Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Нагин
Халықаралық патенттелмеген атауы
Хлоргексидин
Дәрілік түрі, дозалануы
Қынаптық суппозиторийлер, 16 мг
Фармакотерапиялық тобы
Гинекологиялық инфекцияға қарсы және антисептикалықпрепараттар. Инфекцияға қарсы және антисептикалық препараттар,кортикостероидтармен біріктірілімдерін қоспағанда. Басқа антисептиктер және микробқа қарсы препараттар.
АТХ коды G01АX
Қолданылуы
ДП 18 жастан асқан ересектерде қолдануға болады
– бактериялық вагинозды, кольпиттерді (оның ішінде спецификалық емес, аралас, трихомонадты) емдеуде.
– акушерлік пен гинекологиядағы инфекциялық-қабыну асқынулардың профилактикасы (гинекологиялық ауруларды операциялық емдеу алдында, босану және түсік алдында, жатырішілік спираль (ЖІС) қойғанға дейін және одан кейін, жатыр мойны диатермокоагуляциясына дейін және одан кейін, жатырішілік зерттеулер алдында).
– жыныстық жолмен берілетін инфекциялардың (хламидиоз, уреаплазмоз, трихомониаз, соз, мерез, генитальді герпес) профилактикасы – жыныстық қатынастан кейін 2 сағаттан кешіктірмей қолданады.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
– хлоргексидинге және 6.1 бөлімінде тізбеленген кез келген қосымша заттарға аса жоғары сезімталдық
– 18 жасқа дейінгі балалар
Қолдану кезіндегі қажетті сақтық шаралары
Егер ауру симптомдары 7 күннен астам сақталса дәрігерге қаралу ұсынылады. Препаратты қолдану жөніндегі нұсқаулықта көрсетілген қолдану тәсіліне және дозаларға ғана қолданыңыз.
Басқа дәрілік препараттармен өзара әрекеттесуі
Қынап ішіне қолданылатын құрамында йод бар препараттармен бір уақытта қолдану ұсынылмайды.
Хлоргексидин құрамында анионды топ (сапониндер, натрий лаурилсульфаты, натрий карбоксиметилцеллюлозасы) бар детергенттермен және сабындармен қынап ішіне енгізілсе үйлеспейді.
Құрамында катионды топ (бензалконий хлориді, цетримоний бромиді) бар дәрілік заттармен үйлеседі.
Арнайы ескертулер
Препарат тек ересек пациенттерде қынап ішіне қолдануға арналған.Аллергиялық реакциялар немесе препаратты енгізген жерде тітіркену пайда болса емді тоқтатады. Инфекция жұқтырудың алдын алу үшін жыныстық жұптарды бір уақытта емдеу қажет. Бактериялық вагинозды емдеу кезеңінде жыныстық қатынасқа түспегені жөн. Сыртқы жыныс мүшелерін жуу Нагин, қынаптық суппозиторийлерінің тиімділігі мен жағымдылығына ықпал етпейді, өйткені препарат қынап ішіне қолданылады. Етеккір уақытында қолдануға болады, өйткені препарат қан, ірің және басқа биологиялық сұйықтықтар болғанда аздап төмен болса да, өз белсенділігін сақтайды.
Жүктілік және бала емізу
Анасы үшін күтілетін пайда мен шаранаға және балаға төнетін қауіпті мұқият бағалағаннан кейін ғана препаратты жүктілік және емшек емізу кезеңінде қолдануға болады.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Көлік құралдарын басқару және қозғалмалы механикалық құрылғыларды жөндеу қабілетіне ықпал етпейді.
Қолдану жөніндегі нұсқаулар
Дозалау режимі
Емдеу үшін: 1 қынаптық суппозиторийден 7-10 күн бойы тәулігіне 1-2 рет.
Жыныстық жолмен берілетін инфекциялардың профилактикасы үшін:сақтанбаған жыныстық қатынастан кейін 2 сағаттан кешіктірмей 1 қынаптық суппозиторийден.
Енгізу әдісі және жолы
Қынап ішіне.
Артық дозалану жағдайында қабылдануы қажеті шаралар
Артық дозалану жағдайлары белгісіз.
Препаратты медициналық қолдану жөніндегі нұсқаулыққа сәйкес қолданғанда артық дозалану ықтималдығы аз.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥1/10); жиі (≥1/100-ден <1/10 дейін); жиі емес (≥1/1000-нан <1/100 дейін); сирек (≥1/10000-нан <1/1000 дейін); өте сирек (<1/10000), белгісіз (қолда бар деректер бойынша баға беру мүмкін емес
Иммундық жүйе тарапынан болатын бұзылыстар
Сирек
- бөртпе, қышыну, қынаптағы шымылдату сезімі
Өте сирек
-ауыр аллергиялық реакциялар және анафилаксия
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
«Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір суппозиторийдің құрамында
белсенді зат - 20 % хлоргексидин биглюконаты ерітіндісі 16 мг хлоргексидин биглюконатына шаққанда,
қосымша зат - макрогол 1000-нан 3,10 г дейін.
Сыртқы түрінің, иісінің, дәмінің сипаттамасы
Ақ немесе сарғыш-ақ түсті торпедо тәрізді пішіндегі суппозиторийлер. Мәрмәр түріндегі бояудың біркелкі болмауына жол беріледі.
Кесіндісіндетеңбілдері болмауы керек, ауалы өзекше мен құйғы тәрізді ойық болуына жол беріледі.
Шығарылу түрі және қаптамасы
5 суппозиторийден ПВХ/ПЭ полимерлі үлбірден жасалған пішінді ұяшықты қаптамада.
5 суппозиторийден екі пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
2 жыл.
Жарамдылық мерзімі өткеннен кейін қолдануға болмайды!
Сақтау шарттары
Жарықтан және ылғалдан қорғалған жерде, 8 °С-ден 15 °С-ге дейінгі температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Рубикон» ЖШҚ, Беларусь Республикасы
210002, Витебск қ-сы,М. Горькийк-сі 62 Б, тел/факс +375 (212) 34-06-29, e-mail: secretar@rubikon.by, www.rubikon.by
Тіркеу куәлігінің ұстаушысы
«Рубикон» ЖШҚ, Беларусь Республикасы, 210002, Витебск қ-сы, М. Горькийк-сі 62 Б, тел/факс +375 (212) 34-06-29, e-mail: secretar@rubikon.by, www.rubikon.by
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«Pharmaline» ЖШС, Алматы қ., Шамиева к-сі 11, Қазақстан Республикасы
Тел: +7 (727)338-48-14 (15), e-mail: pvppharmaline@pharmaline.kz
