Циклодинон № 30 табл покрытые оболочкой
Тауарлардың көрінісі фотосуретте көрсетілгеннен өзгеше болуы мүмкін

Циклодинон № 30 табл покрытые оболочкой

5261
Қолжетімділігі
Сатылымда бар
Үлгі
4029799166625
Елі
Германия
Өндіруші
Bionorica AG
0-0-4 бөліп төлеу
1315 x 4 ай
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Циклодинон®

Саудалық атауы

Циклодинон®

Халықаралық патенттелмеген атауы

Жоқ

Дәрілік түрі, дозасы

Үлбірлі қабықпен қапталған таблеткалар

Фармакотерапиялық тобы

Несеп-жыныс жүйесі және жыныс гормондары. Гинекологиялық ауруларды емдеуге арналған басқа препараттар. Гинекологиялық ауруларды емдеуге арналған басқа препараттар.

АТХ коды G02CX

Қолданылуы

- етеккір оралымы бұзылуында

- етеккір алдындағы синдромда

- мастодиния

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- жүктілік және лактация кезеңі

- осы дәрілік заттың белсенді немесе қандай да бір қосымша компоненттеріне аса жоғары сезімталдық

- тұқым қуалайтын галактоза жақпаушылығы, лактаза жеткіліксіздігі немесе глюкоза мен галактоза мальабсорбциясы

- 18 жасқа дейінгі балалар (индигокармин бояғышы бар)

Қолданған кездегі қажетті сақтандыру шаралары

Егер дәрілік затты қолданудан кеуденің ауыруы, етеккір алдындағы синдром, етеккір оралымы бұзылу сияқты симптомдар байқалатын болса дәрігермен кеңесу керек.

Циклодинон® әйел организміндегі гормондық теңгерімді қалыпты етеді, гармонизациялау үдерісі 3 айға дейін созылуы мүмкін. Осы кезде етеккір оралымы бұзылуы мүмкін.

Осы дәрілік заттың құрамында лактоза бар. Галактозаға жақпаушылықтың, лактазаның толық тапшылығын немесе глюкоза-галактоза мальабсорбциясының сирек тұқым қуалайтын проблемалары бар пациенттер бұл дәріні қабылдамауы керек.

Басқа дәрілік препараттармен өзара әрекеттесуі

Егер пациент басқа дәрілік заттар қабылдап жүрсе, бұл туралы емдеуші дәрігерге хабарлауы қажет. Кәдімгі изен жемістері экстрактісінің ықтимал дофаминергиялық және эстрогенді әсерлерінен дофамин агонистерінің және эстрогендердің әсері күшеюі және дофамин антагонистері мен антиэстрогендердің фармакологиялық әсерінің төмендеуі мүмкін.

Арнайы ескертулер

Эстрогенге-тәуелді ісікпен, гипофиз ауруларымен ауырып жүрген немесе ауырған пациенттер препаратты қолданардың алдында дәрігерден кеңес алулары керек.

Дофамин агонистерін, дофамин антагонистерін, эстрогендер мен антиэстрогендерді қабылдайтын пациенттер препаратты қолдану алдында дәрігерден кеңес алулары керек.

Vitex Agnus Сastus препаратының белсенді компоненті гипоталамус-гипофиз жүйеге әсер етеді, сондықтан анамнезінде гипофиздің аурулары бар пациенттер препаратты қолданар алдында дәрігермен кеңесулері керек.
Құрамында Vitex Agnus castus бар препараттарды қолдану, гипофиздің пролактин-секрециялайтын ісіктері кезінде ісіктер симптомдарын жасыруы мүмкін.

Қант диабетімен ауыратын науқастар

Циклодинон® 1 таблеткасында (бір реттік доза) 0,01 нан бірліктері (НБ) бар, ол қант диабеті бар науқастардың глюкоза деңгейлеріне әсер етпейді.

Педиатрияда қолдану

Препаратты балалар мен 18 жасқа дейінгі жасөспірімдерге қолдану туралы жеткілікті деректер жоқ. Циклодинон® препаратын балалар мен 18 жасқа дейінгі жасөспірімдерге қолданбау керек.

Жүктілік немесе лактация кезінде

Жүктілік немесе лактация кезінде қолдануға болмайды

Маңызды ескерту:

Тұрақты етеккір оралымы орнағанда жүкті болу ықтималдығы артуы мүмкін екендігін сіздерге ескертеміз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозаларда қолданғанда препарат автокөлік жүргізуге және механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Пациенттер

Бір реттік доза

Тәуліктік доза

18 жасқа дейінгі әйел жынысты жасөспірімдер мен ересектер

1 үлбірлі қабықпен қапталған таблетка

1 үлбірлі қабықпен қапталған таблетка

Бүйрек/бауыр функциясы бұзылған кезде көрсетілген доза туралы деректер жоқ.

Енгізу әдісі мен жолы

Пероральді қолдану үшін.

Қабылдау уақыты көрсетілген қолдану жиілігі

Үлбірлі қабықпен қапталған таблеткаларды күніне 1 рет 1 таблеткадан таңертең шайнамай, сұйықтықтың жеткілікті мөлшерімен (мысалы бір cтакан сумен) бірге қабылдайды.

Емдеу ұзақтығы

Емдеу 3 ай бойы, етеккір кезендерінде үзіліссіз жүргізіледі.

Егер симптомдар үш ай бойы қабылдағаннан кейін сақталатын болса, дәрігерден кеңес алу қажет.

Артық дозаланған жағдайда қабылдануы тиіс шаралар

Артық дозалану жағдайлары белгісіз.

Егер сіз қажеттіден артық Циклодинон® препаратының үлкен дозасын қабылдасаңыз, бұл туралы өзіңіздің дәріргеріңізге хабарлаңыз. Ол қажет болғанда тиісті шараларды қабылдай алады.

Дәрілік препаратты қалай қолдану керектігі туралы дәрігерден кеңес алу бойынша ұсыныстар

Препаратты қолдану туралы сұрақтарыңыз туындаса, дәрігермен кеңесу ұсынылады.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Келесі жағымсыз әсерлер болуы мүмкін:

- бас ауыруы, бас айналуы;

- жүрек айнуы, іштің ауыруы сияқты асқазан-ішек бұзылыстары;

- бет ісінуімен, ентігумен және қиындықпен жұтумен ауыр аллергиялық реакциялар;

- бөртпе, есекжем, акне сияқты (аллергиялық) тері реакциялары

Пайда болу жиілігі белгісіз.

Аталған жағымсыз әсерлердің кез келгені пайда болғанда препаратты қабылдауды тоқтатып, дәрігерге қаралыңыз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Үлбірлі қабықпен қапталған бір таблетканың құрамында

белсенді зат – кәдімгі изен жемістерінің нативті құрғақ экстрактісі (7–11:1) - 4 мг

қосымша заттар:

ядро: повидон 30, сусыз коллоидты кремнийдің қостотығы, картоп крахмалы, лактоза моногидраты, микрокристалды целлюлоза, магний стеараты

қабығы: тальк, титанның қостотығы (Е 171), темірдің сары тотығы (Е 172), индигокармин (Е 132), макрогол-6000, метакрилді қышқылы және этилакрилат сополимері (эудрагит RL 30 D)

Сипаттамасы

Дөңгелек пішінді, екі беті дөңес, жасыл-көгілдір түсті, күңгірт беткейлі үлбірлі қабықпен қапталған таблеткалар.

Шығарылу түрі және қаптамасы

15 таблеткадан алюминий фольга және ПВХ, ПВДХ үлбірден жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Бионорика СЕ

Кершенштайнерштрассе 11-15

92318 Ноймаркт, Германия

Телефон: +49 / (0) 9181 / 231-90

Факс: +49 / (0) 9181 / 231-265

электронды пошта: info@bionorica.de

Тіркеу куәлігінің ұстаушысы

Бионорика СЕ

Кершенштайнерштрассе 11-15

92318 Ноймаркт, Германия

Телефон: +49 / (0) 9181 / 231-90

Факс: +49 / (0) 9181 / 231-265

электронды пошта: info@bionorica.de

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Бионорика КАЗ» ЖШС

050060 Алматы қ., Жароков көш. 331, тел: 250-93-99

e-mail:info@bionorica.kz

Дәріханалар

Тауар артығымен бар
Тауар аз қалды
Аптека № 134, Уральск, (9 мкр "Котеджи")
г.Уральск, ул.Московская 10/2
Круглосуточно
Аптека №212
Проспект Абая 101/1
Круглосуточно
Аптека №151, Уральск (4мкр ТД "Урал")
г.Уральск, 4мкр 10/2
Круглосуточно
Аптека №202
г.Уральск, Жанаорда, 1/1
09:00-23:00
Аптека 174 (ПТ)
г. Уральск, проспект Н. Назарбаева, 171
Круглосуточно
Аптека №28
г. Уральск, ул. Курмангазы 175, ТД Уральск
Круглосуточно