе басқа көрсетілім бойынша қолданылуына қарамастан, кандесартанның гипертензияға қарсы әсері АҚ төмендететін қасиеті бар басқа дәрілік заттармен күшеюі мүмкін.

Басқа дәрілік препараттармен өзара әрекеттесуі

Фармакокинетикасы бойынша клиникалық зерттеулерде кандесартанды гидрохлортиазид, варфарин, дигоксин, ішу арқылы қабылданатын контрацептивтер (этинилэстрадиол/левоноргестрел), глибенкламид, нифедипин және эналаприлмен үйлестіріп қолдану зерттелген. Клиникалық тұрғыда елеулі дәрілікөзара әрекеттесулері анықталмаған.

Калий жинақтайтын диуретиктерді, калий препараттарын, құрамында калий бар тұз алмастырғыштарын немесе басқа дәрілік препараттарды (мысалы гепарин) бір мезгілде қолдану калий деңгейін жоғарылатуы мүмкін. Калий деңгейінің мониторингін тиісті түрде жүзеге асыру керек.

Литий және АӨФ тежегіштерін бір мезгілде қабылдау кезінде литийдің сарысулық концентрациясының және уыттылығының қайтымды жоғарылауы туралы хабарланды.

АРА II қолданғанда осындай жағымсыз әсерлері бақылануы мүмкін. Кандесартанды литиймен қолдану ұсынылмайды. Егер біріктірілім қажеттігі расталса, литийдің сарысулық деңгейіне мұқият мониторинг ұсынылады.

АРА II қабынуға қарсы стероидты емес дәрілермен (ҚҚСД) (мысалы, ЦОГ-2 селективті тежегіштері, ацетилсалицил қышқылымен (> 3 г/тәулік) және селективті емес ҚҚСД) бір мезгілде енгізгенде гипертензияға қарсы әсері әлсірегені бақылануы мүмкін.

АӨФ тежегіштерін қолданғандағы сияқты, АРА II және ҚҚСД бір мезгілде қабылдау болжамды жедел бүйрек жеткіліксіздігін және қан сарысуында калий деңгейінің жоғарылауын қоса, атап айтқанда емнің басында-ақ бүйрек функциясы нашарлаған пациенттерде бүйрек функциясының нашарлау қаупі артуына әкелуі мүмкін. Біріктірілімді әсіресе егде жастағы пациенттерде абайлап қолдану керек. Пациентке гидратацияны тиісті түрде жүргізу керек және қатарлас емді бастағаннан кейін және соңынан мезгіл-мезгіл бүйрек функциясының мониторингіне назар аудару керек.

РААЖ әсер ететін дәрілік заттарды ионотерапияда қолданумен салыстырғанда гипотензия, гиперкалиемия және бүйрек функциясының нашарлауы (жедел бүйрек жеткіліксіздігін қоса) сияқты жағымсыз құбылыстардың үлкен жиілігі АӨФ тежегіштерін және ангиотензин II блокаторларын немесе алискирен біріктірілімін қолданудағы ренин-альдостерон-ангиотензин жүйесінің (РААЖ) қосарлы блокадасына байланысты болатыны белгілі.

Балалар популяциясы

Өзара әрекеттесу зерттеулер тек ересектерде өткізілген.

Арнайы ескертулер

Құрамында лактоза моногидратының болуына орай, препаратты тұқым қуалайтын галактоза жақпаушылығы, Лапп лактаза тапшылығы немесе глюкоза-галактоза мальабсорбциясы кезінде қолдануға болмайды.

Жүктілік немесе лактация кезеңі

Жүктілік

Кандесартанды жүктілік кезінде қолдану қарсы көрсетілімді.

Лактация кезеңі

Қазіргі уақытта кандесартанның емшек сүтіне өтуі белгісіз. Емшек еметін балаларға ұнамсыз әсер етуі мүмкіндігіне орай, кандесартан емшекемізу кезеңінде қолданылмауы тиіс.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Кандесартанның автокөлік басқару қабілетіне әсері зерттелмеген, бірақ кандесартанның фармакодинамикалық қасиеттеріне негізделгенде мұндай ықпал ықтималдығы аз. Автокөлік басқарғанда немесе механизмдермен жұмыс істегенде бас айналуы немесе шаршау болуы мүмкін екенін ескеру керек.

Қолдану жөніндегі нұсқаулар

Дозалау режимі

Гипертензияда

Кандесартан Вива Фарм ұсынылатын бастапқы және демеуші дозасы тәулігіне бір рет 8 мг құрайды. Артериялық қысымды әріқарай төмендету қажет болатын пациенттерге дозаны тәулігіне бір рет 16 мг дейін арттыру ұсынылады және ең жоғары 32 мг дейін тәулігіне бір рет. Ем артериялық қысым реакциясына сай таңдалуы тиіс. Гипертензияға қарсы ең жоғары әсеріне емдеу басталған соң 4 апта ішінде жетеді.

Кандесартан Вива Фарм препаратын басқа гипертензияға қарсы заттармен қолдануға болады. Гидрохлоротиазидтің қосылуының препараттың әртүрлі дозаларында аддитивті гипертензияға қарсы әсері бар екендігі көрсетілді.

Бүйрек функциясы бұзылған пациенттерде

Гемодиализдегі пациенттерді қоса, бүйрек жеткіліксіздігі бар пациенттерге бастапқы дозасы 4 мг құрайды. Доза емге жауап реакциясына сай таңдалуы тиіс. Бүйректің өте ауыр немесе терминальді жеткіліксіздігі (креатинин клиренсі <15 мл/мин) бар пациенттерге препарат қолдану тәжірибесі шектеулі.

Бауыр функциясы бұзылған пациенттер

Бауырдың жеңіл және орташа жеткіліксіздігі бар пациенттерге бастапқы дозасы тәулігіне бір рет 4 мг ұсынылады. Доза емге жауап реакциясына сай түзетуге болады.

Созылмалы жүрек жеткіліксіздігі

Кандесартан Вива Фарм ұсынылатын бастапқы дозасы тәулігіне бір рет 4 мг құрайды.

Жоспарланған тәулігіне 1 рет 32 мг дозаға дейін (ең жоғары доза) немесе ең жоғары жағымды дозаға дейін арттыру кем дегенде2 апта аралықпен дозаны екі еселеу жолымен жүргізіледі. Жүрек жеткіліксіздігі бар пациенттерді тексеруде әркез бүйрек функциясын бағалау, оның ішіндекреатининді және қан сарысуындағы калийдің мониторингі болуы тиіс.

Кандесартан Вива Фарм препаратынжүрек жеткіліксіздігінің басқа емдерімен бірге, АӨФ тежегіштерін, бета-блокаторларды, диуретиктерді және дигиталис немесе осы дәрілік заттардың біріктірілімін қоса, қолдануға болады.

АӨФ тежегіштерінің, калий жинақтаушы диуретиктердің (мысалы спиронолактон) және Кандесартан Вива Фарм препаратының біріктірілімі ұсынылмайды және оны тек потенциалды қаупі мен артықшылығын мұқият бағалаудан кейін ғана қолдану керек.

Айналымдағы қанның тамыр ішіндегі көлемі азайған пациенттерге қолдану

Артериялық гипотензия қаупі бар пациенттер үшін, мысалы, егер айналымдағы қан көлемінің азаюы мүмкін болса, 4 мг бастапқы дозаны қарастырған жөн.

Пациенттердің ерекше топтары

Егде жастағы пациенттерге және айналымдағы қанның тамыр ішіндегі көлемі азайған немесе бүйрек функциясының бұзылуы бар немесе бауыр функциясының бұзылуы бар пациенттерге препараттың бастапқы дозасын өзгерту қажет емес.

Қатарлас ем

Кандесартан Вива Фарм созылмалы жүрек жеткіліксіздігін емдеу үшін АӨФ тежегіштерін қоса, бета-бөгегіштер, диуретиктер немесе олардың біріктірілімдері қамтылатын басқа препараттармен тағайындала алады.

Балалар мен жасөспірімдерде қолдану

Жүрек жеткіліксіздігін емдеуде кандесартанды балалар мен жасөспірімдерге (18 жасқа дейінгі) қолданудың қауіпсіздігі және тиімділігі анықталмаған.

Қолдану тәсілі жіне жолы

Ішке қабылдау үшін (пероральді).

Қабылдау уақыт көрсеткішімен қолдану жиілігі

Кандесартан Вива Фарм ас ішуге байланыссыз тәулігіне бір рет қабылдану керек.

Артық дозалану кезінде қажетті қолдану шаралары

Симптомдары: препараттың фармакологиялық қасиеттерін ескере отырып, артық дозалануының негізгі білінуі симптоматикалық гипотензия және бас айналуы болуы ықтиамал. Артық дозалануының жеке-дара жағдайларында (кандесартан 672 мг дейін) пациенттердің салдарсыз сауығып кеткені туралы хабарланды.

Емі: егер симптоматикалық гипотензия дамыса, симптоматикалық ем тағайындау керек және тіршілік көрсеткіштеріне мониторинг жүргізу керек. Пациентті, аяғын жоғары көтеріңкіреп, шалқасынан жатқызған жөн.Егер бұл жеткіліксіз болса, қандағы плазма көлемін, мысалы, натрий хлоридінің 0,9 % ерітіндісінің инфузиясы көмегімен арттырған жөн. Егер жоғарыда аталған шаралар жеткіліксіз болса, симпатомиметикалық дәрілік заттарды қолдануға болады. Кандесартан гемодиализ көмегімен шығарылмайды.

Дәрілік препаратты қолдану тәсілі бойынша медициналық қызметкерден кеңес алу ұсыныстар

Егер препаратты қолдану әдісі анық болмаса, медициналық қызметкердің кеңесіне жүгіну керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Кандесартан қабылдағанда жағымсыз реакциялар жеңіл және уақытша. Жағымсыз реакциялар туындаудың жалпы жиілігі дозаға немесе жас ерекшелігіне байланыстылығын көрсетеді.

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥1/10), жиі (≥1/100-ден <1/10-ға дейін), жиі емес (≥1/1000-нан <1/100-ге дейін), сирек (≥1/10000-нан <1/1000-ға дейін), өте сирек (<1/10000), белгісіз (қолда бар деректер негізінде бағалау мүмкін емес)

Артериялық гипертензия

Жиі

бас айналу/вертиго, бас ауыру

тыныс алу жолдары инфекциялары

лейкопения, нейтропения және агранулоцитоз

гиперкалиемия, гипонатриемия

жөтел

жүрек айнуы

бауыр ферменттері деңгейінің артуы, бауыр функциясының бұзылуы немесе гепатит

ангионевроздық ісіну, тері бөртпесі, есекжем, қышыну

арқаның ауыруы, артралгия, миалгия.

бейім пациенттердегі бүйрек жеткіліксіздігін қоса, бүйрек функциясының бұзылуы

Өте сирек

Белгісіз

диарея

артериялық гипотензия

гиперкалиемия

сезімтал пациенттерде жедел бүйрек жеткіліксіздігін қоса, бүйрек жеткіліксіздігі

диарея

Жалпы кандесартанның зертханалық көрсеткіштерге клиникалық мәнді әсері бақыланбады. Ренин-ангиотензин-альдостерон жүйесінің басқа тежегіштерін қолданғанда гемоглобин деңгейінің аздап төмендеуі анықталады. Кандесартан қабылдайтын пациенттердің зертханалық көрсеткіштерін үнемі бақылап отыру әдетте қажет емес. Алайда бүйрек жеткіліксіздігі бар пациенттердің қан сарысуында калий және креатинин деңгейін мерзімді бақылап отыру ұсынылады.

Жүрек жеткіліксіздігі

Өте жиі кездесетін жағымсыз реакциялар гиперкалиемия, гипотензия және бүйрек жеткіліксіздігі болған. Мұндай жағымсыз реакциялар 70 жастан асқан пациенттерде, диабетиктер немесе ренин-ангиотензин-альдостерон жүйесіне әсер ететін басқа дәрілік заттарды, атап айтқанда АӨФ және/немесе спиронолактон қабылдаған субъектілерде жиі кездескен.

Жиі

Өте сирек

лейкопения, нейтропения және агранулоцитоз

гипонатриемия

бас айналу, бас ауыру

жөтел

жүрек айнуы

бауыр ферменттері деңгейінің артуы, бауыр функциясының бұзылуы немесе гепатит

ангионевроздық ісіну, тері бөртпесі, есекжем, қышыну

арқаның ауыруы, артралгия, миалгия

Белгісіз

Қан сарысуында креатинин және калий деңгейіне мезгіл-мезгіл мониторинг ұсынылады.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - 8 мг немесе 16 мг кандесартан цилексетилі,

қосымша заттар: лактоза моногидраты, жүгері крахмалы,желатинделген крахмал, коллоидты кремнийдің қостотығы (аэросил), гидроксипропилцеллюлоза, макрогол, кальций кармеллозасы, магний стеараты, темірдің қызыл тотығы (Е172) - 16 мг доза үшін.

Сыртқы түрінің, иісінің, дәмінің сипаттамасы

Дөңгелек пішінді, тегіс беткейлі, ойығы бар, ақ немесе ақ дерлік түсті таблеткалар (8 мг доза үшін).

Дөңгелек пішінді, тегіс беткейлі, бір жағында сызығы және ойығы бар, ақшыл-қызғылт түсті таблеткалар. Ақ және күңгірт қызыл түсті теңбілдерге жол беріледі (16 мг доза үшін).

Шығарылу түрі және қаптамасы

10 таблеткадан поливинилхлоридті (ПВХ) үлбірден және алюминий фольгадан жасалған пішінді ұяшықты қаптамаға салынған.

3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

2 жыл.

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

«ВИВА ФАРМ» ЖШС, Қазақстан Республикасы

Алматы қ., Дегдар к-сі, 33

Тел.: +7 (727) 383 74 63

Факс: +7 (727) 383 74 56

Электронды пошта: pv@vivapharm.kz

Тіркеу куәлігінің ұстаушысы

«ВИВА ФАРМ» ЖШС, Қазақстан Республикасы

Алматы қ., Дегдар к-сі, 33

Тел.: +7 (727) 383 74 63

Факс: +7 (727) 383 74 56

Электронды пошта: pv@vivapharm.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ВИВА ФАРМ» ЖШС, Қазақстан Республикасы

050030, Алматы қ., Дегдар к-сі, 33

Тел.: +7 (727) 383 74 63

Факс: +7 (727) 383 74 56

Электронды пошта: pv@vivapharm.kz