Сипаттама
Дәрілік затты медициналық қолдану
жөніндегі нұсқаулық
МЕТИЛУРАЦИЛ
Саудалық атауы
Метилурацил
Халықаралық патенттелмеген атауы
Жоқ
Дәрілік түрі
Жергілікті және сыртқа қолдануға арналған 10 % жақпамай
Құрамы
100 г жақпамайдың құрамында
| белсенді зат – | метилурацил – 10,00 г, |
| қосымша заттар: | вазелин, сулы ланолин, келесі жазба бойынша алынған: сусыз ланолин, тазартылған су. |
Сипаттамасы
Сарғыштау түсті жақпамай.
Фармакотерапиялық тобы
Дерматология. Басқа дерматологиялық препараттар. Тері ауруларын емдеуге арналған басқа да препараттар.
АТХ коды D11АХ
Фармакологиялық қасиеттері
Фармакокинетикасы
Жақпамай түрінде жергілікті қолданғанда препарат іс жүзінде жүйелік қан ағымына сіңірілмейді.
Фармакодинамикасы
Анаболиялық белсенділігі бар. Нуклеин алмасуын қалыпқа келтіре отырып, жаралардағы жасушалық регенерация үдерістерін жылдамдатады, тіннің өсуі мен түйіршіктене жетілуін және эпителизациясын тездетеді.
Жараға сыртынан жаққан кезде фотопротекторлық қасиеттерін иеленген.
Қолданылуы
- баяу жазылатын жараларда
- күйікте
- фотодерматитте
- сүйек сынуында
- жаңа түзілімдерді радиосезімталдығы жоғары емес сәулелендіру кезінде тері реакциялары профилактикасында, гениталий жаңа түзілімдерін сәулемен емдеу жағдайында- сәулелік дерматит және қынап қабырғаларының кешеуілдеп біту (окклюзиясы) симптомдарын азайтуда
Қолдану тәсілі және дозалары
Жергілікті. Сыртқа. Жақпамайды 15-30 күн бойы күн сайын 5-10 г мөлшерінде зақымданған жерлерге жағады.
Жақпамайды сәулелік дерматит және қынаптың сәулемен кешеуілдеген зақымдануы кезінде жұмсақ тампондармен қолданады.
Қолданудың жиілігі мен ұзақтығы аурудың сипаты мен айқындығына, сондай-ақ қол жеткен әсеріне байланысты болады.
Жағымсыз әсерлері
- аллергиялық реакциялар
- қысқа мерзімдік ашыту
- бас ауыруы, бас айналуы
Қолдануға болмайтын жағдайлар
- препаратқа жоғары сезімталдық
- жара бетінің шамадан тыс грануляциялануы
Дәрілермен өзара әрекеттесуі
Жақпамай сульфаниламидтер, антибиотиктер мен антисептикалық дәрілердің сыртқы аппликациларымен үйлеседі.
Айрықша нұсқаулар
Балаларда
Балаларда препаратты қолданудың қауіпсіздігі анықталмаған.
Жүктілік пен лактация кезеңі
Жүктілік пен лактация кезінде препаратты қолданудың қауіпсіздігі анықталмаған.
Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралдарын немесе жоғары зейін қою мен психомоторлық реакциялар жылдамдығын қажет ететін қауіптілігі зор қызмет түрлерімен айналысу қабілетіне әсер етпейді.
Артық дозалануы
Мәліметтер жоқ.
Шығарылу түрі және қаптамасы
Жергілікті және сыртқа қолдануға арналған 10 % жақпамай.
25 г препараттан алюминий сықпаға салынады.
Әр сықпаны медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.
Сақтау шарттары
Құрғақ жерде, 15 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл 6 ай
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Биосинтез» ЖАҚ, Ресей
440033, Пенза қ., Дружба к-сі, 4, тел./факс: (8412) 57-72-49,
e-mail: certificate@biosintez.com
Тіркеу куәлігінің ұстаушысы
«Биосинтез» ЖАҚ, Ресей, Пенза қ.
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, заңды мекенжайы және байланыс деректері (телефон, факс, электрондық пошта)
Қазақстан Республикасындағы «Сан Фармасьютикал Индастриез Лимитед компаниясы» өкілдігі
050008, Қазақстан Республикасы, Алматы қ., Манас к-сі, 32 «А», «SAT» Бизнес Орталығы, 6 қабат, 602 кеңсе, тел. +7 (701) 991-19-56, 8-800-080-52-02,
e-mail: Pharmacovigilance.kz@sunpharma.com
