Серетид Эвохалер 25/125мкг, 120 доз, аэрозоль
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Серетид Эвохалер 25/125мкг, 120 доз, аэрозоль

Қолжетімділігі
Тауар қолда жоқ
Үлгі
5900008024372
Елі
Египет
Өндіруші
Glaxo Wellcome
  • Сипаттама

Сипаттама

Дәрілік затты медициналық қолдану жөніндегі нұсқаулық

Серетид® Эвохалер

Саудалық атауы

Серетид® Эвохалер

Халықаралық патенттелмеген атауы

Жоқ

Дәрілік түрі

25/50 мкг, 25/125 мкг, 25/250 мкг дозаланған, ингаляцияға арналған аэрозоль, 120 доза

Құрамы

Препараттың бір дозасының құрамында

белсенді заттар: 36.3 мкг сальметерол ксинафоаты (25 мкг сальметеролға баламалы) және 50 мкг немесе 125 мкг немесе 250 мкг флутиказон пропионаты,

қосымша заттар - 1,1,1,2-тетрафторэтан (пропеллент HFA-134a), озонға қауіпсіз.

Сипаттамасы

Дозалайтын клапанмен және қорғағыш қалпақшамен жабдықталған пластик бүріккішке салынған алюминий баллон.

Баллонда ақ немесе ақ дерлік суспензия бар.

Фармакотерапиялық тобы

Тыныс жолдарының обструкциялық ауруларын емдеуге арналған препараттар. Ингаляциялық симпатомиметиктер. Тыныс алу жолдарының обструкциялық ауруларын емдеуге арналған басқа препараттармен біріктірілген симпатомиметиктер. Сальметерол және тыныс алу жолдарының обструкциялық ауруларын емдеуге арналған басқа да препараттар.

АТХ коды R03АК06

Фармакологиялық қасиеттері

Фармакокинетикасы

Сальметеролды және флутиказон пропионатын бір мезгілде ингаляциялық енгізу осы заттардың әрқайсысының фармакокинетикасына ықпалын тигізбейді.

Сальметерол

Сальметерол өкпе деңгейінде жергілікті әсер береді, сондықтан оның плазмадағы деңгейі емдік әсерін анықтай алмайды. Сальметеролдың фармакокинетикасы жөніндегі деректер шектеулі, өйткені оны емдік дозаларда ингаляциялық енгізуден кейін плазмадағы препараттың өте төмен концентрацияларын (200 пикограмм/мл немесе азырақ) анықтау техникалық тұрғыдан қиын. Сальметерол ксинафоатын жүйелі түрде ингаляциялық қолданған кезде жүйелік қан ағынында гидроксинафтой қышқылы 100 нг/мл-ге дейінгі концентрацияларда анықталады. Бұл концентрациялар токсикологиялық зерттеулер кезінде анықталған стационарлық концентрациялардан шамамен 1000 есе төмен. Тыныс жолдарының обструкциясы бар пациенттерде оның жүйелі режимде ұзақ мерзім (12 айдан көбірек) қолданғанда жағымсыз әсерлер байқалған жоқ.

Іn vitro зерттеулерде сальметеролдың көбіне P450 3A4 (CYP3A4) цитохромы жүйесінің жәрдемімен ά-гидроксисальметеролға дейін метаболизденуі көрініс берді.

Кетоконазолмен (400 мг) бірге 7 күн бойы бірге тағайындау, кейіннен жинақталуынсыз, плазмада сальметерол экспозициясының едәуірартуын туындатады («Айрықша нұсқаулар» және «Дәрілермен өзара әрекеттесуі» бөлімін қараңыз).

Флутиказон пропионаты

Ингаляциялық енгізуден кейін флутиказон пропионатының абсолютті биожетімділігі препаратты жеткізу жүйесіне байланысты 5-тен 11%-ға дейінді құрайды. Демікпесі және өкпенің созылмалы обструкциялық ауруы (ӨСОА) бар пациенттерде ингаляциялық енгізген кезде флютиказон пропионатының жүйелік әсерінің өте төмен болатындығы байқалады.

Жүйелік сіңірілуі көбіне өкпеде жүреді. Деммен тартылатын дозаның бір бөлігі жұтылуы мүмкін, бірақ оның жүйелік әсері бауыр арқылы алғаш өткен кезде қарқынды түрде метаболизденуі салдарынан өте аз болады. Ішке қабылдаған кезде флутиказон пропионатының биожетімділігі 1%-дан азды құрайды. Ингаляцияланған доза шамасы мен флутиказон пропионатының жүйелік әсері арасында тікелей тәуелділік бар.

Флутиказон пропионатының таралу көлемі үлкен (300 л), плазма ақуыздарымен байланысуы жоғары – 91%.

Флутиказон пропионаты жүйелік қан ағынынан, негізінен, Р450 цитохромы жүйесінің CPY3А4 ферментінің жәрдемімен белсенді емес туындысына дейін биотрансформациялануы нәтижесінде тез шығарылады. Флутиказон пропионатын және CPY3А4 ферментінің тежегіштерін бір мезгілде тағайындаған кезде сақтық танытқан жөн, өйткені флутиказон пропионатының жүйелік әсері күшеюі мүмкін.

Флутиказон пропионатының плазмалық клиренсі жоғары (1150 мл/мин). Жартылай шығарылу кезеңі шамамен 8 сағатты құрайды. Флутиказон пропионатының бүйректік клиренсі мардымсыз (0.2%-дан азырақ), және метаболиттің 5%-дан азы несеппен бірге шығарылады.

Фармакодинамикасы

Серетид® Эвохалер – құрамында әсер ету механизмі әртүрлі және b-агонистерін және ингаляциялық кортикостероидтарды қолданудың өте қолайлы режимін қамтамасыз ететін сальметерол және флутиказон пропионаты бар біріктірілген препарат. Сальметерол бронхтың түйілуінің туындауын болдырмайды, флутиказон пропионаты сыртқы тыныс алу функциясын жақсартады және жағдайдың өршуіне жол бермейді.

Сальметерол

Сальметерол – әсері етуі ұзаққа созылатын (12 сағ.) b2-адренорецепторлардың селективті агонисі. Сальметеролдың молекуласының бүйір тізбегі ұзын болады, ол рецептордың сыртқы аймағымен байланысады. Сальметерол гистамин-индукцияланған бронх түйілуінің алдын алуда тиімді, бронхтың дилатациясын туындатады, бронхтардың аса жоғары реактивтілігін азайтады. Толық жасушалардың гистамин, лейкотриендер және простагландин D2 сияқты жеңіл медиаторларының тіндерде босап шығуын ұзақ уақыт тежейді.

Деммен бірге ішке тартылатын аллергендерге туындаған реакциялардың ерте және кеш сатыларын басады. Бір дозаны енгізгеннен кейін кеш сатысының басылуы 30 сағатқа дейін созылады. Сальметеролды бір реттік қабылдау бронхиалды асқын жауапты бәсеңдетеді, бұл сальметеролдың, бронхты кеңейтпейтін қосымша қасиетін білдіреді, бірақ осы қасиеттің клиникалық маңызы белгісіз. Бұл механизмнің кортикостероидтардың қабынуға қарсы әсерінен айырмашылықтары бар.

Флутиказон пропионаты

Флутиказон пропионаты жергілікті әсер ететін ГКС тобына жатады және ұсынылған дозаларда ингаляциялық енгізген кезде өкпеде қабынуға қарсы әсер береді, бұл симптомдардың айқындылығының азаюына және демікпенің өршу жиілігінің төмендеуіне әкеледі. Флутиказон пропионатының әсері жүйелік әсер беретін ГКС-ке тән жағымсыз реакциялармен қатар жүрмейді.

Флутиказон пропионатын өте жоғары дозаларда ингаляция түрінде ұзақ қолданған кезде бүйрекүсті безі қыртысы гормондарының тәуліктік секрециясы ересектерде және балаларда қалып шегінде қалады. Басқа ингаляциялық ГКС қабылдап жүрген пациенттерді флутиказон пропионатын қабылдауға ауыстырғаннан кейін бүйрекүсті безі қыртысы гормондарының тәуліктік секрециясы, бұның алдында ішке ГКС қабылдағанына қарамастан, біртіндеп қалпына келеді. Бұл флутиказон пропионатын ингаляциялық қолдану аясында бүйрекүсті бездері функциясының қалпына келгенін көрсетеді. Флутиказон пропионатын ұзақ қолданған кезде бүйрекүсті бездері қыртысының резервті функциясы қалып шегінде қалады, бұл стимуляциялық тестінің нәтижелерімен айғақталады. Алайда жүргізілген емнен кейін бүйрекүсті бездері қыртысының резервті функциясы төмендеуінің қалдығы ұзақ уақытқа сақталуы мүмкін екендігін ескеру қажет.

Қолданылуы

- демікпені жүйелі түрде емдеуге (тыныс жолдарының қайтымды обструкциясы):

  • ұзақ әсерлі бета-адренорецепторлар агонистерінің және ингаляциялық ГКС-тің демеуші дозаларын қабылдап жүрген пациенттерде
  • ингаляциялық ГКС-пен емдеу аясында ауру симптомдары сақталатын пациенттерде
  • бронходилататорлармен жүйелі ем қабылдап жүрген және ингаляциялық ГКС-ті керек ететін пациенттерде.

- созылмалы бронхитті және өкпе эмфиземасын қоса, ӨСОА (өкпенің созылмалы обструкциялық ауруы) кезінде демеуші ем ретінде, бұл пациенттердің өлімге ұшырау жағдайларын төмендетеді.

Қолдану тәсілі және дозалары

Серетид® Эвохалер тек ингаляция жасауға ғана арналған.

Пациент, Серетид® Эвохалер препаратынан алынатын әсер тиімді болуы үшін, тіпті симптомдар жоқ болғанның өзінде, оны жүйелі түрде қолданғаны жөн екендігінен хабардар болуы тиіс.

Пациенттер Серетид® Эвохалер препаратының тиімді дозасын сақтау мақсатында дәрігерге жүйелі түрде тексерілуі тиіс, және препарат дозасы тек дәрігердің нұсқауымен ғана өзгертілуі мүмкін.

Демікпе (тыныс алу жолдарының қайтымды обструкциясы)

Доза тиімді ең төмен дозаға жеткенше титрленуі тиіс, мұндайда демікпе симптомдарын тиімді бақылау сақталады.Препаратты тәулігіне екі рет қабылдау арқылы бақылауға қол жеткізгеннен кейін препаратты күніне бір рет қабылдауға көшу үшін дозаны әрі қарай титрлеу қажет.

Ұзақ әсерлі β2-агонистерді қолдану қажет болатын пациенттерді емдеу үшін балама ретінде Серетид® Эвохалер препаратының дозасын, егер дәрігердің пікірі бойынша, ауру симптомдарының айқындылығы талапқа сай бақылануы сақталатын болса, тәулігіне 1 рет қабылдауға дейін төмендетуге болады. Серетид® Эвохалер препаратын қабылдау уақыты симптомдардың жиілігімен және айқындылығымен анықталады. Егер пациенттің анамнезінде түнгі ұстамалар бар болса,бұл бір реттік дозаны ұйқыға жатар алдында қолданған жөн, егер анамнезінде ұстамалар күндіз жиі білінген болса, дозаны таңертең қолданады.

Пациентке Серетид® Эвохалер препаратының құрамында оның ауруының ауырлығына сәйкес келетін флутиказон пропионатының дозасы бар шығарылым түрін тағайындаған жөн. Серетид® Эвохалер 25/50 мкг препаратының дозасы ересектер мен балаларда демікпенің ауыр түрін емдеуге арналмағандығын айта кеткен жөн. Демікпесі бар науқастарды емдеу үшін флутиказон пропионатының (FP) басқа ингаляциялық кортикостероидтардың тәуліктік дозасының жартысына сәйкес дозада тиімді болып табылатындығын ескеру керек.

Егер пациентте ингаляциялық кортикостероидтармен монотерапия жүргізу жәрдемімен ауруды талапқа сай бақылауға қол жеткізу мүмкін болмаса, кортикостероидтың баламалы дозасында сальметеролмен және флутиказон пропионатымен біріктіріп емдеуге ауысу бронх демікпесін бақылаудың жақсаруына әкелуі мүмкін. Ингаляциялық кортикостероидпен монотерапия бронх демікпесінің талапқа сай бақылануын қамтамасыз ететін пациенттерді сальметеролдың және флутиказон пропионатының біріктірілімімен ингаляциялық емге ауыстыру, бронх демікпесін бақылаудың жоғалуынсыз, кортикостероид дозасын төмендетуге мүмкіндік береді.

Ересектер және 12 жастағы және одан үлкен жасөспірімдер:

25 мкг сальметерол және 50 мкг флутиказон пропионатымен күніне екі рет екі ингаляция

немесе

25 мкг сальметерол және 125 мкг флутиказон пропионатымен күніне екі рет екі ингаляция

немесе

25 мкг сальметерол және 250 мкг флутиказон пропионатымен күніне екі рет екі ингаляция.

4 жастағы және одан үлкен балалар:

25 мкг сальметерол мен 50 мкг флутиказон пропионатын күніне екі рет екі ингаляция.

Серетид® Эвохалер препаратын 4 жастан кіші балаларға қолдану жөнінде деректер жоқ.

Серетид® Эвохалер препаратымен жасалған ингалятордағы флутиказон пропионатының ең жоғары дозасы балаларда күніне екі рет 100 микрограмм құрайды.

Препаратты 4 жасқа дейінгі балаларға қолдану жөнінде деректер жоқ.

Орташа персистерленетін бронх демікпесі (симптомдардың күн сайын пайда болуы, оларды тез жою және ауа көлемін орташадан ауыр дәрежеге дейін шектеу үшін дәрілерді күн сайын қолдану) бар ересектерді және балаларды емдеу үшін Серетид® Эвохалер препаратын, егер ауру симптомдарын тез бақылауға қол жеткізу қажет болса, бастапқы демеуші ем ретінде қолдануға болады. Мұндай жағдайларда препаратты 25 мкг сальметерол мен 50 мкг флутиказон пропионатымен тәулігіне 2 рет екі ингаляция болатын бастапқы дозада қолдану ұсынылады. Бронх демікпесі симптомдарын бақылауға қол жеткізгеннен кейін емдеуді қайта қарастырған және науқасты ингаляциялық кортикостероидпен дербес емдеуге ауыстыру жөніндегі мәселені шешкен жөн. Науқасты емдеу қайта қарастырылатын болғандықтан, функциялық жағдайына баға беруді үнемі жүргізген жөн.

Бір немесе екі ауырлық критерийі жоқ болған жағдайда, бастапқы демеуші ем ретіндеингаляциялық флутиказон пропионатын дербес қабылдаумен салыстырғанда, Серетидты® қолданудың анық артықшылығы көрінбеді. Ингаляциялық кортикостероидтар көптеген пациенттерді емдеу үшін бірінші тізбекті препараттар болып табылады. Серетид® Эвохалер препаратын жеңіл дәрежедегі бронх демікпесін емдеудің бастапқы кезеңінде тағайындамайды. 50 мкг/25 мкг дозадағы Серетид® Эвохалер ауыр бронх демікпесі бар ересектерді және балаларды емдеу үшін тиімсіз. Ауыр бронх демікпесі бар пациенттерді емдеу үшін алдымен кез келген белгіленген біріктірілімді қолданар алдында ингаляциялық кортикостероидтың тиісті дозасын анықтап алу ұсынылады.

Өкпенің созылмалы обструкциялық ауруы (ӨСОА)

Ересектер

Ұсынылатын ең жоғары доза тәулігіне 2 рет 2 ингаляция (25 мкг сальметерол және 250 мкг флутиказон пропионаты).

Пациенттердің жеке топтары: егде жастағы немесе бүйрек және бауыр функциясы бұзылған пациенттерде дозаны түзетудің қажеттілігі жоқ.

Ингаляторды қолдану жөніндегі нұсқаулық

Ингаляторды тексеру:

Алғаш қолданар алдында қалпақшаның бүйірін жайлап қыса отырып, мүштіктің қалпақшасын алу қажет, ингаляторды мұқият сілкілеу және, талапқа сай жұмыс жасап тұрғанына көз жеткізу үшін, доза есептегішінде 120 саны көрінгенге дейін, ауаға бір рет бүрку керек. Ингалятордан бөгде заттарды жою және ингалятордың ішіндегі заттың біркелкі араласуы үшін, ингаляторды мұқият сілкілеу қажет.

Егер ингалятор бір аптадан астам бойы пайдаланылмаған болса, ауаға екі рет бүрку керек. Ингаляторды әрбір пайдаланған сайын, пайдаланылған дозалардың мөлшері азаяды.

Ингалятор қалай пайдаланылады:

  • Қалпақшаның бүйірін сәл қыса отырып, мүштіктің қалпақшасын алу керек.
  • Мүштікті қоса, ингаляторды сыртынан және ішінен, онда бөгде заттардың бар-жоқтығын қарап көру керек.
  • Құрылғының сыртынан кез келген бөгде заттарды жою және ингалятордың ішіндегі затты біркелкі араластыру үшін ингаляторды мұқият сілкілеу керек.
  • Бас бармақты мүштіктің негізіне қойып, ингаляторды бас бармақ пен қалған саусақтардың арасында тігінен ұстау керек.
  • Демді қаншалықты мүмкін болса, соншалықты терең шығару керек, содан кейін мүштікті ауызға тістердің арасына қойып, оның айналасын ерінмен қаусыра қымқырып, бірақ тістемей ұстау керек.
  • Ауыз арқылы дем алу басталысымен бүркуді бірден жүзеге асыру үшін ингалятордың төбесін басады, мұндайда терең және баяу дем алуды жалғастыру керек.
  • Демді кідірте отырып, ингаляторды ауыздан шығарып алады және саусақты ингалятордың төбесінен алады. Демді қаншалықты мүмкін болғанша, соншалықты терең ұстап тұруды жалғастырады.
  • Екінші бүркуді жүзеге асыру үшін ингаляторды тігінен ұстайды және шамамен 30 секундтан кейін 2 – 6 қадамды қайталайды.
  • Препаратты пайдаланғаннан кейін ауызды шайыңыз да, суды түкіріп тастаңыз.
  • Мүштіктің қалпақшасын керекті күйіне келтіріп қысу және сарт еткізіп жабу керек.

Маңызды

4, 5 және 6 сатыларды жасаған кезде асықпау керек. Тура бүркуді жасар алдында дем алуды қаншалықты мүмкін болғанынша, соншалықты баяу бастау өте маңызды. Алғашқыда айна алдында бірнеше рет жаттығып көруге болады. Егер ингалятордың төбесінен немесе ауыз айналасынан «бұлт» пайда болса, әрекетті 2 сатыдан бастап қайталау қажет.

Пациенттер дозаның индикаторы 020 көрсеткен кезде аэрозольді ауыстыру туралы ойлануы керек. Препараттың барлық дозасы пайдаланылған кездеиндикатор 000 санын көрсетеді. Аэрозольді 000 көрсеткішке дейін ауыстырған жөн.

Егер дәрігерингаляторды қолдану жөнінде басқа нұсқаулар берсе, соны басшылыққа алған жөн. Қиындық пайда болған жағдайда оны дәрігерге айтыңыз.

Балалар

Кішкентай балаларға ингаляторды пайдаланғанда ересектердің жәрдемі керек болады. Сәбиден демді шығаруын сұраған және сәби демін алуды бастау бойына бірден бүркуді жүзеге асырған жөн. Техниканы бірге меңгеруге болады. Жасы үлкен балалар немесе қолы әлсіз адамдар ингаляторды екі қолымен ұстауы тиіс. Екі сұқ саусақты ингалятордың төбесіне, ал екі бас бармақты мүштіктің төменгі негізіне қойып ұстайды.

Тазалау:

Ингаляторды аптасына кем дегенде бір рет тазалаған жөн.

  • Мүштіктің қалпақшасын алыңыз.
  • Баллонды пластик корпусынан шығармаңыз.
  • Мүштіктің ішкі және сыртқы бетін, пластик корпусты құрғақ матамен немесе салфеткамен сүртіңіз.
  • Мүштіктің қалпақшасын орнына қойыңыз.

МЕТАЛЛ БАЛЛОНДЫ СУҒА САЛМАҢЫЗ.

Жағымсыз әсерлері

Төменде препараттың әрбір белсенді компоненті – сальметеролға және флутиказон пропионатына жағымсыз реакциялар берілген. Осы препараттар біріктірілімінің жағымсыз реакцияларының бейіні әрбір компонентке болатын жекелей реакцияларға ұқсас.

Өте жиі 10-нан ≥ 1, жиі 100-ден≥ 1 және 10-нан < 1, жиі емес 1000-нан ≥ 1 және 100-ден < 1, сирек 10000-нан ≥ 1 және 1,000-нан < 1; өте сирек 10000-нан < 1.

Өте жиі

- бас ауыру

- назофарингит

Жиі

- ауыз қуысының және жұтқыншақтың кандидозы

- пневмония (ӨСОА бар пациенттерде)

- бронхит

- ауыз-жұтқыншақтың шырышты қабығының тітіркенуі

- гипокалиемия

- дауыстың қарлығуы, дисфония

- бұлшықет құрысулары, сынулар,

- гематомалар

- синусит

- тремор

Жиі емес

- терінің аллергиялық реакциялары

- ентігу

- жүрек қағысының жиілеуі, тахикардия,

Сирек

- өңеш кандидозы

Өте сирек

- бронхтың әдеттен тыс түйілуі

- жүрекшелер фибрилляциясы

- гипергликемия

- катаракта, глаукома

- анафилаксиялық реакциялар (анафилаксиялық шокты қоса)

- ангионевроздық ісіну (әсіресе беттің және ауыз-жұтқыншақтың ісінуі)

- Кушинг синдромы, бетте кушингоидтық белгілер, бүйрекүсті бездері функциясының тежелуі, бойдың өсуінің балалар мен жасөспірімдерде кідіруі, сүйек тінінің минералды тығыздығының төмендеуі

- мазасыздық, ұйқының бұзылуы, мінез-құлықтың өзгеруі, жоғары белсенділік пен ашушаңдық (әсіресебалаларда)

- депрессия, озбырлық (әсіресе балаларда)

- жүрек ырғағының бұзылуы (қарыншаүстілік тахикардияны және экстрасистолияны қоса)

-артралгия, миалгия

Кейбір жағымсыз әсерлердің сипаттамасы.

β2-агонистермен емдеген кезде тремор, жүрек қағуының субъективті түрде сезілуі, бас ауыру сияқты жағымсыз әсерлері жөнінде мәлімделді, алайда олар өткінші және үнемі қолданғанда олардың айқындылығы азаяды. Серетид® Эвохалер препаратының құрамындағы флутиказон пропионаты кейбір пациенттерде дауыстың қарлығуын және ауыз қуысы мен тамақтың кандидозын туындатуы мүмкін. Қарлығу мен кандидоз көріністерінің жиілігі ингаляторды қолданғаннан кейін ауызды және тамақты шаюмен төмендеуі мүмкін. Симптоматикалық кандидозды, Серетид® Эвохалер препаратын қолдануды тоқтатпай-ақ, зеңге қарсы препараттармен емдеу қажет.

Бала жасындағы пациенттер.

Балалар мен жасөспірімдерде Кушинг синдромы, бетте кушингоидтық белгілер, бүйрекүсті бездері функциясының тежелуі, бойдың балалар мен жасөспірімдерде өсуінің кідіруі қамтылатын жүйелік әсерлер болуы мүмкін.Балаларда сондай-ақ үрейлену сезімі, ұйқының бұзылуы және мінез-құлықтың бұзылулары, аса жоғары белсенділік пен қозуды қоса, пайда болуы мүмкін.

Қолдануға болмайтын жағдайлар

- препарат компоненттеріне жоғары сезімталдық

- 4 жасқа дейінгі балаларға

Дәрілермен өзара әрекеттесуі

Пациентке өте қажет болатын жағдайларды қоспағанда, селективті емес және селективті бета-адреноблокаторларды қолдануға жол бермеген жөн.

Құрамында басқа бета-адренергиялық препараттар бар дәрілік заттармен бірге қолданудың потенциалды β2-аддитивтік әсері болуы мүмкін.

Флутиказон пропионаты

Әдеттегі жағдайларда флутиказон пропионатымен ингаляция жасау, Р450 3А4 цитохромының ықпалымен ішекте және бауырда «алғаш» өту кезінде метаболизмнің қарқынды және жүйелік клиренсінің жоғары болуы салдарынан, оның плазмадағы концентрацияларының төмендеуімен қатар жүреді. Осының арқасында, флутиказон пропионатының қатысуымен клиникалық тұрғыдан маңызды өзара әрекеттесудің болуы екіталай.

Дәрілік өзара әрекеттесулеріне жүргізілген зерттеу ритонавир (Р450 3А4 цитохромының белсенділігі жоғары тежегіші) қан плазмасындағы флутиказон пропионатының концентрациясын едәуір арттыруы мүмкін екендігін, соның салдарынан сарысулық кортизолдың концентрациясының едәуір төмендейтінін көрсетті. Ингаляциялық флутиказон пропионатына қатысты мұндай ақпарат жоқ, бірақ қан плазмасында флутиказон пропионатының деңгейі едәуір жоғарылайды деп күтіледі. Флутиказон пропионаты мен ритонавирді бір мезгілде қабылдаған пациенттерде клиникалық тұрғыдан маңызды өзара әрекеттесулер жөнінде мәлімдемелер бар. Бұл өзара әрекеттесу Кушинг синдромы және бүйрекүсті функциясының тежелуі сияқты жағымсыз әсерлерді туындатты. Айтылғандарды ескеріп, пациент үшін потенциалды пайдасы ГКС-тің жүйелік жағымсыз әсерлері қаупінен басым болатын жағдайлардан басқасында, флутиказон пропионаты мен ритонавирді бір мезгілде қолдануға жол бермеген жөн.

Дені сау еріктілердің қатысуымен Р450 3A4 цитохромының күшті тежегішімен, кетоконазолмен жүргізілген аздаған зерттеу деректері бойынша, 1 ингаляциядан кейін флутиказон пропионатының экспозициясы 150%-ға артты, бұл флутиказон пропионатын дербес қолданумен салыстырғанда, кортизол деңгейінің көбірек төмендеуін туындатты. Р450 3A4 цитохромының басқа күшті тежегішімен (итраконазол сияқты) бірге қабылдау флутиказон пропионатының жүйелік экспозициясын және жүйелік жағымсыз әсерлердің пайда болу қаупін арттырады деп күтіледі. Сақтық таныту және мүмкіндігінше мұндай дәрілік заттармен ұзақ емдеуге жол бермеу ұсынылады.